سوناتا 2012 كم تاخذ علبه زيت القير

اخوي انا عندي سوناتا 2012 والشهر اللي فات غيرت زيت القير في بترومين اخذت علب الزيت من الوكالة وغيرتها واخذت 4 علب وشيك عليها الفلبيني قالي تمام الزيت كامل طبعا انا اخذت من الوكالة 5 علب احتياطا لكن ما شاء الله كفت 4 علب 

بيض الله وجهك
وجزاك الله خيرا

ايه نعم ٤ علب

معي كيا اوبتيما نفس محرك السوناتا

واخذت ٤ علب من محل قطع غيار هونداي ب٤٠ العلبه

ونفس العلبه مكتوب عليها شراكه لوهنداي وكيا

وتم التغير في مركز الخدمه السريعه لكيا

كلف شغل اليد ١٦٠ريال

وقلت لهم .. شريت٤ علب وما ادري كم تاخذ..قالوا ٤علب بالظبط..وتم التغير

الاكيد 4 علب في موترك اخي

ياغالي اساسا زيت القير 7.5 الى 8 لتر وهذا المكتوب ب الكتلوج

لكن فيه حاجه اغلب الناس ماتعرفها انه ماينزل الا 4 علب او اقل والباقي داخل القير ماينزل .. بعد ماتقفل الصرة يختلط الزيت القديم بالجديد ويرجع 8 علب كما كان

ماعمرك سألت نفسك ليش السيارات الكوريه قيورها بدون فلتر ؟؟؟ الفلتر داخلي ومايتغير الا في حاله التوظيب لا قدر الله ووقتها لازم تصب 8 علب .. على فكرة جميع السيارات الكوريه من الالنترا حتى الازيرا ومعاهم جيب السنتافي تاخذ 4 علب ونوع الزيت الجيل الرابع ابو علبه زرقاء ATF SP-IV ماعدا الجنسيس والازيرا الجديده نوع زيتها يختلف لان القير 8 تعشيقات

صحيح كلها تاخذ ٤ علب بس الافضل تخلي الصره مفتوحه لاطول وقت التنقيط اللي ينزل ياخذ فتره

ما شاء الله كلكم خبرة احسن من الوكالة اللي تحط 4 ونص

ما شاء الله كلكم خبرة احسن من الوكالة اللي تحط 4 ونص

جزاكم الله خيرا
وبيض وجوهكم جميعا