كيف تكييف النترا 2017 -2018

مافكرت بالتيما. سياحي تراها حول الدعوى واكبر. 

الالتيما طيبة ، بس مشكلتها عالاقل لو ابي حساسات طقت السبعين .

خذ السنترا اذا يهمك المكيف وصرفية البنزين 

الالنترا متماسكة وعمليه اكثر لكن عيبها شيئين الراحه اقل وقطع الغيار الخارجي غالي

السنترا الافضل في فئتها لكن المكينة ضعيفة ارشحلك كورولا

انت تبغى سيارة تخدمك ويهمك المكيف والصرفيه بتصرف النظر عن المواصفات وتاخذ سنترا
او تبغى سياره مواصفات ومكينه اقوى تاخذ النترا المكيف معروف في كل سيارات الوكاله المكيف سنتين يكون تمام وبعدها يقل على حسب

عن تجربه مكيف الانترا 2017
2.0
مكيف جبار وبقوه في اليل اقلل من الفريون
العيب الوحيد السياره خفيفه جدا جدا اي شي تمشي عليه تسمع صوته عندك

شوف لك ياياني نيسان مازدا تويوتا
و ركب شاشة مع كاميرا او مرايه داخليه مع كاميرا
و سيارة سيدان صغيره ما يحتاج حساسات

مع ان التكييف تحسن بالالنترا الجديدة و كل الهونداي
بس مهة بصاير بجودة تكييف الياباني خصوصا" النيسان

شوف تبغي سياره عشان تكييفها عليك بالصني او الكورولا هذي من 
ابرد المكيفات الي جربتها والالنترا مكيفها مش بطال ابد 

مكيف ٢٠٠٠ سي سي ممتاز

خذ النترا ٢.٠ مكينه ومكيف ماشاء الله ومعروفه ومرغوبه

الهونداي عامة. مكيفة. مع الزحمة تقل البرودة لكن مجرد ماتمشي. تبرد.

مكيف الإلنترا رائع كانت معنا وحده بعناها من اسبوعين موديل 2012 او 2013 ما ادري بالضبط
ف من باب اولى يكون تكييف الموديل الجديد أفضل كفاءة .. وعليك بالمكينة الكبيرة ترى اريح لها
وافضل لك .

اذا مثبت بين الاثنين سنترا او النترا انا مجرب الاثنين أجار
النترا ٢٠١٦ الشكل الجديد مشيت عليها من ٧٠ الف الى ٨٨ الف
سنترا مشيت عليها من ١٠٣ الاف إلى ١١٨ الف
المكيف للسنترا ١٠/١٠ والنترا ٧،٥/١٠
الراحة للسنترا ٨/١٠ والنترا ٦/١٠
متعه القيادة النترا ٨/١٠ سنترا ٦/١٠
لكن انا لو خيروني بين النترا او سنترا باخذ النترا عشان قطع الغيار البدي مو الاستهلاكية
صدمت عليها زبالة وانت بكرامة وبهذلتني حسبي الله على ابليسها

جربت سوناتا الشكل الجديد ٢٠١٥ مكيفها اول سنة ونص ثلج حتى اثناء الوقوف وبعد السنتين خق وقلت برودته اثناء الوقوف
ولا ادري اذا ٢٠١٨ تغير او لسه باقي على الهربدة

الله يبيض وجيهكم جميعا .

مكيف النترا سئ جدا ياغالين ...انا الان معي النترا موديل ٢٠١٧
سيئ مكيفها جدا اول سنه معي المكيف اوك وبعدين يقطع مره بارد وحار ومره ينقص فريون مع العلم سيارتي نظيفة مافيها اي حوادث حتي المكيف تشغلها وهي واقفة مش وانا ماشي