كيف اعرف أن عداد السيارة ملعوب فيه ؟

السلام عليكم
اكيد ملعوب فيه اذا السجل يقول خمسين الف لكن لو
السوال هنا في شي يثبت انك شرايتها ماشيه 18 الف
لانه اذا انكر حتمال يقول انت لاعب فيه لكن وش الحل
اعرف المالك الي قبلك للسيارة وساله عن ممشى السيارة
واذا اتضح انه ملعوب فيها لا تفرط بحقك عليك بالتجاره
والمحكمة الشرعيه

اطلب تقرير اخر فحص بالوكالة. يطبعة لك واشتك على وزارة التجارة.

ويمكن العداد كان فية عطل ومغير على الضمان.

تعرف ممشى السياره من السجل للسياره أو كرسي السايق يبين من كثر الأستخدام أو من كلبسات الطبلون الطاره تكون ممسوحه و... لكن افحص عند ورشه معترف فيها وطلع تقرير منهم وقدم شكوى للتجاره بيعوضونك بمبلغ أو يستبدلون لك السياره

وقت البيعة بالمعرض موجود المكاتبة فيها ممشى السيارة وكل شي
هذا أولا

ثانيا اطبع برنت من الوكالة بممشى السيارة ... ورح للمحكمة وقدم اعتراضك مع وجود ما يثبت :-
1- ورقة المبايعة ( اهم شي تاريخها يكون قريب )
2 - ورقة برنت من الوكالة يبين فيها الممشى وتاريخ دخولها للصيانة وتفاصيل كاملة
3 - صورة من بطاقة احوال البائع تلقاها عند المعرض
4 - بوجهك للمحكمة

في حال كان البائع على كلامه انها بإسمه وكاله تقدر تحاجه
واذا كان البائع ثاني او ثالث مستخدم هنا تحسب الله والشكوى لله فقط

لأن ممكن البائع يقولك انا انضحك علي مثلك

والله يسهل دربك ويعينك وأكثر من قول ( لا حول ولا قوة الا بالله وحسبنا الله ونعم الوكيل )
ومايضيع حق عند ربك تأكد من هالشيء
وعذرا للإطالة

قدم شكوى لوزارة التجارة 
وان شاء الله تنحل مشكلتك