مشاكل السوناتا بدت تجنني

شيك اذا كل شي سليم خلاص قفل نهائي و لا توسوس
وسوس في اي شي الا السيارة لانك راح تتعب
سيارتي قبل سنتين الينترا 2015 نفس المشاكل صوت من الطبلون و فيه تنسيم من الباب و ضغط الهواء اذا السيارة واقفة و نزلت الاقزة الضغط يطلع و ينزل
و العضو شاقح وريته مقطع فيديو استغرب
فعادي اهم شي تشيك كل شي سليم وكل امرك لله

ما فهمتك يا اخوي يعني إبرة ضغط المكينة كانت تلعب عندك؟ وهل سببت لك مشاكل

عداد الضغط يلعب في كل السيارات اذا شبك الكمبروسر يرتفع واذا فصل ينزل واذا عشقت ينزل واذا حطيته على الفاضي يطلع بسسسس اذا قصدك رجه قويه هذا احتمال 90% من بوابه الهوا وسخه يحتاج لها تنظيف

النترا و سوناتا، إذا فيه صوت خرير ماء، أو جريان ماء، فالمشكلة نقص ماء خفيف في القربة الخارجية للردير، قم بشراء ماء مقطر واملأ القربة الخارجية حتى ال F

المتوكل

صحيح ان الكمبرسور اذا شغلته يرتفع ضغط الهواء لكن ارتفاع طفيف جداا بالكاد تلاحظه وما يجلس يلعب ابدا زي وصف راعي الموضوع !
سيارتي 2016 الكمبرسور ((كلتشات)) لما يكون طافي واشغله يرتفع عداد الضغط شي بسيط جداا بالكاد تلاحظه ولما يفصل ويشبك الكمبرسور ما يصير اي شي لعداد الضغط ثابت بمكانه
مع العلم ان كمبرسور السوناتا كهربائي ما يفصل ويشبك اصلن زي كمبرسور الكلتشات
بوابة الهواء كيف وسخانه والسيارة دوبها مامشت 30 الف كيلو !؟
من سابع المستحيلات توسخ بوابة الهواء بهذا الزمن القصير الا اذا فلتر الهواء مشقوق او فيه مشكلة ! وهذا نادر جداا يصير

بالنسبة لصوت اللي يشبه الماء صارت لي في سيارتي كان عندي الدينمو بيودع وقبلها بيومين كل ماشغلت السيارة اسمع صوت بربرة مثل الموية وبعدها خرب الدينمو وقطع على السير 

ولكن سيارتك ماشاء الله لسه جديدة والافضل تروح للوكالة 

بالنسبة لصوت الموياء والغليان انا صارت لي ورحت شيكت عليها اول ما سمعته وقالوا ما فيها شي
بعدها بيومين نزلت موية الرديتر كله ورجعت للورشه وطلعة المشكله الحلق الي ماسكة الخرطوش مرتخية ولازم تتغير

اجل قلت سوناتا

اذا معك التيربو الكومبريسور كلتش مو كهربائي

مكينه ٢.٤ العاديه كومبريسور كهربائي

ع العموم شيك البواجي واذا الصدمه من الوجه شيك على المراوح ماء الرديتر بوابة الهوا من كلامك احس شغلتك بسيطه

ترا فلتر الهوا يسوي هالحركات اذا ماتغير حتى لو يتنظف يصير مكتوم

انا قبل اسبوعين غيرت فلتر الهوا مثل ماتعرفون مو مثل القديمه يمديك تنظف القربه من الرمل خليته يفك القطعه البلاستيك وشغلتها سهله لين طلع الثروتل والله ياكميه الرمل اللي نزلت منها وهي ماصار لها ٥ شهور

والبوابه نظيفه بس كميه الرمل اللي كانت داخل شي غريب

ماخليته يغير فلتر بس قلتله فكه كامل ونظفه بصيانه المجدوعي السريعه

يا جماعة الخير بعد الحادث انكسرت قاعدة فلتر الهواء وصار يلعب الأسود اللي يجي جهة الصدام اللي شكله مستطيل وفلتر الهواء ما غيرته من الوكاله الي الحين ولعلم ترا الفلتر يتحرك اثناء المشي من مكانه 

طبعا القاعدة هي اللي تمسك الفلتر من الامام اللي تحت الكبوت مباشره لما تسكره وفوق الشبك