أضف سؤال أو موضوع جديد          

موقف حصل لي قبل عدة سنوات عندما أوكلني أخي في بيع سيارته

up 33 down 1
anosi 1160
قبل 9 شهر و أسبوع



كان مع أخي سيارة النترا مستخدمة
وفكر يبيع السيارة
ولظروف عمله أوكلني ببيع السيارة
تقابلت أنا وشريطي وأعجب بالسيارة وأتفقنا على البيع بمبلغ محدد
وبعد ذلك طلب مني الشريطي أن أدوس على دواسة البنزين بقوة مع فتحه لغطاء المكينة
ثم نادى بعض أصدقائه الذين أكدوا أن في المكينة مشكلة وأنه يطلع من الغطاء دخان


وبدأ بمحاولات تخفيض السعر وأن السيارة بحاجة إلى " تسقيط شنبر " حسب تعبيره

أتصلت في أخي ورضينا بالأمر الواقع وخفضنا السعر 2000 ريال تقريبا

بعد سنة تقريبا قمت بشراء النترا جديدة وعند أول تغيير للزيت فتح البنشري الغطاء فلاحظت خروج نفس الدخان ، فأيقنت أن خروج دخان من غطاء المكينة عند فتحه والسيارة ساخنة لا يعد مشكلة

خصوصا لو كانت السيارة لا تنقص زيت ولا تخلط زيت مع الماء ، ومع كل تغيير للزيت أشاهد نفس ذلك الدخان الذي كان في سيارة أخي
وسيارتي الآن أكملت 3 سنوات وأكثر من 150 ألف كيلومتر دون مشاكل

فقصة البخار الذي يطلع من غطاء المكينة
قد يستخدمها الشريطي لزيادة مكاسبه
وقد يستخدمها الميكانيكي لتوضيب سيارتك والتكسب منك







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الله يجزاك خير
صدقت الشريطية مثل كذا و اكثر الا ما رحم ربي
والله يعينك على الديسلايك اللي بيجيك من الشريطية لانك فظحتهم


up 7 down 0
بررستيج 9
قبل 9 شهر و أسبوع



مال سحت اكله زيفكر الشريطي انه شاطر
ما درى والله انه كاذب وغشاش ...لكن وين يروح من الله


up 4 down 0
لا للغلاء 521
قبل 9 شهر و أسبوع



شريطي ذا خشم مميز.    كنت اشوفه دائما يركض     في الساحات
وكنت ببيع فورد ٩٨ لقطه.  نظيف.    جاني وقال انه مدرس من حفر الباطن.  وجاي خميس وجمعه. ايامها كانت اجازه
ومظطر.   لازم يرجع للحفر بسياره.  قلت لاتفوتك هالسياره.  شاريها من صالة العوهلي ونقوه
المهم خفسها.  وشوي ويبكي.       قلت تبيها ب ٢٨٠٠٠ انت الكسبان. والا الله يستر عليك
وبعدها والي الان.  وانا اشوفه يمارس الركض والكذب.     قلت له مارحت لحفر الباطن والا انقلوك.  
نظر الي شزرا.  ولم ينبس ببنت شفه.      ههههههههه.  لاحول ولاقوة الا بالله


up 7 down 2
عبدالله الشفيعي 1429
قبل 9 شهر و أسبوع



ياكثر الشريطية اللي مايخافون الله الان بذا الوقت تحديدا بسبب موت السوق وقله المكسب يبي يسوي المستحيل عشان يكسب وللاسف بطرق غير مشروعة من ضعاف النفوس مثل تنزيل العداد كثر الحلف بالطلاق وهو كاذب وش بطن ااموتر بوية اسود عشان يخفي الصدأ او ضربات الشاص امور كثيرة لا تخفى عن الكثير 

يا انك تاخذ الموتر من صديق او قريب وانت تعرف سجل الصيانة كاملا او انك تاخذ من المعارض ولكن افحص زيييييين 


up 3 down 0
benz lover -65
قبل 9 شهر و أسبوع



يارجال اخوي باع سيارته هايلكس 2013 على شريطي كان ممشاها 300 الف وتنقص الزيت بشكل مهول بعد اسبوع لقيته مرجع عداد الكيلو الى 130 الف وحاد الموتر بزيادة 10 الاف عن قيمه مشتراه ويحلف لي ان الموتر نظيف وشرط ههههههههه سيارة اخوي واعرفها صراحه انصعقت لما شفت العداد مرجع ويحلف ان الموتر نظيف طبعا هو مايعرفني


up 2 down 1
يوسف 7001 59
قبل 9 شهر و أسبوع



انا بعت كورلا 2006نظيفة على شريطي وانا وماعرفة ب30الف ويحلف ان مامعة الا هي ويبيها لاخوة يدرس بالجامعة مع ان الشريطية وقفوها على 27الف. وبعد يومين لقية ملمعها وحادها ب38الف. ويوم شافني تغير وجهة. وقلت ليش تبيها يقول اخوي يبي تماتيك . ههههههههههه


up 4 down 0
ابومزعل 338
قبل 9 شهر و أسبوع



والله قد حصل لى انا والوالد نفس قصت صاحب الموضوع قبل ٦ او٧ سنوات كنّا بايعين سياره ايسوزو ديماكس والله طرحنا له ١٥٠٠ وقتها انا استغربت قل له بياخذها وهي المكينه خربانه


up 1 down 0
سلووم 1988 29
قبل 9 شهر و أسبوع



حسبي الله ونعم الوكيل 


up 1 down 0
سلووم 1988 29
قبل 9 شهر و أسبوع



يذكر لي احد الاصدقاء انه باع كامري خارطه مئات الكيلو
وباعها بساحة الحراج ،
وبعدة ايام او اسبابيع حصلها والسوووم فوووووق ركز بالعداد إلا مرجع كم ميه
غش نصب ،،


up 0 down 1
امير الاصيل 1677
قبل 9 شهر و أسبوع



يارجال دامك تعرف موترك ماعليك منهم الي يعيبون بالموتر انا اي شخص يعيب في سيارتي قلت توكل على الله
جبت موتري مره في المعارض وانا الي فاك الموتر وكاله يعني اعرف كل مسمار فيه يقولي الشريطي موترك الرفرف الايمن فيها سمكره والثاني يقولي الصدام مغير


up 2 down 1
كارينو 539
قبل 9 شهر و أسبوع