أضف سؤال أو موضوع جديد          

بعض الاعلانات بالموقع غريبه عجيبه

up 12 down 8



السلام عليكم ورحمة الله وبركاته
اخواني شاهدت مثل ما ايضا شاهدتم .
بعض الاعلانات تجده يفيد بشي يحسبه مغري في السلعه
ومنه مايكتب
للبيع سياره 2010 العداد 340 الف
البدي رش برش لين السياره ترشرشت بويه
الاستبنه لم تنزل من وكالتها
طيب وخير اذا الاستبنه مانزلت والسياره شبه تشليح
...
البعض يفيد اذا كان الموتر شبه وكاله
ب دفتر الوكاله موجود
وتسأله عن العفريته وادوات الاستبنه التي تأتي من الوكاله
و ماطور هواء وغيره
يقول ليست موجود
طيب خذ معك دفتر الوكاله كمالها
.....
واعلانات غريبه عجيبه
حصلت مره واحدعارض كابرس قديم يقول مخزن تقريبا مديله 88 او اقل
يوم شفت الصور لونه احمر من الصدأ والداخليه اكلتها الشمس
يبي شغل 20 الف ولاتكفي
طيب وين المخزن
وليته مخزنه صح بظل حاذفه بالشمس 22 سنه وفاتح درايشه تقيل وتمرح فيه البسسه
وجاي يقول مخزن
هذا تقوله كيف الحال يامخزن
......
ايضا يقولك الموتر مخزن وهو ماشي 250 الف
والطرق السرعه كلها مارن عليها ولافيه ساسكو ماوقف عندها
....
وايضا صادفت يقول الكمبرسر يفصل او ويحتاج كذا ب 300 ريال
او فريون طيب صلحه اذا كنت صادق علشان تقول المكيف ثلج وترفع القيمه افضلك
واعلانات غريبه مدري هو يضحك بعقلك
او فيه ايه
او يجيك يقول شبه وكاله وهو ماشي 160 الف
صح مديل 2017 لاكن العداد خرط المخاريط
....
...
وايضا
موقع حراج غالي تروح للحراجات والمعارض تحصل السيارات رخيصه








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


كلامك صحيح وهذا يسمى مصطلح فن الاعلان .. مثلا يقول بدي وكاله وفيها رش الرفرف اوطرف الكبوت ومعروف بدي
الوكالة ما فيها رش ... البعض يبالغ ف


up 5 down 0
aaaammmm 77
قبل سنه



كل من ذنبه على جنبه.. المشكلة مو في الي يعرض سيارته ويقول وكالة وهي ماشية 160 الف و مهلهلة
المشكلة في الي يخرب على اعلانات الناس بالذات لما يشوف الموتر نظيف مع ان راعيه ماهو شريطي ولا عمره باع سيارة وربح فيها

طيب نفرض ان راعي السيارة شريطي نصاب ليه ماتعلمنا عنه وتحذرنا وتثبت انه نصب عليك وعلى فلان؟ عندك جوالات وتصوير وفيديو وتسجيل وتعجز عن الدليل مشكلة
الله يصلح الجميع


up 3 down 0
chevrolet zr1 584
قبل سنه



البعض يبالغ في السعر ويقول سيمت كذا وهي في الواقع لن تصل لهذا السعر من يصدق ان سعر الهايلكس موديل 2013 . 2014

2015 مقارب لسعر 2016 .2017 وهي ماشيه فوق المية الف


up 2 down 1
aaaammmm 77
قبل سنه



المهم الفحص راس ماله 200 ريال
وتخسر 200 ريال احسن من تخسر فوق
ال10 اللاف ريال


اولا اللي اداني دس لايك
اكيد اني ضربت الوتر الحساس
واسف اني اوجعتك ..
ثانيا اشكر كل من مر على موظوعي
اخوي aaamm
نعم .. اذا رش خفيف او طرف
لاكن مايبالغ
اخوي شفروليت
صدقت لاحظت
تخريب بالاعلانات وسومات بخسس شنيع

اخوي aammm
نعم اسعار 15 شفتها بعيوني بمعرض ب100 الف جمرك بدون نقل وجنبها 16 ب77
وللامانه مع الخط 16 ماشاء الله موتر فخم
15 صح بالبر افضل

اخوي بايع الدنيا
للاسف 200 فحص كمبيوتر ماتبين بلا السياره
افضل مكان ورشه مكانيكي صح
او مركز فحص عملااااااق صاحين ماهو مربوش همه يمشيك علشان السرى اللي صاف



up 4 down 0



لاتزعل نفسك لاعزيزي الناس اشكال والوان الاعلان اللي مايعجبك قفل وشوف غيره


اخوي aaammm
السوم مو حسب الموديل وبس صحيح كلامك له دور لما تكون السيارة نظيفة
يمكن تلاقي 2015 نظيف حيل وماشي 30 الف افضل من 2017 ماشي 70 الف وملعون جد جده
عمر السيارة بالنظافة والممشى مو بالزمن لو بالزمن كان المخزن صار مايسوى ريال


