أضف سؤال أو موضوع جديد          

اخواني ما الفرق بين النترا الوكالة والنترا المعارض ؟؟

up 6 down 3
meem_69 -5
قبل 6 سنه و 7 شهر



.







آلسلام عليكمم ورحمة آلله وبركآته 
آخوآني الله يعطيك العافيه عندي استفساار هام وضروري انا ناوي ان شاء الله اطلع النترا 2013 ومستعجل عليهاا لشدة حاجتي لها بحكم اني طالب جامعي مالكم بالطويلة اللي صار رحت الناغي قالي الالنترا 2013 بمكينة 1.8 ما راح توصل إلا بعد شهر تقريبا وبعد الشهر تنظر 12 يوم وبعدها تستلم السيارة والالنترا 1.6 راح توصل بعد 4 ايام ويا تلحق يا ما تلحق 
طبعا انا ابي اللي بمكينة 1.8 وبما انو مافيه في الناغي قررت اطلعها من معرض بس البعض حذرني من المعارض وانو تجي السياره ناقصه قطع او تجي بدون ضمان سألت موظف في الناغي قال غالبا المعارض يعطونك ضمان لغاية 60 الف كيلو اما الوكاله تعطي ضمان 100 الف كيلو او 3 سنوات 
بعد هالمقدمه سؤالي وش الفرق بين الالنترا من الوكالة والالنترا من المعرض من جميع النواحي واهمها الضمان ( لأهل الخبره والمجربين ) 
يعني رايكم اطلع الـ 1.6 من الوكالة او الـ 1.8 من المعرض 
بأنتظاركم وسلامتكم





.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ي رجال كلها واحد ماتفرق من الوكاله ولا المعرض لأن المعرض ياخذ السيارات من الوكاله حتى يوم تروح تشتري تحصل
اكثر السيارات عليها استكر الوعلان اذا انت من الرياض واذا تبي تتأكد اول ماتجي تسأل عن السياره اسألهم وارد اي وكيل 
وهم يعلمونك طبعآ مكينة 1.8 افضل من 1.6 واذا تبي شوري خذ الخليجيه افضل مواصفات بس انتبه من وارد الاردن
الخليجيه خذها وافتح لها ملف ضمان بـ200 ريال عند اي وكيل هيونداي :)


up 2 down 0
الالنتراوي 5151
قبل 6 سنه و 7 شهر



افضل 1800عزم حتى في السفر احسن من ناحية الصوت


up 1 down 0
kutre 399
قبل 6 سنه و 7 شهر



حبيبي اذا بتاخذها من معرض انتبه انها لاتكون خليجي لان الخليجي ماعليه ضمان 
واغلب اللى في المعارض خليجي فخليك على الوكالة احسن او اوتو ستار ويوفرها لك بخلال اسبوع


up 0 down 0
mr.abuud 1710
قبل 6 سنه و 7 شهر



الله يسعدكم ومشكورين ي غوالي ع الردود 
بس برضو البعض يمدح والبعض يذم عموماا انا بكره بروح المعارض وبسأل والسبت بروح الوكالة وبسأل 
بس ما فهمت عليك اخوي الالنتراوي كيف يعني افتح لها ملف ضمان عند اي وكيل 
يعني لو اشتري السياره بدون ضمان اقدر ادخلها تحت ضمان الناغي ؟! 
إذا كذا حلو جدا 


up 3 down 0
meem_69 -5
قبل 6 سنه و 7 شهر



اذا كانت خليجيه او مستورده من اي دوله تقدر تدخلها تحت اي ضمان وكيل وتقدر تمدد الضمان بعد


up 0 down 0
ابـو يـوسـف 85
قبل 6 سنه و 7 شهر



ونعم الاختيار وعلى البركه مقدماً

موفق


up 0 down 0
ابـو يـوسـف 85
قبل 6 سنه و 7 شهر



ياغالي السياره الخليجيه الوكيل السعودي مايضمنها لأن رقم الهيكل غير مندرج ضمن السيارات السعوديه او النترات السعوديه
اللي ف نظام وكلاء هيونداي المحليين عشان كذا لما تشتري الموتر تروح للوعلان اذا انت ف الرياض وتدفع 200 ريال اسمها
فتح ملف ضمان ويضمنها لك زيها زي السيارات الثانيه السعوديه ونفس الحكايه مع الناغي والمجدوعي .. الا وارد الاردن او يسمونها الحره
مالي علم فيها ولا انصحك فيهاا ... اما اذا ماتهمك زود المواصفات عادي خذ من اي معرض وارد الوعلان او المجدوعي وكأنك مآخذها من
الوكاله اهم شيء شيك على الاستبنه والملحقات اللي تجي مع السياره انت اللي مسوي موضوع ف منتدى السياارت الكوريه صح ؟! اذا تبي
تتأكد من موضوع فتح ملف ضمان السياره الخليجيه رح لصيانة الوعلان السريعه اللي ف خريص ورح يعطونك معلومات عن ذا الموضوع


up 0 down 0
الالنتراوي 5151
قبل 6 سنه و 7 شهر



مثل ماقال اخوي ابراهيم التركي 

خذ مكينة 1800 وسوي تامين على السيارة وبلاش ضمان وضحك على الدقون 

ومبرك مقدم يعطيك خيرها ويكفيك شرها 


up 0 down 0
عاشق خيالك 4801
قبل 6 سنه و 7 شهر