أضف سؤال أو موضوع جديد          

باب السياره وطريقة تعديله

up 0 down 2
عبد العزيززز 175
قبل سنه و شهر



سلام عليكم يااخوان

الله يعطيكم العافيه 

عندب استفسار بسيط الباب عندي في حفره صغيره تقريبا نص cmفي نص  cm وبصراحه معطيه مشوهه منظر الباب مع العلم ان البويه الي حول الحفره متقشره على خفيف
 


وقررت اصلحه بس بكم تكلف وايش الطريقه هل بيحط معجون عليها او بيلحمها ويرشها ؟؟ وكم راح تكلف لاني سئلت ورشه معروفه "ورشة الحربي" وقالي ب300 ريال مع ان الشغله ماتكلف هالقد 

عطوني نصايحكم واذا تعرفون ورشه مضبوطه بالرياض دلوني عليها







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انصحك تخليها زي ماهي.. اسبوع اسبوعين راح تتعود عليها ولاعاد تمثل لك شيء
ولا انصحك بالرش لانه لايمكن ان يعوض رشت بلدها.. وتدخل في متاهت السيارة مرشوشة باب بسبب نص سنتمتر


up 5 down 0
ابوخالد 4924 41
قبل سنه و شهر



خليتها سنه ونص والي صار كل ماغسلت السياره تتقشر البويه الي حول الاطراف الحفره وفوق كذا باديه تصدي 

فقلت اصلحها وافتك


up 2 down 0
عبد العزيززز 175
قبل سنه و شهر



اذا بتعدلها لازم سمكره وبويه ويصير اسمها مسمكره ومرشوشه مهما قلت وشرحت وبررت 
لكن نقط عليها بويه خفيف على المكان ..  وصلى الله وسلم وبارك على حبيبنا محمد .


up 0 down 0
nasser1430 858
قبل سنه و شهر



الله يكون بعونك ادا تتقشر لازم بوية و شوي معجون خفيف

شف لك من التشليح باب وكالة و ركبه او اقل احتمال ورشة مضبوطه


up 0 down 1
bindakheel 935
قبل سنه و شهر



الرجال سيارته مشوهه ويبي يعدلها
والشباب ينصحوه يتركها عشان الرش حسستوني شريطيه هههه

ي رجال رش المكان فقط وزين موترك
ماعليك مم الشريطيه


up 0 down 1
الجنؤبي 146
قبل سنه و شهر



ولاتنسى تكلم السمكري
يفك الباب من جوه ويحط ماده تبع الصدا
لانه لو رش من برا من جوا الصدا راح يمشي



up 0 down 1
الجنؤبي 146
قبل سنه و شهر



حرام ترش باب كامل عشان شي صغير
احسن شي خلها وطنش


up 0 down 0
saudi595 29
قبل سنه و شهر



اكتب في اليوتيوب الرش الجزئي للسيارات
ميزته انه م راح يرش لك الباب كامل بيرش بس القطعه هذي بلحالها


up 0 down 0
azee3z 245
قبل سنه و شهر