up 2 down 0
chevrolet zr1 584
قبل سنه



واحد عارض اف جي امريكي 2008..وكاتب ممشى قليل
كم الممشى 88...واو ممتاز

لكن طلع الممشى بالميل..ماهو بالكيلوا...وبعد ما كفشوه بالردود....سحب ع الاعلان


هذولا وشرواهم...ضعاف نفوس....عبيد الدينار والدرهم


up 0 down 0
salih-m 370
قبل سنه



انا مشكلتي مع الناس اللي يكتب سطرين ويترك اعلانه
طيب كمل اعلانك وسوق للموتر اكتب كل التفاصيل ووضح كل شي وبرء ذمتك وافتك من الازعاج على الجوال



up 1 down 0
meshal alharbi 179
قبل سنه



انا مايغبني الا الي يعلن عن سياره ويكتب (بدي وكاله بس يوجد رش في الكبوت ومعجون في باب الراكب ) هذا يسمع بالبدي الوكاله


up 1 down 0
goood boy 287
قبل سنه



كلامك صحيح واضف لذلك البعض يقول رش تجميلي للصدام يطلع ان الكبوت والرفارف مرشوشه
ولكن من يغش الناس غش ذمته اولاً 


up 0 down 0



انا مايقهرني الا ﺎﻟﻟي يصور السيارة في الليل والاضاءة ضعيفة
هذا على طول اطلع من اعلانه ؛ لأني احس ان السيارة فيها عيب ويبي يخفيه
بالتصوير بالليل
واللي يصور سيارته وهي في مغسلة السيارات ، وش ابي بسيارتك وهي مليانة صابون
يعني مسوي تعطينا منظر ثلوج على السيارة مثلاً او تبي تقول لنا انك محافظ عليها ودايم تغسلها ؟
وش انت خسران لو صورت السيارة بعد ماتتغسل وتتنشف ؟؟


up 1 down 0
كحلي 306
قبل سنه



شباب كفوو ووفو بالردود

ازيد عليك ادا قالك مخزن و نظيف ووكالة و غيرها من هالكلام و اخرتها يقولك يبغالها مكيف او ناقص فريون

الفريون ماينقص الا بالتنسيم و الا فيه بلاء مو الوقفة و التخزين

بارك الله فيك


up 0 down 0
bindakheel 931
قبل سنه



الموقع من تالي صار مليان ناس اشكال والوان وضمائر ... فمنهم الصادق ونقول ان شاء الله انهم كثيرين وعيال حلال
اجواد وشغالين بذمة وضمير وشغل واضح و نظيف وكاسبين رضاه سبحانه وتعالى ثم رضى الناس .
ومنهم النصاب والكاذب والمحتال والحرامي .. واللي للآسف خربوا على الطيبين ؟!؟! 

لكن المؤمن كيّس فطْن .. والمثال يقول لست بالخب ولا الخب يخدعني .. يعني ما يكون مغفل ولا يترك المجال لاحد يغشه
او يلعب عليه مهما كانت الاغرائات والتفنن في العرض والاسلوب .


up 0 down 0
nasser1430 858
قبل سنه



للأسف فيه شخص نزل سيارة اودي a8 فل كامل 2011 وان السيارة شرط مكينة وقير بالحرف الواحد وبعدها بشهر نزل اعلان ثاني لنفس السيارة وان القير عطلان !
السوم وصل مع اللوحة 64 الف وهي عطلانة والاعلان الاول السوم 73 الف بدون اللوحة والله اعلم وش فيها مشاكل !
الاعلان القديم 23913169
الاعلان الجديد 25020193


up 0 down 0
its_o_o 324
قبل سنه



واحد عارض سيارة للبيع و يقول السيارة تحمل لوحة مميزة ولكنها ليست ضمن البيع ...


up 1 down 0
maktoob110 367
قبل سنه



الكذب في الموقع اصبح كانك تشرب موية واساليب غبية يقول السوم بريال واحد يسوم ب ٥٠٠٠ مايخلي آية في القرآن الكريم مايذكرها عن البخس طيب ياخبل عطنا حدك او تكلم زي الناس !!


up 0 down 0
benz lover -73
قبل سنه



خلو هذولاعلى جنب اكثر الاعلانات السيارات الجديده اغلبها مشترينها
من شركات تامين واحد عنده النترا فل ويقول فيه رشه بسيطه في طرف
الرفرف قلت على الفحص قال قدام وقدني والله باحجز على الرياض علشان
السياره وبالصدفه استعلمت طلعت السياره من مزاد بنك وعليها٧حوادث


up 0 down 0
بن سحمي 118
قبل سنه



والله مااكذب اكثر من اعلان نفس الطريقه الحين باضطر اشتري اقل فئه
وكاله مع ان رغبتي في الفل علشان مااتورط في مصدوم انعدمت الامانه
في الموقع


up 0 down 0
بن سحمي 118
قبل سنه



عش رجباً
ترى عجباً


up 0 down 0
لا للغلاء 568
قبل سنه