هل كل فئات الازيرا تجي ببانوراما وكم سؤال

ياغالي اخوي عنده 2012 لون بيض 4 سلندر سقف عادي بدون بانورما 
واشتراها وكاله على ايامها
اتوقع تلاقي 2017 لان 4 سلندر السقف العادي ماعليها طلب يبغى لك شوية بحث وسؤال هنا وهنا وتلاقيها ان شاء الله
بالنسبة لتبريد المقاعد تجي في الفل اوبشن اعلى فئة 6 سلندر 
بالنسبة لقطع غيارها بيفيدونك ملاكها ان شاء الله هنا 
وبأذن الله تلاقي طلبك 

بدون سقف بانوراما !!! انا بحياتي ماشفت غير ثنتين للموديل اللي تتكلم عنه طبعا استاندر سوح السوح على قولتهم .. اما تبريد المقاعد مقدر افيدك هنا 3 وكلاء كل واحد يحرق الثاني بالمواصفات وزيادة على ان اللي معي 14 شي طبيعي تفرق عن 17

بالنسبه لعزل الصوت حدد يابعدي .. هل تقصد العزل الجانبي اللي هو عزل الدرايش او العزل الارضي او حتى العزل الهوائي بسقف البانوراما ؟؟؟ اعطيها بالجانبي 7 والارضي 9 والبانورامي 8 من 10

قطع الغيار لا ي بعدي ماتحتاج تروح تدور بالمواقع كل شي متوفر هنا (( انا ادري انه بيجيني دس لايك لكن بقولها من باب الصراحه قطع غيارها ارخص من قطع الكورلا ؟؟؟ مجرب الكورلا 2005 لمدة 7 سنوات والازيرا 2014 لمدة 3 سنوات ونص وعارف بالضبط وش قاعد اتكلم عنه ))

ومجرب قبل ماشتريها افالون 2013 على وقتها جديدة والازيرا ارسى وانعم بالقيادة وتتفوق بالرساوة كثيررر خصوصا على السرعات العاليه 170 فما فوق اذا تبي نصيحه محرب ؟ تبي نصيحه مطبل اقولك الافالون اطلق موتر بالعالم ي رجل

فلتر الزيت بالازيرا ب 25 ريال ورق وليس حديد ، فلتر المكيف ب 60 وفلتر المكينه ب 45 والفحمات امامي من 170 الى 220 والخلفية ب 120 وسير المكينه ب 80 ريال ذي اسعار موزعين معتمدين مثل منيف النهدي والمديميغ والملا والصيعري طبعا أصلي وكاله مب تجاري درجه اولى ولا عاشرة

نعم يوجد ازيرا بدون بانوراما نص فل اتذكر مر علي قبل كذا بالذات 2016 تلاقيها عند الموزعين وبعض المعارض
بالنسبة للمكينة مدري 4 او 6 سلندر لكن دامك حددت الأزيرا افضل لك 6 سلندر اما الـ4 سلندر انا شخصياً اخد سوناتا فل ولا ازيرا سوح

مع ولد خالتي نزلها الوعلان رمضان عام ٢٠١٥
مواصفات استاندر
ست سلندر مكينة3.0
جنوط ١٧ شكلها مختلف
سقف حديد

طلعها تقسيط ١٥٠٠ على الراجحي بدون دفعة
كانت كاش ب٨٠ او ٨٣ ناسي بالضبط

6 سلندر وعزمها ماش ال4 ثقيلة جدا

فيه بدون بانوراما موجود حتى ال ٦ سلندر بس كلها قليل الكل يرغب بالبانوراما

وتبريد المراتب مايجي الا بالفل

ابو هيثم
حمستني اخذها زياده الله يسعدك رد كامل والكامل الله

انا عندي ازيرا 2017 ، (٦) سلندر ، 3.0
سقف حديد بدون بانوراما
مواصفاتها مكيف اوتو بتحكم مستقل للراكب والسائق
ومقاعد نصف جلد ونصف قماش اللون بيج
جنوط ١٧ وكشافات ضباب امامية وخلفية
ومثبت سرعة وتحكم كامل من الطارة وريموت
وكيلها الوعلان وموجود منها عند الناغي
والفرق بين الوكيلين ان الوعلان يجيبها بزجاج عازل
مسجل عليه (سولر كلاس)للجميع ) افضل من الناغي زجاج عادي

سعرها جديد ٨٣ الف والناغي ٨٥ الف