آرائكم حول الازيرا 18 او جينسس 17 ؟

ازيرا الي يميزها ان شكلها جديد
بس لو تصبر شوي لان غالب الاحيان الدفعة الاولى فيها عيوب وغير ان سعرها بعد كم شهر بينزل فرق

جاني واحد قبل اسبوع بالخاص يستشيرني بنفس الموضوع يقول قسط الازيرا 2400 وقسط الجنسيس 2900

ومتحمس للجنسيس اكثر لكن صعبه يدفع حوالي 3 الاف ريال شهريا ؟؟؟ وانا عارف ذا نصحته واخذها كلها 3 او 6 شهور ويعرضها للتنازل

بالنهايه سعرها بينزل زي ماقال الاخ اللي قبلي واقل القليل لو تصير 2200 ارحم من 2900 وخذلك شكل جديد ماراح يتغير الا بعد 5 سنوات بعكس الجنسيس اللي بعد سنتين بتغيير لان هالشكل من 2015

شي طبيعي الجنسس دفع خلفي وفئه اعلى لكن الظروف تحكم هذا اولا .. ثانيا جميع مواصفاتها جت على الازيرا الجديده باستثناء الدفع الخلفي فقطط .. وانتبه لحاجه الحين انفصلت الجنسس عن هونداي وصارت الازيرا بالواجهة يعني راح يكون لها اهتمام مضاعف من الوكلاء الثلاث ولاتستغرب انهم راح يطبقون نظام الضمان الذهبي 5 سنوات مفتوح الكيلو لأنه صعب يخسرون اهم اهمممم سوق لهم بمواتر الدفع الامامي (( وانت شف الدعايات والاعلانات بالشوارع والاهتمام الاعلامي فيها بالفترة الاخيره وتعرف وش اقصد ))

اذا وضعك المادي ممتاز
اكيد الجنسيس

اي سياره راح تاخذها راح تنبسط فيها اول 3 شهور وبعدها راح يكسر ظهرك القسط
انا اقولك اخذت اكسنت اجار منتهي بالتمليك من ثاني سنه عفتها وقسطها رافع ضغطي وحايس الميزانيه لكن مجبور اكمل اقساطها لان لو ما سددت بيحطون اسمي في سمه وقابلني ان طلعوني منه
تخيل ان كل شهر 2900 تروح من راتبك بارده مبرده ولمدة 5 سنوات وبعدها الدفعه الاخيره لمدة سنتين يعني بتقسط 7 سنوات
صعبه حاول تفكر وتستخير واذا معك مؤتر يمشيك نصييييحة اخ لا تتورط بالاقساط

سهل انك تشتري سيارة



السؤال هل تقدر على قيمة القطع الاستهلاكية ؟
و هل تقدر على قيمة الصيانة ؟
و لا تنسى ان اصحاب الورش يسعرون شغل يدهم لاصلاح السيارة بحسب فخامه السيارة