أضف سؤال أو موضوع جديد          

غيار زيت الوكالة

up 3 down 0
صالح الأحمدي 19
قبل سنه و 2 شهر



السلام عليكم ورحمة الله وبركاته
اسعد الله مساءكم بكل خير
اخواني الكرام انا عندي فحص للسيارة بالوكالة بعد ما مشت
10.000كيلو ويوم راجعتهم قالوا تكلفك 550ريال ويغيرون الزيت
وفلتر الهواء والمكيف ويفحصون السيارة بالكمبيوتر
وصراحة مبلغ الصيانة كبير والسيارة توها جديدة والوكالة رافضه اغير عند بترومين ويهددون بالغاء الضمان اذا غيرت عندهم
واتصلت على وزارة التجارة وافادوني بان بترومين واي سي ديلكو
معتمدين شرط انك تاخذ فاتورة من عندهم
بصراحة الواحد محتار الوكالة تهدد ووزارة التجارة تقول كلام ثاني
واحنا ضايعين بين الإتنين ❗❗❗







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمه الله وبركاته 

اذا سيارتك هونداي ودها الصيانه السريعه كلها غيار زيت وتنظيف فلتر الهواء

اخوي معه انترا جديده سوا اول صيانتين مجانيه عند الصيانه السريعه

ولا عمرها طبت الوكاله كلها تغير زيت وسيفون وانتهينا 


up 5 down 0
ابوسعــــود 225
قبل سنه و 2 شهر



ياعزيزي الوكاله تضمن محركات السياره حسب الوكالات 100 الف او 150 الف وهذا نظام عالمي والو كالات جت قبل لا يفتح بترومين والشي الاخر مفتاح الصره وفلتر الزيت موجود عند اي بنشري هذا والله الموفق


up 2 down 3
عاش بو علي 497
قبل سنه و 2 شهر



وشلون ضايعين بين الاثنين النظام واضح غير من اي مركز معتمد ما عليك من الوكاله اذا الفواتير معك ومختمه


up 4 down 0
ابوعبدالله90009 121
قبل سنه و 2 شهر



انا كان عندي اوبتما 2014 وقدر الله وصار القير فيه نتعه او دقه اذا جيت اهدي .. المهم كانت الصيانات عند بترومين
وعند محلات تغيير زيت المشاحم معتمده بسجل تجاري ( وجميع فواتير الصيانات محتفظ فيها مع فواتير اي قطع اصلية
مثل فلتر زيت المكينة والهواء وغيره  ) ... ممشى سيارتي وقتها ٣٣ الف كيلو .

المهم راجعت الجبر وكيل كيا في السعودية .. وفحصوها وقال لي موظف استقبال الصيانة ( بوص سعادتك اينتا ما عملتش
اي صيانة للعربية عندنا فلازم تدفع لامواخزه توسعوميت جنيه اصدي توسعوميت ريال ) .. طبعاً بعد ما وريته فواتير الصيانة
وفواتير قطع الغيار الاصلية من الجبر نفسه حاول انه يصرف ويتحجج .. لكن على طول كبست عيوني عليه بالزينون العالي 
قلت اسمع انا ما جيت هنا علشان اسوي صيانة انا جيت علشان تصلحون عيب مصنعي على حساب الوكالة في كوريا 
ولا راح تخسرون ولا ريال لان الضمان يشمل القطع والاجور وكل شيء ... والا باكلم وزارة التجارة يتفاهمون معكم
وراح اخاطب الوكيل الاقليمي وايضاً راح اخاطب الشركة المصنعه في كوريا واشرح لهم كل شيء .

قال وهو قامط العافيه (خلاص خلاص يا باشا ولا يهمك راح نصلح كل شيء ولا تدفع ولا ريال ) المهم سلمت السيارة
الصباح الساعة ٨ واستلمتها الساعة ١١ يعني خذت منهم ٣ ساعات تقريباً .. وكانت المشكلة من مخ القير او ما يسمى 
البلف بودي او منظم القير .

الخلاصة والشاهد في الموضوع اذا صيانات موترك عند جهة معتمدة ومحتفظ بالفواتير ولا قدر الله الا كل خير واحتجت 
الوكالة يوماً ما .. فحط الفواتير وكل شيء بين حواجبهم وقل نفس كلامي ( ودربك خضر ) .. وسلامتك ومن يقرأ .


up 4 down 1
nasser1430 858
قبل سنه و 2 شهر



بالنسبة لوكالة الناغي. مايعتمد بترومين. وون ستوب . يقولك هم مايفحصون كل النقاط. ولازم تتنظم عندهم بالصيانة كل خمسة الاف. ولو مرةةتغير زيت برى. عطول تطلع من الظمان.


up 0 down 3
ابومزعل 338
قبل سنه و 2 شهر



حصلي موقف.
عندي ازيرا 2014 ( المجدوعي) قبل فترة بسيطة تعطل عندي شريحة الدركسون المسؤلة عن الايرباق والبوري...الخ
وانا كنت غير ملتزم ابدا في الصيانة الدورية من شريتها ماقد مريت الوكالة ابدا.
وقت ما اختربة الشريحة كنت مطفر ومش مستعد ادفع ريال واحد لاصلاح السيارة.

قلت خلني امر الوكالة المجدوعي يمكن يشملها الضمان نجرب مش خسرانين شي ان جات جات ولا امرنا لله.
والله وادخلها ويجي دوري عند الموظف ويطلب الاستمارة ويدقدق في الكومبيوتر ويقولي ( بنوب انتا ماجيت لعندنا).
قلت اي والله بنوب هههههه ولا كانت لي نية اجي لعندكم لكن للظروف احكام وانا مظطر وماقصرة الوكالة دخلت السيارة وبدلت الشريحة وسلموني المفتاح وقال توكل على الله.
قلت ماتبغون مني شي ولا شي قالو توكل على الله خلاص مانبي شي ههههههه.

فانا اعتقد ان هناك اعطال في السيارة تكون اخطاء تصنيعية المفروض الوكالة تصلحها حتى لو كنت مش ملتزم بالصيانة الدورية عندهم.


up 1 down 2
caprice-ss 179
قبل سنه و 2 شهر



بترومين معتمده ولاتخاف من كلام الوكالة أهم شي تخلي معك الفواتير وتغير كل 5000 الوكالة حرامية سيارات وكالة مامشت يجبرونك على صيانه كاملة وفي كل مره يزيدون السعر عليك لو تحسبها تكون دافع قيمه سيارتين نصيحه لك ولغيرك غير في مكان معتمد ب70 أو 80 ريال وخذ فاتوره


up 2 down 2
aliexendr_8 102
قبل سنه و 2 شهر