سؤال لخبراء سوق السيارات المستعمله

توقعي الشخصي بيرتفع سوق المستعمل وبتطيح اسعار الفانات للارض اغلب العروائل يكرشون السواقين والحريم ماتسوق فان تسوي قروشة في البيت تبي موتر سيدان لذلك سوق السيارات السيدان بيتحرك 

انا ومن يوم سمعت بخبر ارتفاع البنزين.  طقيت كوريلا ٢٠١٧.  الي ٥٠ الف صيانه مجانيه
اخذتها سياحيه وبركب جنوط.   وحساسات فقط.  
يقولون بعد الارتفاع بيصير الفل حقها ٨٣. لاحول الله
السياره بتطلع  الاحد
دعت ٦٥٥٠ دفعه مع اللوحات وكل شي وقسط ١٥٤٠ على ٣ سنوات.  ودفعه اخيره  ١٦ وكسور
قبل الضرايب.    نخليها للمدينه.     ودعنا الفوردات وانشالله يرخص ونرجع لها
والاسكاليد للمناسبات والسفر
نصايح اهل الكوريلا مانستغناش عنها.         

سوق السيارات اجمالا في السعوديه سوف ينتعش
تحليل شخصي/ سيكون هناك ارتفاع في أسعار السيارات خصوصا السيدان منها.
يعود ذلك لارتفاع أسعار النفط وازدياد الطلب.
عموما.. ان رغبت بالشراء، اشتري الآن/ نصيحة خذ كوري وابعد عن الوكالة ..المنافسة الآن
عالية بين المعارض.
يعطيك خيرها ويكفيك شرها.


سوف نلاحظ تغير كبير في السوق_ الأوروبي قادم وبقوة

رايكم ياشباب أنا فصلوني الشركه بسبب أنها فلست

أنا معي موتر يمشي الحال صني 2010 ماشيه واجد

لاكن الحرارة والمكينه والقير ماشيه تمام

السؤال هل أغير الموتر وأشتري يارس أو أكسنت

ولا مايحتاج أتخسر على شي كمالي وخصوصاً أني عاطل حالياً

ترتفع أسعار السيارات ذات الألوان البايخة زي الموف والبنفسجي والاخضر الي محد يبيهن بالاول
والأسود والأبيض يصير سعره رخيص

أنت جاوبت نفسك يابو فيصل
في وضعك الحالي حاول إيجاد وظيفة
و السيارة أمر ثانوي دام اللي معك ماشي حالها

نزلت دراسة قبل اكثر من سنة تفيد بإنتعاش سوق السيارات المستعملة وماكنا نتوقع ان السبب يعود لقرار جديد يدعم سوق السيارات ومن تحليلي الشخصي سيلاقى الرانج روفر البي ام والمرسيدس والسيارات الرياضية مبيعات كبيرة جدا لم يسبق لها مثيل

اتوقع ترتفع أسعار المستعمل و الجديد وبالذات مع قرب تطبيق الضرائب المضافة على السيارات بنسبة 5%

وليش ترتفع اسعار المستعمل
الحريم مايرضون يتشرون مستعمل
بيشترون جديد ولا بعد مو اي جديد
بتشتري السيارات الفارهه والاوربيه

^^ موب كل الناس تقدر على الجديد 

والله انكم مستعجلين الدمام بكبره بتلقون ١٠ الي ٢٠ فتاة تقود السياره
يعني اللي يسمعكم يقول بتصير البنات واجد نسبه قليله جدا سوف تشاهدوها
لذلك لن تؤثر على السوق
السوق بيأثر عليه الضرايب والبنزين بتنزل اسعار سيارات وبترتفع اسعار سيارات
انا سبقتهم وشريت كوريلا. بتطلع الاحد او الاثنين.   بتقعد معي اذا الله عطاني وعطاها عمر ١٥ سنه.  
ويمكن ابيعها على بنت بعدين.   بس لونها لؤلؤي يقولون مافيه الوان ثانيه.  وانا معجبني اللؤلؤي

^^ ماشاء الله بكل ردودك ذكرتها الله يعطيك خيرها ويكفيك شرها

هههه.  ترى متعود اركب افضل وافخم منها.  ولولا ارتفاع البنزين طقيت تورس
ليمتد امريكي.     كلها كورلا اطقع نوع.     سياحي.  هدفي  ان البنزين بينكبنا
لاني دايم عندي جمس او تاهو  الان اسكاليد.    وسياره صغيره كانت ماركيز 
نويت اخلي للمدينه تورس.  لقيتهن رخاص ٢٠١٥ ليمتد ب ٧٢٠٠٠ وحولها
ممشى قليل بس البنزين وارتفاعه المضطرد. خلاني احول على كوريلا
للمواقف والدوام.      الامريكي بيفلس اصحابه.  البنزين بيضرب ارقام فلكيه
الخطه ماشيه على قدم وساق.  باقي ٣ ارتفاعات في الطريق حسب الخطه المرسومه
ف.   فكروا. بسيارة اقتصاديه.   للمشاوير
الرد هذا لبنز لوفر مع لايك