ماهو رائيكم وفضفضة

كم حدك عشان نعطيك خيارات افضل وبصراحه مامثل الوكاله شئ اذا عندك الاستطاعه وانصحك لاتفكر بالاقساط

تقصد تكاية السواق؟؟ يمديك تحط مركه بين المرتبتين الاماميه واذا قصدك التكايه الي بالخلف ماظن تحتاجها عن كريم وابر

السيارة مكينه وقير وعضلات هاذا الاهم اذا تدور مستعمل اناموتري مابقى الا السقف ماجاه رش ولا بها الا العافيه تروح وتجي

ليش ما تفكر بالسوناتا

أتوقع من السهل تلاقي نظيف

المشكلة الإلنترا مثل ما قلت لازم 2000 سي سي

انت لا تتكل على كريم او اوبر ماهي وظيفه رسميه ممكن تجمع لك فلوس وتطلع لك كم قرش
بس ممكن يقيمك شخص تقييم سيء ويجيك انذار واتوقع انها 3 انذارات وبعدها يفصلونك وصححوني لو كنت مخطئ
نصيحه لا تشتري سياره منت في حاجتها وتنكب فيها
واذا بتشتري اشتر سياره انت م بتندم تستخدمها حتى لو تركت كريم او اوبر

والله ياخوك اشوفك متحمس لشغال بكريم واوبر وما ودي احطمك لكن الشغل مو زي ما انت متخيل او زي كلام بعض الناس
انه يدخل ذهب الشغله هذي متعبه وتجيب الهم وانا بقولك بحكم التجربه
اولاً يركبون معك عينات من البشر تحس ما فيهم ذره
من التربيه او الاخلاق وغصباً عليك تتحملهم وتوصلهم وين ما يبون ولو تكلمت ممكن يشتكي عليك ويقطع رزقك
ثانياً يبي لك تكون فاضي لان اذا تبي تشتغل اقل شي راح تجلس وراء الدركسون 5 ساعات ولو افترضنا انك طلعت 200 ريال
نقص منها 50 ريال لشركه يبقى 150 وتعبي منها بنزين نقول ب30 يبقى 120ونقص منها اكلك وشربك راح يبقى لك من 50 ل80 ريال
والحقيقه ناس كثير وانا منهم دخلنا هالمجال متحمسين زيك لكن انصدمنا بالواقع تعب وكرف وتنعدم سيارتك والمستفدين هم الشركه والراكب اما انت
كل شي على ظهرك تكد سيارتك وتعدمها ولا تحس بهالشي الا اذا خربت عليك وتوهقت فيها ف نصيحه انت شوف اي واحد من اخويك شغال في كريم او اوبر
وخذ مكانه وجرب الشغله لمدة اسبوع اذا جازت لك كمل فيها والله يوفقك واذا لا ما تكون خسرت شي لان ناس كثير اشتروا سيارات وجربوا الشغله وانسحبوا منها وانا منهم
والحمدلله هالقرار اتخذته ولا ندمت عليه ابداً

اشتغلت توصيل اغراض
شهر 8 كامل
يوميا مكالمات ولطعه والبعض يوصف لك غلط والبعض تقله هات اللوكيشن يساءل خويه وخويه يرسل له اللوكيشن حقه وهو يرسله لي
واكل وشرب وبنزين
المهم يوم قالو بكره رمضان حطيت في السياره 2800 ريال اصلاحات
مابين جلد مقصات ومسامير وجلد عمود توازن وجلد مقصات دائريه ومساعدات
فضاعت الغنم في العطيه

كا راي شخصي#
لو تدخر مبلغ رمزي من راتبك افضل مليون
مره من اوبر وكريم وانا مجرب هالشئ شخصيا
و طلعت بمبلغ طيب في خلال 6 شهور

اوبر و كريم مشكلتها انك تتشتغل بسيارتك يعني
الضرر الاكبر عليك لان شوارعنا مكسرة و غيرها والسيارة راح
تحتاج تصليح و كلها من جيبك و غير انظمة المرور و المخالفات
ولو حصلت مشكلة مع زبون راح تتورط انت لان مافيه
اي نظام يحميك .

بالنسبه للاخ ياسر الي يقول ٣ الالف مبلغ حلو ياحبيبي عمرك شفت يمني او سوري يشتغل سايق تكسي ؟؟
الجواب لا 
لان اذا ما طلع اقل شي ٣٠٠ريال في اليوم من شغله ما يعتبر انه كسب شي تدري ليه ؟؟
لان التجاره و اي عمل حر لازم تدخل منه اقل شي مبلغ يغطي مصاريفك كامله وتعبك وزياده عليها مبلغ عشان تجمعه 
وحنا فرحانين ب ١٥٠٠ و٢٠٠٠ ريال واوبر وكريم هم الكسبانين

سؤال الرجال في وادي وانتم في وادي ههههههههه

السلام عليكم

لو تفتح لك محل جوالات ممتاز جدا وافضل يدخل لك اقللل شي في الشهر 5000

الله يجزاكم خير ع كل من رد علي ..واسئل الله ان يرزقنا وياكم من فضلة