أضف سؤال أو موضوع جديد          

تجربة أزيرا 2018

up 8 down 3
alsafer6 1169
قبل 2 شهر و 3 أسبوع



السلام عليكم ورحمة الله وبركاته

ياصباح ومساء الخير عليكم جميعا ...

أول شي وش فيكم المنتدى راكد ولاعاد فيه مثل اول فايده وين الاعضاء اللي نستفيد منهم وينهم ؟

حبيت انقل لكم تجربة أزيرا 2018

السياره الناغي أقل فئه استاندر
المواصفات

تشغيل مفتاح
بانوراما
شاشه 7 انش تشغل الايفون والاندرويد بقوائم مختصره
مقعد السائق كهرباء
كاميرا الرجوع للخلف
حساسات خلفيه
اضاءه داخليه LED
مقاعد جلد
تحكم دركسون كامل
اوامر صوتيه
جنط 18
قزاز مدبل
المحركات

مكينه سته سلندر 3.5
قير من 8 غيارات « طنخه ياولد

الـتـجربـه,

العزم "" ماشاء تبارك الله ممتاز جدا ولا قدرت اجرب فصلتها على كم السياره على 200 مرتاحه وظغط الار بي ام منخفض مقارنه بالسيارات الاخرى


عزل الهواء "" جيد جدا اذا ماكان ممتاز ولكن فيه صوت هوى من جهة قزاز باب السواق ما ادري عيب مصنعي او شي ثاني لانه واضح حتى على سرعة 120

العزل الارضي "" جيد جدا

الشكل الخارجي ( عن نفسي ) عجبني وافضل من الشكل القديم بكثير ولكن اذا كنت في السياره وناظرت في المرايات تشوف انحناءات البودي من الخلف بارزه جدا وتحس ان الشكل لك عليه مدري بس حسيت اني راكب ظفدع بسبب الشكل الخلفي للبودي ولكن كشكل عام ( وزير ) ولكن ماهو في المرتبه الممتازه ...


الشكل الداخلي وجودة المواد المستخدمه ...

شكل الديكورات ممتاز جدا جدا والطبلون فخم افضل من القديمه تحسه طبلون النترا مكبر شوي »» شوي بس

جودة المواد المستخده » نشوف مع الاستخدام ..

اذا نسيت شي ذكروني




في الختام اعتذر ماصورت السياره خارجيا ولا داخليا بسبب انها ماهي لي ل ( شقيقي الاصغر )

واخاف يحصل لها شي قال انت السبب تعرفون الايام هذي الناس متشائمه بزياده ...

اما انا يامحدثكم معي سياره ماخلت شي في جيبي قسم انها تعصره عصر
مدري هي تشم القروش والا تدري ان معي قروش اذا جا اخر الشهر مبسوط ومستانس تفاجئني كنها تقول (( داااااااا ))

معي جيب لكزس 97 كلفني المكيف تقريبا 3000 كمبروسر وثلاجه وكلتش وكويل كلتش وفلتر وتنظيف وفريون ( القطع جديده ) اشتغل اسبوع بعدها الكمبروسر ماتوصل له كهربه ابد يشتغل على البطاريه ويبرد ولكن في كهربة السياره ( الفيش حقه مايشتغل ) جنن بي قسم بالله ولا ادري وش السبب لي يومين في الورشه ما استفدت شي
وبيني وبينكم احسه خلاص تعب لانه قدم لي اوراق التقاعد ورفضت لكن اذا ماظبط انا بحيله للتقاعد بنفسي لكن قبل نفترق يمكن تعرفون السبب عطوني رايكم وحلولكم يمكن نتصالح ونرجع اصحاب .


اعتذر عن الاطاله ودمتم بود








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يارجال الصور ماتتحمل وش الهرجه ؟


up 1 down 0
alsafer6 1169
قبل 2 شهر و 3 أسبوع



يعطيك العافية على الموضوع
ويالنسبة للجيب خلاص ماعاد ينفع
صف حقوقه وعلى التقاعد مباشرة


up 3 down 1
الرفاعي33 13464
قبل 2 شهر و 3 أسبوع



يعطيك العافية
تجربه جدا جميلة
موفق


up 1 down 0
عطيريز 43
قبل 2 شهر و 3 أسبوع



يا اخوي متأكد انها 3.5 لتر و8 سرعات؟ لانها ستاندر


up 1 down 0
dell2012 625
قبل 2 شهر و 3 أسبوع



نعم متأكد الوكيل الناغي واذا تبغى تأكيد اكثر وصور تعال واتساب ارسل رقمك خاص


up 2 down 0
alsafer6 1169
قبل 2 شهر و 3 أسبوع



الازيرا حلوه ومواصفات ولا اروع

بس اما مقدمتها ماشششش مادخلت مزاجي كريههه


up 2 down 2
aboahmed2014 422
قبل 2 شهر و 3 أسبوع



مقدمتها ماش وخلفيتها جميلة لانها تقليد ونسخ من الدودج تشارجر يعني الجميل في الموضوع التشارجر وليس الازيرا


up 1 down 8
فيصل طلال... 155
قبل 2 شهر و 3 أسبوع



ماشاء الله يعطيكم خيرها ويكفيكم شرها
بخصوص الجيل صارت لي نفس مشكلتك بسيارتين 
الاولى فورد ماركيز ٢٠٠٢ المكيف مافيه كهرب 
رحت لكهربائي وركب سلك خارجي من عند علبة الفريون 
وصار يشتغل المكيف من المفتاح ليومك هذا من سنتين
ويقول المشكله من الكمبيوتراو الظفيرة
وصارت لي المشكلة بجمس 96 
وطلع كتاوت المكيف اللي بالكبوت مو واصله كهرب 
وراعيه مركب كتاوت صغيرة بالنفس مفتاح المكيف 
وقال لي الكهربائي عشان اشغل المكيف من الكتاوت 
الخارجي يبي لها شغله طويله وقلت له يغير الكتاوت 
اللي بالمفتاح ويشتغل نفس اول وغيره وللحين شغال 
بس شف لك كهربائي فاهم ويظبطه لك وتنسى المشكله 


up 0 down 0
w.asa 2091
قبل 2 شهر و 3 أسبوع



ونسيت اقول لك فيه فيوز للمكيف كان مقطوع عندي
ومايشتغل المكيف بعد 


up 0 down 0
w.asa 2091
قبل 2 شهر و 3 أسبوع



alsafer6 كل مراجعات ازيرا 2018 على اليوتيوب قالوا ان اللي اعلى من الاستاندر بس هي اللي 3.5 و 8 سرعات حبيت اتأكد بس


up 2 down 0
dell2012 625
قبل 2 شهر و 3 أسبوع



اخوي dell2012
شوف الاعلان هذا 26580261
اقل فئه الناغي وليس الوعلان نفس اللي مع اخوي 3.5


up 0 down 0
alsafer6 1169
قبل 2 شهر و 3 أسبوع