نقل ملكيه سياره

كان من الاساس مااستلم فلوسه الا بعد الفحص والنقل

مو يجلس شهرين يفر فيها وبالاخير يجيب عذر اقبح من ذنب

الشرع ينظر لما تم كتابته في المبايعه اذا كان هناك شرط بأنه تم شراء السيارة بعد الفحص وتم توقيعه من الطرف الثاني(المشتري)
في هذه الحاله يكون الحق مع البائع فقط
وبخصوص المشتري لايحق له المطالبة بإسترداد المبلغ اوجزء منه ولو كان بسيط .

والعكس صحيح .

أما بخصوص خروج دخان أبيض من المكينة وأنه المشتري يقول أن المكينه مفكوكه في هذه الحاله يتم الرجوع
الى كتيب الصيانة بالتنسيق مع الشركة وفتح ملف الصيانه الخاص بالسيارة وطباعة كافة ماتم عمله في أوقات الصيانه الدوريه

وأعتقد بأن الضمان يتم الغائه في حالة تم نقل الملكية من شخص لاخر الى في حالة أنه يكون مسجل في الاستمارة بأن الطرف
الثاني مستخدم والطرف الاول مالك .
أما اذا وافقت الشركة على عدم الغاء الظمان بعد نقل الملكيه بهذه الحاله الحق يكون على الشركة والبائع والمشتري
لايتحملون أي تكاليف .

أتمنى إني أفدتك وان شاء الله معلوماتي تكون صحيحة واللي يعرف أكثر مني يصحح لي ياشباب لاهنتوا


تحياتي

خل خويك يروح لشيخ المعارض ويدق شكوى بالمعرض الي طلع السيارة بدون نقل الملكية يغرم المعرض ووتنقل وتفحص السيارة ويقفل الموضوع معه وموفقين

قبل فتره باع احد الاقارب سياره على شريطي صاحب معرض اتفقوا على مبلغ معين يوم جاء نقل الملكيه وتروح لك طلبات ومدري ايش عشان الف ريال ونزلوا له وباعوا السياره واخذوا فلوسهم

بعد حول 3 شهور جته رساله تم نقل الملكيه !
اثر الشريطي الخايب ما نقل السياره لين باعها
عشان ما تاكل عليه نقل وتأمين !

الحاصل مع خويك قله انا بايع بالفحص وشوفة عينك واتفقنا على المبلغ والسياره ناسبتك والان ما تطلبني شي وانا اطالبك بنقل الملكيه في اسرع وقت ولا شكيتك

دام زميلك باع السيارة وأستلم فلوسه يسحب على الشريطي ، هو أشتراها وتركها باسم خويك عشان يبيعها لشخص ثالث وينقلها باسمه مباشرة ،عموما خويك ماله أي دخل في السالفة يعمل للشريطي حظر وانتهت السالفة فقط يكون معه صورة من مبايعة المعرض ،ويشيك على أبشر من فترة لأخرى ،الشريطي لو بيفحص السيارة يقدر يفحصها لو هي مقلوبة ،نصابين وحاولوا يربحون في السيارة ويوم فشلوا قالوا بيرجعون جزء ، نفس القصة حصلت معي بعت سيارتي نظيفة جدا وبسعر طيب ب 27000 وبعد ما أشتراها الشريطي ما جابت له 27000 وكان وقتها ما أستلمت الفلوس ،وحاول المعرض يؤخر الفلوس ويقول نزل للشريطي من المبلغ ،قلتله لا يومين وأجيك أستلم فلوسي ،وبعد فترة باعها أقساط بمبلغ خيالي