صيانة 230 الف

اولاً انصحك لا تروح اي ورشة وتقول لهم ابغى اسوي صيانة شاملة للسياره خبرك عارف نصابين وحراميه راح يستغلون ويغيروا لك اشياء اصلاً ما تحتاج تغيير
لكن نصيحتي لك رح اي ورشه ثقه وخله يفحص لك السياره من تحت وفوق فحص كامل بـ 50 ريال وانت واقف معه وتشوف بعينك
عشان تشوف القطع التالفه فعلاً
وخله يسجل لك كل القطع اللي محتاجه تغيير في ورقه وتأكد انت بنفسك يعني شوف الجلد والمقصات وكل القطع الاستهلاكيه عشان تعرف الاشياء اللي محتاجه تغيير
بعدها يا عزيزي توجه لمحل قطع الغيار واشتر القطع كامله ورح لورشه عاديه مو شرط مركز متخصص لان المراكز الكبيره حراميه بياخذ عليك مبلغ كبير على شغل اليد
وتركيب القطع عادي اي ورشة تركبها

بالنسبه للزيوت ... زيت المكينه ما عندك مشكلة اي زيت بس انصحك بزيت هونداي او موبيل ون 20-w50 واخترت لك هاللزوجه لان السياره ماشيه كثير

وبالنسبه لزيت القير بما انك ماشي عليها هالمسافه ما انصحك تغيره كامل انا غيرت لسيارتي كامل وصار فيها نتعه
بس اسحب لتر وحط لتر جديد وبعد 5 الف اسحب لتر وحط لتر الين تصفي الزيت كامل وخليك مستمر اقل شي 6 شهور بسحب لتر وصب لتر جديد اكثر من مره
وبالاخير فك كارتير القير من تحت وغير الفلتر والوجه وزيت جديد
واحذر ثم احذر ثم احذر تغير زيت قير عند اليمنه اللي في البناشر لانهم ما يفقهون في زيوت القير شي
زيت القير لسيارتك نوع معين وما تلقاه الا في الوكاله وبرقم معين لسيارتك راح تلقى زيت هونداي للقير في البناشر بس غير انه تجاري مو مطابق لزيت سيارتك الموصى به بكتلوج السياره

بالنسبه تكلفة الصيانة كامله للسياره

لو نفضت السياره من الصدام للصدام راح تكون تكلفتك بحدود 3500 ريال

موفق

نسيت اذكر
غير طرمبة البنزين مع فلترها
نظف البخاخات في ورشه محترمه
غير بلف التبخير PCV
غير سير المكينه
شيك على مكرات المكينه
غير موية الرديتر بموية اصليه من الوكاله
غير بلف الحراره
غير فلتر المكينه والمكيف
طقم بواجي جديدة اصليه

بكذا بإذن الله السياره راح تعيش معك فترة طويله

وانصحك بتغيير الاشياء الاساسيه كل 100 الف
زيت القير كل 40 الف
البواجي كل 50 الف

موفق يالغالي

التعليق الاول للامانه انت بدتها بمسك وختمتها بثوووم ههههههه .. يارجل على اي اساس يحط زيت 20w50 !!!!

اتحداك تجيب لي اي كتلوج سياره بالعالم يقول غير اللزوجه وحط زيت ثقيل بعد ماتعدي 200 او 300 الف

هذي من خرافات سباكين الصناعيه قال ايش قالو البساتم تتاكل وتحتاج زيت ثقيل ! ! بالعربي يبونك تجي وتوظب مكينه بعد فتره وهم المستفيدين

نفس سالفه غير زيت 5 الاف والسيفون انساه لاتغيره الا بعد مرتين او ثلاث .. البلاء والجلاء والمصايب كلها بالسيفون لانه يمسك الكربون ويمسك براده الحديد علشان ماتمشي مع الزيت لكن المصيبه لو طولت عليه وماغيرته تقطع الكرتون اللي داخله ومشى مع الزيت ووصل الشخال حق الطرمبه وسده !! وقتها الله يعينك بيكون دفع طرمبه الزيت ضعيف ولايوصل لجميع ارجاء المكينه اللي اهمها عمود الكرنك ولو جزء بسيط منه تحرك بدون زيت انكسر وخبطت المكينه

الصحيح انك مع كل تغييره زيت تغير السيفون معاه سواء على 5 او 10 الاف .. لحد يجيني بعقليه الجاهليه [ مع احترامي ] ويجلس يقول هذا ماعهدنا عليه ابائنا واجدادنا او يقول لي فتره اسوي كذا ولا شفت كل خير !! ترى الموضوع مب موضوع وسوسه والا لازم تجيك مصيبه وتاكلها على راسك علشان تتعض ! يقولك المثل السعيد من وعظ بغيره والشقي من وعظ بنفسه ودامها سلكت معك مرتين ثلاث عشر مب كل مره راح تسلم الجره خصوصا ان اغلب السيفونات بالبناشر تجاريه 100 % واذا تبي الاصلي خذه من وكاله او موزع معتمد

