مروحة رديتر اكسنت 2012 الشكل الجديد

يعتمد على نوع المروحه عندك سواء كهربائيه او ميكانيكيه

المروحه الكهربائيه تجيك مفصوله عن المكينه ولاصقه ف الارديتر ويكون لها سرعتين مختلفتين .. وعلى حسب حراره الموتر تشتغل بالسرعه العاليه او الخفيفه

اما المروحه الميكانيكيه تجيك لاصقه بالمكينه وبعيده عن الاديتر شوي وتلاحظ طالع عمود او ماصورة من المكينه علشان تدور المروحه .. هذي مالها سرعه محدده ودايم تجيك بالجيوب وعلى حسب جهد الموتر تكون السرعه .. اذا جلدت الموتر وشديت عليه تشغل بأقصى طاقتها

طيب سؤال هل واجهت مشكله بارتفاع حراره الموتر ؟ هل واجهت مشكله بضعف دفع هواء المكيف .. لانه ممكن تكون عندك مروحه ميكانيكيه وكمبروسر كلتش تشتغل وتفصل والامور عندك طبيعيه 100% .. وممكن تكون مروحه كهربائيه وكلتش كهربائي لكن فيوز السرعه العاليه عندك خربان علشان كذا سألتك

مع اني اتوقع 99% ان اللي عندك مروحه كهربائيه لكن شيك بنفسك وشوف

ابو هيثم تتوقع اكسنت مروحتها ميكانيكية عمرها ماصارت هههههههههه المروحة الكهربائية تشتغل وتطفي حسب حرارة المكينة اما لو شغلت المكيف تشتغل علطول

طبيعي عندك ياصاحب الموضوع

طبيعي تفصل وتشتغل مع المكيف
بس اذا كانت تفصل وتشتغل في الحر مع المكيف
والمكيف ماهو بارد هنا عندك مشكلة

اقرا ردي زين قلت 99% كهربائيه هذا اولا .. اما تجي مدرعم وتفهم غلط هذي مشكلتك

بعدين انا شرحت له الفرق بين الميكانيكيه والكهربائيه علشان يشيك بنفسه ويعرف .. بعدين معلومه بيستفيد منها مستقبلا سواء بسيارته أو بسياره غيره

ارجع اقولك كنت متوقع 99 بالميه انها كهرب مثل باقي سيارات الدفع الامامي .. لكن ذا الامور المتعلقه بالمروحه وارتفاع حراره الموتر ممكن تجلب خساير ماديه مالها حد ومافيها شي اسمه توقع او ظن .. ياتعطيه معلومه اكيده او لاتجلس تفتي من كيسك

مروحة الاكسنت كهرب اذا شغلت المكيف تشتغل سرعه رقم واحد واذا ارتفعت حراره السياره تشتغل على سرعه ثانيه واذا نزلت حرارة السياره ترجع لسرعه الاوله 

يابو هيثم الله يسعدك بدل الحوسة ومتاكد بنسبة 99 وشيك بنفسك هذي اكسنت ماعمره نزل موديل منها مروحة ميكانيكية معروف اي سيارة دفع امامي مرواوحها كهربائية والله يعطيك العافية

نظرا لانخفاض درجه حراره الجو الخارجي فإن مروحه المكيف صارت تطفي وتشتغل حسب الحاجه

اخواني الكرام اشكركم جميعا علي المجهودات المبذولة منكم
المروحة كهربا وليست ميكانيكية
المشكلة عندي اني مسحت راس الماكينة و الميكانيكية قالولي المشكلة من المروحه حقت الرديتر تشتغل و تفصل و ما تشتغل علي طول عند تشغيل المكيف تشتغل و تفصل و حيروني

تفصل في حالة وحدة فقط اذا كانت الكبينة باردة وتلاحظ هذا الشي لما توقف على اشارة تشتغل وتبرد بعدين تفصل عشان وصلت البرودة لحدها

المروحه كهربائيه وفيها كتاوت وهي مبرمجه على حراره معينه ولو وصلتها تشتغل تماتيك . وكمان في حالة تشغييل المكيف . طبيعي تشتغل وتفصل .
ولكن انت لما مسحت الراس . صرت تعاني من مشكله الحراره او لا .. اذا كانت الحراره موجوده . ولا تنزل عندك . غير الكتاوت وخليها تشتغل دايم . وفك بلف الحراره وتنزل الحراره عندك. طبعا فك البلف هذا حل مؤقت وليس دايم . ولكن يفك ازمه

الاكسنت من موديلات قديمة موها مروحتها كهرب هي يلا تمشي تبي تكون مروحتها كلتش ههه

طبيعي تفصل وتشتغل والمكيف شغال 
لو اشتغلت على طول بينحرق الدينمو 

بدون مكيف تفصل وتشتغل ومع المكيف تشتغل بسرعتين مره خفيف ومره قوي

شف من النهايه والاخير يمكن عندك ضعف في المروحه نفسها الدينمو

بس خذها من الاخير مثل م يقولون اذا مطفي المكيف المروحه تشتغل وتطفى بشكل كامل حتى ف البرد

اذا مشغل مكيف تجلس تشتغل طول الوقت بس الفرق هنا حسب بروده الهواء الخارجي بس بتشتغل ماتطفي ايد حتى لو تشوفها حسب احتياج المروحه تلف خفيف جدا

بس اذا توقف كامل ف اقولك مستحيل وعندك مشكله

بس مثل ماقلتلك شكله عندك ضعف في المروحه نفسها م تسحب هوا بقوه للتبريد ايام الصيف

-انا عندي 2011 الشكل الجديد اذا شغلت المكيف المروحة تشتغل وتنطفي كل شوي وهذا شي طبيعي
- نصيحة اذا طلعت لك مشكلة في السيارة حاول تكتب هنا في المنتدى او تمر اقل شي ثلاث ورش علشان تتأكد لأن بعض اصحاب الورش كذاب ومايخاف الله

السلام عليكم انا عندي اكسنت نزله من يسار مو عرف شنو اسوي ركبت مساعد ثنين وركبت اليايات اثنين ونفس شي وركبت جلد ترفيع ونفس شي ابي اعرف شنوالمشكله السياره علئ جنب وضحه نزله من اليسار