حادث سيارة منتهي بالتمليك

التفاصيل ناقصة.. الحادث هل فيه طرف ثاني ولا صدمت لحالك..

وإذا كان في طرف ثاني هل معاه تأمين ولا ما معاه

وهل جا نجم أو المرور وسجلو الحادث؟؟

الحادث حريق اثناء السير لحالي 

والتأمين طلع منها لان يقولك خلل فني 

الوكالة طلبت مني فواتير تغير الزيت وانا ماغير عندهم وماعندي فواتير 

في هالحالة اصلح ع حسابي

الله يعينك ويعوضك خير بس وش سبب الحريق

ايش دخل الحريق بتغير الزيت
تتحملها الوكاله
فعلا لو نركز التأمين ايش دخله بخللل فني تتتتحمله الوكاله

خلك قوي وواجه الوكاله بكل قوتك
لا تعطيهم فرصه عليك
هذا خلل مصنعي وقاعدين يتعذرون بفواتير الزيت
ايش دخل الزيت في الحريق هم يبون يطلعون من الموضوع بـ اي وسيله
اذا ما تجاوبوا معك الوكاله كلم وزارة التجاره
وترا سبب الحريق ( كهرباء ) والمكينه ماله دخل بالحريق

المكينه لو تمشي عليها بدون زيت ما راح تحترق ابد راح تخبط عليك بس ما راح تحترق
المهم زي ما قلت لك كلم وزارة التجارة ولا تعطي الوكاله فرصه عليك هذا خلل في السياره

وفقك الله

عجزت اقتنع عطنا غير هالكلام اذا حريق الدفاع المدني وش كتبو لك بالتقرير اذا عيب مصنعي الوكاله تتحمل السياره
حتى لو تغير الزيت برا

المشكلة ان المككينة مفقوعة البستم طالع لبره واضح عيب مصنعي 

الوكالة تقول اي شي في المكينة لازم تجيب فواتير للزيت كذا نظامنا يقولون

الاحتراق صار في موتصير البنزين مو المكينة 

الله يعوض عليك
اذكر كتبت موضوع عن الحريق ذا من سنة تقريبا
طيب جربت خلال هذي الفترة ترفع شكوى لوزارة التجارة ؟

كلامك صحيح ياسلطان هذا نفس الموضوع اللي من سنة 
المشكلة وزارة التجارة تقولك اذا,الوكالة تبي فواتير جب لهم فواتير 
مافي انصاف هنا القهر

مشكلتنا نبي الامور تمشي بالعواطف.. ولكن الوكالة عندهم الامور تمشي بالقوانين..

اذا تسوي الصيانة الدورية عندهم يصلخوك بالأسعار الفلكية

واذا تسويها برا طالبوك بالفواتير وحتى لو اشتكيت عند التجارة راح يطالبوك بفواتير وتكون مطبوعة بالكمبيوتر..

نصيحة للاخوان السيارات الايجار المنتهي بالتمليك مشاكلها واجد.. دائما خلي موقفك سليم ومعروفين الوكالات يستغلون اي ثغرة حتى لا يتحملون قيمة الاصلاح

انا اشوف ان تستشير محامي هو الي بيطلع حقك منهم هو الي يعرف القوانين ومن وين تقدر تحاججهم ويكون موقفك قوي

الموضوع بسيط يبون فواتير رح ورشة معتمدة ويعطيك فواتير سنة ٢٠٢٠ لو تبي
مو معقول يحملونك ٣٠ الف عشان ما تكسبهم وتغير زيت عندهم

حاول تتلفه باي شكل
تخلي احد يصقعه او اي شي
الله يعوض عليك
هذا غلط الوزاره وش فواتير بقعد اجمع فواتير

انا من رأيي انك تشوف البنك 
السيارة ماهي لك بأسم البنك البنك يتواصل مع الوكالة او يعتبر السيارة تالف و يلغي العقد 
لأن حريق و ضربت المكينة الأغلب قيمة تصليحها رح تكون اكثر من نص قيمتها في الوكالة و بكذا تكون تالف 
ولو ما نفع هذا الحل مالك الا انك تتلفها انت و تطالبهم بأسقاط العقد اذا هم وصخين و التجارة تجاملهم خلك اوصخ منهم