الرد الاول فعلا مخربها
اولا القير السيارة ماشيه واجد لا تغيره
و الرد الاول يقول بعدين غير طرمبة البنزين ليش على اي اساس يغيرها وهي سليمه ما فيها شيء
فيه اشياء تتغير كل فترة مثل الفلاتر و السيور
و فيه اشياء ما تتغير ولا بعد 10 سنوات الا بحال تعطلت مثل طرمبة البنزين مثلا و باكم الفرامل و اشياء معروفه
يعني ما هو كل شيء بعد فترة خلاص يتغير
نصيحتي صاحب السيارة لا تغير شيء استخدم السيارة على وضعها و الخربان غيره فقط

يعطيك العافيه على الرد يا ابو هيثم
وكلامي بخصوص الزيت انا ما جبته من فراغ ولا تكلمت عن زيت خفيف او ثقيل
والزيت يا استاذ ابو هيثم ما عمره بُني على ثقل او خفه
موضوع خفيف وثقيل عندنا بس
الزيت واللزوجه يعتمد على درجة حراره المنطقة اللي السياره فيها
مثل الرياض على سبيل المثال درجة الحراره فوق 46 درجه لذلك بدرجة الحراره العاليه ( ينصح بإستخدام زيت 20-W50 )
لان لزوجته اعلى ويتحمل درجات حراره عاليه
زيت مثل 5w-30 مع الحراره العاليه يصير خفيف جداً داخل المكينه يصير سايل مثل المويه بسبب الحراره العاليه ويفقد لزجته
لذلك ينصح باستخدام زيت مثل 20w-50 في الاجواء الحاره


ع العموم انا ما ادري ليش انت مُحرم زيت 20-W50 !!!

هذي صور لك يالغالي من كتلوج سيارتي لكزس 2013 بخصوص الزيت

ومنها تقدر تشوف انواع الزيت المنصوح بإستخدامها بناء على درجة الحراره

اول صورة صورة الزيت
http://store4.up-00.com/2017-07/150124495560781.jpg

صورة الكتلوج
http://store4.up-00.com/2017-07/150124495602222.jpg

صورة انواع الزيوت المنصوح بإستخدامها بناء على درجات الحراره
http://store4.up-00.com/2017-07/15012449565143.jpg




تحياتي لك .... واتمنى ما يطول النقاش بموضوع الزيت اكثر من كذا

موضوعك و الصور عن الزيوت غلط
مبين بالصور الكتالوج ان زيوت 10w30__15w40__20w50
كلها تتحمل نفس الحراره
بينما زيت 5w30 مصنف على اساس انه للمناطق الثلجيه و البارده جدا حسب الكتالوج
وش نقول عن زيوت 20w0
وهو يعتبر جدا خفيف و تستخدمه فورد الجديده و التاهو الجديد و كثير من السيارات غيرهم و سيارات التوربو
يعني المفروض يصنف للسيارات المستخدمه بالقطب الجنوبي و الشمالي

كيف يستخدمونه بأجواء السعوديه على كذا و صوت السيارة هادي و ممتاز و تتحمل بدون مشاكل

السيارة مجرد ما تشتغل ربع ساعه ما عاد يدري عنك الزيت الجو صيف او شتاء
بحكم بلف الحراره ترتفع لمستوى معين و تثبت عليه ما درت عنك و عن جوك
يعني ما تفرق صيف او شتاء تستخدم نفس الزيت

كتلوجك مضروب
عندي مكتوب بالرسمه
5w30من تحت الصفر الى38واكثر
بالفورد والنيسان
بعده تجي لزوجة10w30
وباقي اللزوجات

وش دخل حرارة الجو بحرارة المكينة؟
اذا وصل عداد الحرارة للنص تكون درجة الحرارة بين الـ80 و 100
وهي بس حرارة الماء
كم تتوقع تكون حرارة الزيت

صاحب التعليق الاول انا كنت مثلك في فكرة الزيت وثقله 20w50 و مناسب للاجواء عندنا بس طلع شين ومصيبه للمكينه
مع الوقت تبان لك مصايبه
كامري2011 فقع لي الصوف ووجه المكينة صار يهرب بعد البحث لقيت ان البلا كله كان في الزيت وثقله
السوناتا نفس السالفه اكثر من شخص صار له مشاكل مع الزيت الثقيل
الزيوت الجديده صارت تتحمل درجة حرارة عاليه ونفس الوقت خفيفه ومناسبه للجميع 5w30 تصنيف SN

يابعدي مب مسأله تحليل او تحريم هي سيارات لا انت اللي صنعتها ولا انا .. المسأله مسأله اختلاف مفاهيم لا اكثر ولا اقل .. وغير كذا خلك معي بخصوص انك تقرن لزوجه الزيت بدرجه حراره الجو

