أضف سؤال أو موضوع جديد          

اصحاب السوناتا

up 2 down 1
الخور قريبه 267
قبل 2 شهر و 3 أسبوع



السلام عليكم ورحمه الله وبركاته اخباركم وكل عام وانتم بخير واعاده الله علينا وعليكم صالح الاعمال.        يا شباب اللي معاه سوناتا من فوق 2010 كم وصل مشي عمر المكينه وليش تخبط مع اني معاي 2016 ولها تقريبا سنتين وامورها ماشاء الله ماشيه الان 88000 الزيت اللي استخدمه هيليكس 10 30 ومع اني استخدمت الكاسترول 10 30 اول ماشريتها ولما وصلت 40000 نصحوني ناس اني احول الزيت الهيليكس مع ان الكاسترول ما شتكيت منه وما شاء الله تبارك الله الى الان امورها طيبه ولا عمري دخلتها الوكاله والاسبوع الماضي غيرت فلتر الهواء والمكيف فقط والمكيف ماشاء الله عال العال واستخدامي للسياره حشمه وماني راعي قومات لكن عالخط امشي اوصل 200 بس ماهو مستمر لكن نسمع كثير خبطت معهم المكينه هل سوء استخدام ولا الزيت اللي يستخدمه ثقيل عالمكينه نحب نسمع ارائكم بخصوص السوناتا 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله شف ي طويل العمر الي يشتكون من التخبيط الي مكينتهم ٢٤٠٠ الكبيره اما ٢٠٠٠ امورها طيبه اما سبب التخبيط للسوناتا ان طرمبة الزيت فجأه توقف و تخبط هذا الي اعرفه 


up 2 down 2
mohammed_5600 10
قبل 2 شهر و 3 أسبوع



انا مكينه السياره الكبيره 2400 سي سي


up 0 down 0
الخور قريبه 267
قبل 2 شهر و 3 أسبوع



السلام عليكم
اخوي كان معاي سوناتا 22011 مشت قريب 200 الف
وبعتها
اسمع عن تخبيط مكاين السوناتا مع ان كل الي معاهم
سوناتا من الي اعرفهم ماشين كثير ولا حصل هذا الشي

اغلب الامر من الزيوت عندنا يستخدموا زيوت ثقيله
مثل 20w50 وماسكين على هذه العاده

في شي غريب بالامر يقولا السوناتا تخبط طيب يا عزيزي
الاوبتما نفس مكينة السوناتا وقير السوناتا يعني سوناتا
بشكل مختلف ليه ما نسمع عن مكاينها تخبط

عندك مثلا المكيف ملكت اربع سيارات كوريه سوناتا واوبتما
واكسنت وكان مكيفاتها من افضل ما يكون مشاء الله والنتشر انها تخرب

بصراحه بديت اشك بالموضوع



up 4 down 4
ra3d777 255
قبل 2 شهر و 3 أسبوع



المشكله المعروفه لدى أغلب الشعب يغيّر زيت ثقيل 10/30 أو 20/50 على سيارات جديده وتسألهم ماهو السبب يقول لك أفضل ! من فين جابوا هذا الكلام تستغرب !

مع إن السيارات وبالذات الحديثه مكتوب في الكاتالوج أو على غطاء الزيت نوعية الزيت والجب إستخدامها وغلباً تكون 5/20 أو 5/30



up 4 down 2
jakwar2004 214
قبل 2 شهر و 3 أسبوع



الوجب = الواجب

وغلبا = وغالباً


up 1 down 0
jakwar2004 214
قبل 2 شهر و 3 أسبوع



10/30 ماهو ثقيل بالعكس خفيف عالمكينه 20/50ثقيل عالمكينه 


up 2 down 2
الخور قريبه 267
قبل 2 شهر و 3 أسبوع



معي سوناتا 2011 ، ممشاها وصل حول 220 الف ماشاء الله..

استخدم زيت 5w30 من يوم طلعتها من المعرض واغيره كل 10 الاف..

وحتى الآن المكينه مثل الجديد ماشاء الله وما لاحظت اي تنقيص للزيت


اتوقع سبب تخبيط المكينه عند البعض هو استخدام زيت معدني ثقيل وطرمبة المكينه ماصنعت الا للزيوت الحديثه ذات اللزوجه القليله


up 3 down 0
abo9aly7 175
قبل 2 شهر و 3 أسبوع



اذا ودك تعرف السبب شوفه بموضوعي ذا

https://hyundai.montada.haraj.com.sa/70247/مهم-جدا-..-سبب-تخبيط-مكائن-2400-الكورية-/


up 1 down 0
ابو هيثم 7 1829
قبل 2 شهر و 3 أسبوع



بالنسبة للمكيف صحيح مع اني ماكنت مصدق لكن بعد مرور سنتين ونصف صار لما اوقف مايبرد ولما امشي يرجع بارد

