ما هي التشييكات الضرورية سوناتا

السيور تغيرها كل 60 الف اضمن وعندك تمشي الى 120 الف وزيت القير كل 40 الى 60 الف ،، الزبدة حاليا موترك مو محتاج حاجه توه ماشاء الله معك زيادة فلوس خلها عندك والله يزيد الجميع

جزاك الله اخوي فيصل
زيادة حرص وانا اخوك
هل البواجي تحتاج تتغير او لا
......
لاني الصراحة الوكالة قهروني
اول وثاني تشييك عندهم وبعد صرت انا اغير الزيت بترومين A1
برا الوكالة
طبعا البطارية قبل فترة انتهت وكانت ماشيه ٣٩ الف
ورفضو قالو انت اخر صيانة ما سويت عندنا
واذا تبيها ترجع الضمان ونغير البطاربة لازم تغير عندنا تشييك ٤٠ الف وتشييكها ١٠٠٠ ريال
قلت لهم مع السلامة غيرت البطارية ب ٢٢٠ برا والزيت انا اغيره ما يكلفني ١٥٠ريال زيت بترومين A1 م مع السيفون

طبعا انا اشتري الزيت بالجملة تطلع على علبة زيت بترومين A1
ب٢١ ريال تقريبا والسيفون ب ٢٠ ريال من نفس البنشري مع شغل يده ٣٠ريال
.....
وبترومين الصراحة غالي ويضحك ٧لينا يبيع عليك العلبة ب ٦٠ ريال

السلام عليكم انا معاي سوناتا 2016 ماشيه 90000 ولا طبت الوكاله الى يومك وانا رجال محافظ ماني راعي سرعه ولا شي ماغيرت الا زيت القير على 81000 وفلتر المكينه والمكيف غيرته بنفسي فقط والبواجي والسيور شد الوكاله الى الان بعد 100 ان شاء الله اغير وهذا شي راجع لك وعلى حسب استخدامك للسياره 

والصراحه انا اغير عند بنشري واموري تمام الحمدلله

بيض الله وجهك ما قصرت

وجهك ابيض يابو الجازي واي استفسار مانقصر مع بعض

م يحتاج لك شي بآذن الله

البواجي بدرري عليها السيور بدري تو الناس زيت القير ع ال ٨٠ تغير افضل او ٦٠ ع راحتك

لو تحط لك منظف بتانكي البنزين كل ١٠ الاف او ١٥ الف تحصله ف ميتسوبيشي اضمن وافضل من اللي برا بانواع تجاريه افضل وافضل قيمته ٣٥

والرديتر لاتحط مويه عاديه او حق البناشر اشتر لك علبه ي طويل العمر من ميتوبيشي مخلوط وجاهز وكل فتره عب لك شوي

خذ السيفون من الوكالة حق البنشري تجاري

يارجال سيارتي سوناتا 2015 ماشيه الحين 160 الف وماغيرت شي ماعدا زيت القير مرتين وفلاتر وفحمات بس لا تغير شي لسا مانتهى عمره لا تخسر وقتك وفلوسك على شي ماخرب

السيفون خذه من الوكالة اضمن وارخص من البنشري.