اول حاجه لاحظ ان جميع الزيوت الثلاث 20w50 ,10w30 ,15w40 مختلفه بالبدايات لكن نهايتها على درجه حراره وحده اللي هي 38 اذا حسب مفهومك ان الرياض توصل فيها درجه حراره 46 اجل المفترض تستخدم لزوجه اثقل مثل 20w80 او حواليها لان 38 ماتكفي ! واذا ماقدرت تحصل هاللزوجه خلاص طال عمرك لاتحرك موترك بالحر ابداااا لين تنزل الحراره ل 38 بالله عليك يعقل الكلام هذا ! انا ماجبت شي من عندي هذا مفهومك عن الزيوت لانك قرنتها بدرجه الحراره ذا اول شي

يكون بعلمك ان درجه حراره الزيت داخل المكينه توصل 90 درجه مئويه .. بالله عليك ايهم اعلى الحين 46 او 100 ,, ايهم اعلى درجه حراره الزيت والا درجه حراره الجو !! بتقولي ذي درجه حراره الماء طيب حرارته منين تجي اساسا ! ماعمرك فكرت ليش حطو مويه واديتر وطرمبه ماء بالسياره من الاساس .. ترى ذا كله علشان تبرد على البساتم .. والبساتم حرارتها من حراره الزيت

الحاجه الثانيه لو اخذنا بكلامك عن 20w50 ابشرك تراه موجود بجميع كتلوجات مواترنا مب بس موترك .. لكن لو اخذنا بكلامك وطبقناه معناته جميع السيارات بالسعوديه قديمه وحديثه لازم يستخدمون زيت 20w50 اجباريا وبدون نقاش وغصب عليهم بعد !!! ليه يابن الحلال ليه ! ببساطه لانه مكتوب بالكتلوج

الله يرضالي عليك الكتلوج حدد لك 5 او 6 لزوجات تختار فيها المتوفر ببلدك .. اذا كلها او اغلبها موجوده الطبيعي انك تختار الافضل ماتختار الاسوأ .. بعباره ادق تروح جهه الزيوت التخليقيه ماتروح جهة الزيوت المعدنيه , ولعلمك بما ان صاحب الموضوع سيارته سوناتا مكتوب بكتلوج موتره هالملاحظة (( إذا لم يكن تصنيف SN متوفرا ببلدك , فيمكنك استخدام تصنيف SL )) بمعنى اكثر وضوح ينصحك اولا باستخدام الزيوت التخليقيه اللي تصنيفها حديث مثل 5w30 واذا كانت غير موجوده تحول للتصنيف المعدني القديم وزيوت 15w40 و 20w50 لاحظ انه رتبها لك وعطاك أولويات وشروط مب على كيف الواحد ينقز لزوجه عن لزوجه (( طبعا مب شرط تحصل لزوجات 5w30 كل ابوها تخليقي لكن نقول 98 % منها ))

بالنهايه موترك يالغالي بيمشي حتى لو تحط له زيت عافيه .. لكن حنا نتكلم عن الزيت اللي يعطي الاداء الكامل والعزم الاعلى ويخفض صوت المكينه ويقلل استهلاك البنزين ويزيد العمر الافتراضي للمكينه .. الا وهو الزيت التخليقي مثل 5w30

يعطيك العافيه بيض الله وجهك
يا smt-aljro7
ويا اخوان الله يهديكم انا ابي نصيحتكم وانتم جيتوا تتناقشون عن الزيوت

باختصار الصيانة غير الشيء القطع الخربانة او الي على وشك فقط وش لك بالخساير

الشيء التالف^^ تعديل

كلام الاخ عامر ^^ صحيح

لاتغير الا التالف وبس يعني حنا ماندري عن حالة الموتر الراهنة عشان اقولك غير لاتغير الخلاصة امش عليها وحدة وحدة عضلات شف وش تحتاج

ما اقدر افتي لك من ورا شاشة هي وش تبي شيك على كل شي تحت مساعدات جلد مقصات مسامير توازن الخ ... اللي تعبان غيره واللي باقي فيه خله


السير شيك عليه ، الموتر صافي ونشيط ولا فيه تفتفه شيك على بواجيه صفاية بنزين

الفلاتر فلتر هواء المكينة كانك من النوع اللي ينساه ما يغيره غيره وكل تغييرت زيت نظفه ثلاث اربع مرات ثمن جبه معك لين عرفت انه ماعاد ينفع للتنظيف وفلتر المكيف وبس سلامتك


غيرها اذا الموتر ما يشتكي من شي قربعة ولا غيره صرفية على الفاضي مع احترامي


انا يا محاكيك معي 2009 وماشي 325 ماشاء الله تبارك الله واغير زيت القير اول بأول كل ما حسيت انه بدا وغيره فلتر هواء ومكيف وسيفون وزيت عضلات اذا ابطيت كم سنة او حسيت طلعت صوت شيك والتالف اغيره وسلامتك


موفق