زيت قير قديم و تغيير صفاية بنزين و فلتر مكيف تجاري

زيت القير اذا لونه احمر او وردي ومافيه ريحة حرق تقدر تغيره بس اذا اسوود وفيه ريحت حرق انتبه انتبه تغيره لينه بيضرب وفلتر المكيف انا مجرب التجاري يقلل لك دفع الهوا عكس الأصلي وشوف محلات قطع الغيار لين انا اخذت 40 ريال تجاري من البنشر والاصلي من قطع الغيار ب 30

1-يقولو اذا كان قديم خله يغير لك علبتين وبعد 3 شهور يغير علبتين وش رايك؟
2- فلتر المكيف اصلي ب30 كيف ومتى ووين؟
وشكرا لك اخوي

بالنسبه للسيارات الكوريه يتغير زيت القير فقط بدون الفلتر فيه سره تحت يفكها وينزل الزيت وبالنسبه للفلتر حق المكيف انا غيرته لسوناتا 2016 كوري ب 30 واموره طيبه مافيه اي مشاكل امشي لاتغيره الا بعد 15000 كيلو 

صفاية البنزين تنباع لحالها وسعرها حول ٥٠ ريال وتغييرها سهل تلقاه فاليوتيوب 

فلتر المكيف فيه نوع كوري علبته زرقا اظن اسمه دوون قارنته بينه وبين الاصلي نفسه 

زيت القير شيك عليه قبل تغيره واذا غيرت حط الزيت الازرق فالكتالوج وخلك من بترومين وغيرها 

عادي يا أخي غير زيت القير الأهم الزيت من هيونداي atf sp iv العلبة الزقاء سعرها بحدود 40-50 ريال، وإذا المكينة 1.6 غير 3 علب ونص، وبالنسبة لفلتر البنزين سعره يبدأ بحدود 40 ريال، وتركيبه نفس السعر أيضا وما يحتاج شراء طرمبة فقط الفلتر، والطرمبة يتم فكها من الفلتر السابق، فلتر المكيف يفضل شراء الأصلي أو الكوري شركته داون down، كذلك فيه بعض الصيانات مثل تغيير البواجي ببواجي ليزر، كذلك يفضل تغيير ماء الرديتر بماء ميتسوبيشي مخلوط جاهز لكن خذ كمية كافية، ويمكنك تغيير فلتر المكينة بحدود 30 ريال، وغطاء الرديتر استبدله بجديد بحدود 24 ريال، كذلك تنظيف بوابة الهواء ثروتل وتنظيف البخاخات ودورة الوقود، وإذا جلد المساحة نشفت غيرها جديدة وبالتوفيق