أضف سؤال أو موضوع جديد          

بخصوص تغيير زيت السيارة؟

up 4 down 4
yasser_abdullah 4646 4
قبل 8 شهر و 4 أسبوع



السلام عليكم 
انا معي سيارة النترا 2016  مشت30 الف طبعا التغييرات من اول تغييره الى الحين كلها في الوكالة لكن لما رحت ابي اسوي صيانة ال ٣٠ الف في الوكالة شفت سعرهم غالي مره حول ال ٦٨٠ ريال فقلت بغير الزيت بره الوكالة ، سألتهم وش الزيت اللي استخدمه قالو لي ( شيل هيلكس 15w-40) رحت ل بترومين قالوا ماعندنا هذا الزيت ف الحين انا محتار وش اسوي هل اغير نوع الزيت ولا اروح ابدل عند اي بنشري عادي وهل اذا غيرت عند بنشري عادي واخذت منه فاتوره عادي يقبلها الضمان ولالا ؟ اتمنى تفيدوني  







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لازم تكون الفاتوره طباعه كمبيوتر علشان تقبلها الوكاله



up 0 down 0
fahd077 290
قبل 8 شهر و 4 أسبوع



مو لازم بترومين فيه غيرها ون ستوب ايسي ديلكو كويك ستوب العضيب


up 3 down 0
abcde111 40
قبل 8 شهر و 4 أسبوع



شوف فاست لوب انا اغير عندهم شل هيلكس 10w30 الاصفر
وعندهم فواتير مطبوعة بالكمبيوتر ويوم السبت الفلتر يكون مجانا
طبعا فلترهم فلتر هيونداي الازرق مو مثل بترومين
الالنترا دايم اغيره عندهم ب 90 ريال


up 3 down 0
ابو جابر15 19
قبل 8 شهر و 4 أسبوع



شوف ي الطيب موتر اخوي نفس موترك ويغير عند هونداي السريعه

ضرب الكمبروسر حق المكيف ع ممشى ٣٨ والوكاله اجبرته

يسوي صيانه الاربعين الف عشان يشملها الضمان ! 

مع ان الفواتير معه لاكن رفضوا وسوا الصيانه ب ٦٦٨ 

وهي بس تغير زيت وسيفون وفلتر هواء وتنظيف الفحمات ! 

الحين صار يشتري من الصناعيه زيت شيل هيلكس العلبه الزرقاء

10w40 وسيفون اصلي ويغير عند بنشري ب ٣٠ 

اذا تبي الضمان م يروح بين فتره وفتره سو صيانه عندهم ويشملها

هذا كلام الفلبيني لي وبالتوفيق وان شاء الله م تحتاج الضمان


up 1 down 2
ابوسعــــود 226
قبل 8 شهر و 4 أسبوع



تقدر تغير الزيت بالوكاله فقط بدون صيانة ال30الف
وحسابك ماراح يطلع اكثر من300ريال
وتضمن سيارتك عشان مايجحدونك اذا خرب شيء على الضمان



up 0 down 1
d7ooom777 457
قبل 8 شهر و 4 أسبوع



يارجال صح الوكالة غاليه بس ترا الزيوت اللي برا عند القطع بالصناعية مضروبه ودرجة اولى لكن ماعليها يعني وحتى باقي القطع ، لكن اذا بتريح راسك رح الوعلان واشتر منهم الزيوت ورح غيرها عند اي واحد


up 0 down 0
فيصل طلال... 150
قبل 8 شهر و 3 أسبوع



اما زيت القير ونصيحة لا تغيره الا عند الوكالة فقط فقط فقط


up 0 down 0
فيصل طلال... 150
قبل 8 شهر و 3 أسبوع



سيارتي النترا 2015 ماشية 155000 كم ، ولا يوم غيرت لها زيت بأكثر من 70 ريال بالإضافة لفلتر الزيت بحدود 12-15 من الوكيل أشتري نصف درزن ، والحمد لله ما دخلت للوكيل نهائيا ولن تدخل ولن أحتاج للوكيل بإذن الله ، لأن الوكيل ليس أحد أولادي أصرف عليه شهريا قيمة صيانات تصل ل 10000 ريال ، وإذا أحتجت صيانة تجد الذل والإهانة في رفع الطلبات ، والشكاوى لوزارة التجارة ، كنت خايف من المكيف والحمد لله ما فيه أي مشكلة حتى اليوم ، وإذا فيه مشكلة راح أركب كمبروسر دينسو لكورولا 2005 عند أي كهربائي يولفه لي مع رديتر مكيف وفريون أمريكي ما يوصل 1500 ريال ، لكن الوكالة تدفع لهم مبالغ خيالية وسيارتك جديدة ، وإذا أحتجتهم قد يمتنعون عن الصيانة بحجج واهية ، لذلك الصيانة في الوكالة أسلوب سرقة محترم ، افتح الكاتالوج واعمل الصيانات بنفسك بتمشي 100 ألف ولن تحتاج سوى فلاتر وتغيير زيت وتحت إشرافك ، لكن الوكيل حتى سيارتك ما تشرف على صيانتها ويسلخك 300 ريال من أجل تغيير زيت سعره جملة لا يتجاوز 50 ريال وفي البناشر ب 70 ريال ، حتى زيت القير أشتريه من الوكيل وأغيره عند البنشري أوقف السيارة حتى تبرد وينزل الزيت القديم ويقيس كميته ويضع لي الزيت الجديد ، والسيارة ما شاء الله دون مشاكل


up 3 down 0
anosi 1160
قبل 8 شهر و 3 أسبوع



غير زيت بترومين العادي اللي ب 90 ريال هو 10w30 واستمر عليه بيوفر معاك وكمان الفواتير تضمن بقاء سيارتك في الضمان بأقل تكلفة


up 0 down 0
rashidy 424
قبل 8 شهر و 3 أسبوع



يعطيكم العافية كل اللي رديتوا غيرت الزيت عند شل فاست ب ٩٠ ريال 10w30 والسيارة تمام الحمدلله جزاكم الله خير افدتوني كثير شكرا لكم :)


up 0 down 0
yasser_abdullah 4646 4
قبل 8 شهر و 3 أسبوع