ماهو حل صرفية بنزين السوناتا 2007

تأكد من البوابة الهوا فلتر الهوا بواجي كويل طرمبة وفلتر بنزين

ممكن من حساس الشكمان
اذا عندك قطعه الـobd سوى فيها فحص عشان تتاكد

السيارة صارلها اكثر من ١٠ سنين. بما يعني انها تحتاج لتغير كل القطع الدورية مثل بواجي واسلاكها، غسل البخاخات، او حط منظف من ساكو او ميستوبيشي في التانكي، التغيير افضل لو انها رخيصة لأن التنظيف راح يوسع البخاخات، فلتر بنزين واذا ماغيرت طرمبة البنزين نهائيا انصحك تغيرها في نفس الوقت ما تكلف شئ لان عمرها الافتراضي خلص ويمكن تخرب في اي وقت بدون سابق انذار وقتها راح تدفع اكثر، فلتر الهواء وتنظيف الثروتل بدي( الطريقة انك تتفق مع الورشه ان ينفك ويتنظف خارجيا) حساس الاكسجين او الار بي ام يتنظف ببخاخ خاص، وتقريبا سعره رخيص يعني ضعف قيمة البخاخ الافضل انك تشتريه جديد، فلتر الهواء، و تنظيف دبة التلوث، هذه نقطة مهمة. الزيت لا تتركة لين ينحرق هذا زاح يأثر بعمر المكينة خصوصا انها قديمة. اختار نوع خفيف. افحص حالة الكفرات لو في كفر ضغطه منخفض او مو موزون راح ياخذ من عزم السيارة
هذا كل اللي في بالي حاليآ
لو ما انتهت المشكلة يعني ان عندك مشكلة في الكمبيوتر او المكينة 

الله يعطيكم العافيه جميع انا احاول كل فتره اسوي شيء لكن وش تقصد ياخوي ب القطه obd 

اخوي حساس الاكسجين يبغالك تغيره او تنظفة والافضل تغيره لان الموديل قديم 2007 وراح تزبط الصرفية والافضل تسوي تصفية للمكينة

ومعي سوناتا 2008 واعبيها ب 40 ريال اذا ولعت اللمبة وتكفيني 450 كيلو الى 500 كيلو تقريبا والاغلب 420 كيلو تكفي

الافضل تغيره قبل لا تستهلكه لاني كنت بغيره وتركته مع الزمن تجمع كربون على القزوز وتسكر وصار الموتر يطفي وانت تمشي يبغالي ادعس خفيف واضطريت افرغ الدبة وافك الشخال وضبط الوضع الحمدلله