اما بالنسبة للمكينة مازالت عندي وكالة وكل امورها طيبة ولله الحمد

وبالنسبة حق التخبيط حط في بالك اي سيارة تجلد امها على الخط جلد حد الدعسة بلا رحمة ترا مايحتاج سنة كلها 3 شهور و تخبط معك لو تكون الماني واسأل اي مهندس ميكانيكي بقول لك نفس الكلام


up 0 down 0
chevrolet zr1 524
قبل 2 شهر و 3 أسبوع



انا معي سوناتا 2016 ماشيه 90 ماشاء الله
جالدها خطوط وكل شي تمام ماشاء الله

بس غير زيت 5w30 زي ماهو مكتوب بالكتلوج وغيره يعني قبل 10 الالف يعني على 8 او 9 اضمن وبس
اغلب الي يشتكي من التخبيط غالبا بسبب الزيوت الثقيله وسلامتك


up 2 down 1
ryan702 324
قبل 2 شهر و 3 أسبوع



غير الزيت الثقيل فلاتر البناشر اغلبها تجي من الامارات مغشوشه اقسم بالله قالها لي بنشري

يقول جب لي فلتر من الوكاله افضل لك حتى اللي عندنا نفس الرقم والكرتون لاكن اماراتي مو مضبوط


up 2 down 0
7amood1930 250
قبل 2 شهر و 3 أسبوع



السبب اغلب المستخدمين يحطون زيت ثقيل مثل 20w50 تقوله ثقيل يقول زين اجواءنا حار ولازم زيت ثقيل !! الكلام غلط لان السيارات الجديده الان مكاينها المنيوم ولا يناسبها الزيت الثقيل المعدني
الزيت الافضل المكتوب بالكتالوج واغلب السيارات الحديثه زيت تخليقي 5w30 تصنيف sn واهم شئ تاخذ الزيت من مركز موثوق ومعتمد والسيفون شرط يكون وكاله اذا بغيت تحافظ على المكينه


up 1 down 0
كارينو 501
قبل 2 شهر و 3 أسبوع



زميلي بالعمل معاه 2012 ماشي حول ربع مليون و يغير زيت ثقيل والسيارة شغالة زي الحلاوة و فوقها صدم واجهة!

سالفة الزيت ماني مقتنع فيها

مكاين السوناتا فيها عيب مصنعي لكن الشركة و الوكيل مهو راضي يعترف فيها

وبامريكا فيه دفعة تم استدعاء عشان المكينة

هوندا اكورد فيه دفعة صار فيها رايش بسيط اثناء التصنيع وقاموا يبدلوا كل المكاين مهما كان الممشى عشان لا تخبط مع العميل عكس هونداي مكتمة على الموضوع عشان تستفيد


up 0 down 1
almuhands 161
قبل 2 شهر و 3 أسبوع



الاسباب كثيرة لكن باقول المعروفة :- 
ممكن عيب مصنعي وتصير حظ نصيب يعني ممكن يصير التخبيط مع واحد والباقين سالمين 
وعندك بعد الزيت مو الثقيلة وبس ومغشوشة بعد وهذا اكبر دمار للمكينة واللي يزيد الطين بله 
اذا كان السيفون تجاري مضروب ( هنا لا عاد تدور اسباب تخبيط ولا توضيب ) . 

ولا ننسى ترا بعض الشعب يجلد الموتر وسرعات جنونية ويقول موتري ما تعدى ممشاه مليون 
ويقول ليه خبط ؟!


up 0 down 0
nasser1430 522
قبل 2 شهر و 3 أسبوع



ماهي السوناتا بس كل السيارات الجديدة زيتها لابد يكون خفيف انت امش على الكتالوج والفلتر من الوكالة وأمورك في السليم


up 0 down 0
النمر606 91
قبل 2 شهر و 3 أسبوع



انا عندي سوناتا 2010 وكاله على يدي مهتم فيها ومحافظ عليها وزيتها كل4500 اغيره
بترومين 10/30 ولاني حق تدعيس ولا سرعات عاليه المهم بعد ممشى 256 الف خبطت علي من دون سابق انذار 
واسعار مكينتها نار من 5000 الى 8500 على حسب مستورد او تشليح 
وعندي ولد عمي معاه 2013 وخبطت عليه نفس نظامي لاكن هو على ممشى 180


up 0 down 0
hart90 109
قبل 2 شهر و 3 أسبوع



شف مو سالفة حديثه وغيره حتى سيارات 2006 واقل تبي زيوت لزوجة خفيفه لكن الشعب عندك بعضهم يشتري السيارة لو توها وكالة يقوم يغير زيت لزوجة اثقل ويتفلسف انت جوك حر ولازم زيت ثقيل الخفيف راح يحترق وراح يروح ومن ذا الكلام الفاضي ياحبيبي مانت ادرى من الشركة المصنعه وحاطه نوع لزوجة الزيت على المحرك الحمدلله معي ماركيز 11 والان كابرس 13 وكلها اغير زيت بنفس لزوجة الشركة الموصى بها للمعلومية تحط لزةجة اثقل التبخير للزيت راح يكون داخل ثلاجة المكينة اكبر من لو كان نفس لزوجة الشركة الموصى به غير ممكن لو تصير لك مشاكل غير عزم اقل واشياء كثير


up 0 down 0
فيصل طلال... 154
قبل 2 شهر و 2 أسبوع