بخصوص تغيير زيت السيارة؟

لازم تكون الفاتوره طباعه كمبيوتر علشان تقبلها الوكاله

مو لازم بترومين فيه غيرها ون ستوب ايسي ديلكو كويك ستوب العضيب

شوف فاست لوب انا اغير عندهم شل هيلكس 10w30 الاصفر
وعندهم فواتير مطبوعة بالكمبيوتر ويوم السبت الفلتر يكون مجانا
طبعا فلترهم فلتر هيونداي الازرق مو مثل بترومين
الالنترا دايم اغيره عندهم ب 90 ريال

شوف ي الطيب موتر اخوي نفس موترك ويغير عند هونداي السريعه

ضرب الكمبروسر حق المكيف ع ممشى ٣٨ والوكاله اجبرته

يسوي صيانه الاربعين الف عشان يشملها الضمان ! 

مع ان الفواتير معه لاكن رفضوا وسوا الصيانه ب ٦٦٨ 

وهي بس تغير زيت وسيفون وفلتر هواء وتنظيف الفحمات ! 

الحين صار يشتري من الصناعيه زيت شيل هيلكس العلبه الزرقاء

10w40 وسيفون اصلي ويغير عند بنشري ب ٣٠ 

اذا تبي الضمان م يروح بين فتره وفتره سو صيانه عندهم ويشملها

هذا كلام الفلبيني لي وبالتوفيق وان شاء الله م تحتاج الضمان

تقدر تغير الزيت بالوكاله فقط بدون صيانة ال30الف
وحسابك ماراح يطلع اكثر من300ريال
وتضمن سيارتك عشان مايجحدونك اذا خرب شيء على الضمان

يارجال صح الوكالة غاليه بس ترا الزيوت اللي برا عند القطع بالصناعية مضروبه ودرجة اولى لكن ماعليها يعني وحتى باقي القطع ، لكن اذا بتريح راسك رح الوعلان واشتر منهم الزيوت ورح غيرها عند اي واحد

اما زيت القير ونصيحة لا تغيره الا عند الوكالة فقط فقط فقط

سيارتي النترا 2015 ماشية 155000 كم ، ولا يوم غيرت لها زيت بأكثر من 70 ريال بالإضافة لفلتر الزيت بحدود 12-15 من الوكيل أشتري نصف درزن ، والحمد لله ما دخلت للوكيل نهائيا ولن تدخل ولن أحتاج للوكيل بإذن الله ، لأن الوكيل ليس أحد أولادي أصرف عليه شهريا قيمة صيانات تصل ل 10000 ريال ، وإذا أحتجت صيانة تجد الذل والإهانة في رفع الطلبات ، والشكاوى لوزارة التجارة ، كنت خايف من المكيف والحمد لله ما فيه أي مشكلة حتى اليوم ، وإذا فيه مشكلة راح أركب كمبروسر دينسو لكورولا 2005 عند أي كهربائي يولفه لي مع رديتر مكيف وفريون أمريكي ما يوصل 1500 ريال ، لكن الوكالة تدفع لهم مبالغ خيالية وسيارتك جديدة ، وإذا أحتجتهم قد يمتنعون عن الصيانة بحجج واهية ، لذلك الصيانة في الوكالة أسلوب سرقة محترم ، افتح الكاتالوج واعمل الصيانات بنفسك بتمشي 100 ألف ولن تحتاج سوى فلاتر وتغيير زيت وتحت إشرافك ، لكن الوكيل حتى سيارتك ما تشرف على صيانتها ويسلخك 300 ريال من أجل تغيير زيت سعره جملة لا يتجاوز 50 ريال وفي البناشر ب 70 ريال ، حتى زيت القير أشتريه من الوكيل وأغيره عند البنشري أوقف السيارة حتى تبرد وينزل الزيت القديم ويقيس كميته ويضع لي الزيت الجديد ، والسيارة ما شاء الله دون مشاكل

غير زيت بترومين العادي اللي ب 90 ريال هو 10w30 واستمر عليه بيوفر معاك وكمان الفواتير تضمن بقاء سيارتك في الضمان بأقل تكلفة

يعطيكم العافية كل اللي رديتوا غيرت الزيت عند شل فاست ب ٩٠ ريال 10w30 والسيارة تمام الحمدلله جزاكم الله خير افدتوني كثير شكرا لكم :)