أضف سؤال أو موضوع جديد          

صدام جديد او مستعمل؟ سوناتا 2011

up 3 down 0
securityx 22
قبل 3 سنه و 7 شهر



السلام عليكم، يا اخوان قدر الله علي وسويت حادث، طبعاً سيارتي سوناتا 2011، وصدمت من قدام والصدام الأمامي طاح نصه وشعار السوناتا برضو انفك، ( الصدام الامامي انفك نصه مع اللوحة يعني نصه طايح على الارض والنص الثاني شبه راكب يعني يوم امشي بسيارة الصدام يحك بالارض )
المهم ما ادري انا كم تصليحه او وش اسوي ماعرف اي شي بسيارات ،
يعني اروح لصناعية سيارات واسالة عن تصليح الصدام؟ وهل اغيره كله واحط واحد جديد؟ ولا يقدرون يرجعون يركبونه انا مو مهتم اذا راح لونه من قدام بشكل بسيط اهم شي عندي يرجع يركب زين الصدام علشان اقدر امشي واخلص اموري
انا صغير بالسن ولا افقه كثير بسيارات ولا ابي احد يكذب علي
ابي الحل الله يسعدك، الصدام الامامي طايح نصه مع اللوحة وشعار السوناتا الامامي برضو طاح .
ولا ادري وش اسوي اشتري صدام جديد وكم سعره؟ ولا اقولهم يركبونه؟ وووين اروح محلات التجنيد ولاسمكره
فيدوني الله يسسعدكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


محلات الفايبر جلاس باذن الله يظبطونه لك 

و تعتمد على حسب قوة الصدمة اذا فيه مجال يتعدل فبيتم تعديله مع رش الصدام  و الكلفة بين 150 الى 350 ريال حسب طبعا

انت شوف سعره جديد كم و تصليحه كم 


up 0 down 0
بدر الباثفايندري 1122
قبل 3 سنه و 7 شهر



هذه جلدة الصدام وسعرها ارخص من اصلاحها ورشها من جديد ..
اشوف انك تمر التشليح لو لقيت لك واحد نفس اللون بس تنظفه وتلمعه افضل . او تاخذ واحد جديد وترشه


up 1 down 0
مستريح البال 1 1780
قبل 3 سنه و 7 شهر



دور بالصناعية. محلات اسمها فيبر جلاس  هذا يلحم 
لك الصدام. المقطوع يوصله مع بعض. هذا شغلتهم. 
واتوقع مايحتاج ترشه بويه لانه فقط مكان اللحام. الي. 
يحتاج رش. بس. مكان بسيط.  او اذا تبي. تشتري صدام دور روح قطع الغيار وشوف كم سعره. دور لك تجاري ارخص. وروح اي ورشه سمكره ويركبه لك ماياخذ منك التركيب اكثر من70ريال. طبعاً يجي لون الصدام اسود. عاد انت اذا تبي ترشه نفس اللون. او تركبه بدون رش بويه بكيفك لان الرش. غالي شوي. ومن ورشه لورشه تختلف الاسعار. ونصيحة اذا رحت. لتقول لهم ماتعرف عن الاسعار. لانهم  يستغلونك او خذ معك احد من اخوانك اواخوياك يروح معك. لان اذا شافوك صغير يستغلونك بالسعر. 


up 0 down 0
صناعية 17الرياض 36
قبل 3 سنه و 7 شهر



الله يعطيكم العافية، وبيض الله وجيهكم وشكراً لكم جميعاً على الردود القيمةة ..


up 0 down 0
securityx 22
قبل 3 سنه و 7 شهر



صدام سوناتا 2015 الشكل الجديد تبع الفل اللي بغسيل شمعات ب 460 اصلي وكاله اكيد حق 2011 ارخص بكثيى


up 0 down 0
جنوط حديد 164
قبل 3 سنه و 7 شهر



ركب لك صدام تايواني تراه قوي ونفس الاصلي


up 0 down 0
عبد العزيززز 191
قبل 3 سنه و 7 شهر