وين افضل هونداي الاكسنت او كيا ريو

وعليكم السلام
كلها تقريبا حول بعض
الريو يميزها انها ارخص من الاكسنت
والاكسنت تتميز في الشكل افضل من الريو داخلي او خارجي
وتتميز لها اكثر من وكيل
شوف الشكل الي يعجبك وتوكل على الله.

الريو والاكسنت نفس المكينه نفس القير نفس القطع ونفس الكهرباء
الشركه واحده ختلاف الشكل الريو ارخص الاكسنت اجمل
القطع تقدر تاخذها من وكيل هونداي اكسنت

الاثنين سوا خذ اللي ترتاح له

الأكسنت أفضل

قطعها الخارجية منتشرة و متوفره بشكل أكبر من قطع الريو

الاكسنت الاستاندر قير CVT
الريو بنفس حجم المكينة لكن القير تبترونك 4 نمر

الCVT موفر للبنزين و يريح المكينه لكن غير قابل للتوضيب
القير المعروف ممكن يحشر المكينه لكن ممكن تصليحه وقت الخراب

اول شي : مبروك مقدما ويعطيك خير الموتر الي بتاخذه ويكفيك شرها يارب

مابين الريو والاكسنت
اثنينهم وجهين لعمله واحده

لكن الاكسنت تعتبر افضل من عدة نواحي :

تعتبر اوفر للوقود ( وخذ احتمالات للمستقبل في حال تم رفع قيمة البنزين )

برضو شكليا وجهة نظري انها اجمل ولكن شخص ذوقه واختياره

ولاتنسى كثرتها في الشوارع
يعني في حال لاقدر الله جيت يوم واحتجت قطعة وماعندك امكانية تشتريها من الوكاله
تقدر تروح للتشليح بتحصلها بكثرة

احتياط للزمن ممكن الاكسنت يكون خيار افضل

وفي النهاية الخيار راجع لك
والله يباركلك فيها وفي اختيارك

اتوكل على الله واخذ 2016 او 2017؟ 

الاثنين قير CVT 

17 خلك مع الجديد دامك ناوي اصفار
لاكن لاتخلي ولا معرض دور ارخص
لو 1000 ريال ينفعك
والف الف مبروك مقدما

اذا بتشتري اكسنت، ليش ما تزود ٣٠٠٠ و تاخذ سيراتو مكينة اكبر وقير ٦ سرعات و داخلية اكبر. مجرد اقتراح. 

الاكسنت عند معرض عماد الدين 2017 الوعلان 34000 الف

اذا بتأخذ اي وحده منهم احرص على انك تأخذ  2017 لتوفر مواصفات الامان الأساسيه لجميع  سيارات 2017 مثل اثنين ارباق ومانع الانزلاق وفرامل اي بي اس وحساس كفرات موفق. 

و الاكسنت الجديدة جايه بالطريق اللي بينتظر يشوف الفروقات

الآكسنت أفضل من كل النواحي ، ما عدا القير CVT وفيه مشاكل لدى البعض

لكن الريو جودتها نفس الآكسنت تماما لكن قيرها النوع القديم وهو محرب في سيارات آكسنت 2012 و 2013 والدفعة الأولى 2014 نادر جدا جدا يخبط وعملي جدا ، ولازال في الريو نفس القير

لكن الآكسنت تغير قيرها وأصبح CVT مناسب للمشي داخل المدن وقيادة هادئة ويوفر وقود لكن في السفر قد يسخن القير بسبب أنه نمرة واحدة فقط

ملاحظة قطع غيار الأكسنت أرخص ومتوفر تجاري فئات كثيرة يعني مثلا رفرف تحصل ب 70 ريال صيني و 80 ونوع ب 120 والوكالة وعلان وناغي ومجدوعي

إذا تبغى السيارة للمدينة وقيادة هادئة آكسنت

إذا مشاوير أطول وقيادة غير هادئة ريو

ومن تجربة آكسنت 2012 الشكل الجديد سيارة لا تعرف الورش نهائيا

كلها نفس المواصفات ماعدا اختلافات طفيفه مثل القير الاكسنت سي في تي والريو قيرها قديم
ولكن كشكل ارشح لك الاكسنت 
واذا تبي مواصفات كويسه خذ المجدوعي الدفعه الثانيه استاندر
لان تجي بالمجدوعي تحكم طاره و تكايه وانوار سقف ومسجل مختلف
لو مو مهتم بالتكايه خذ الوعلان لانها دايما ارخص 
انا مطلع قبل اسبوع وحده 2017 من بالبيد 
الحمد لله ممتازه واقتصاديه مره مره مره مره وبتفهم كلامي لمن تاخذها 
عزلها الارضي لاحظته سيئ لك عليه ادنى حاجه تسمعه في بطن السياره لو حجر صغير مره وصقع ببطن السياره بتسمع الصوت 
فهذه عيوب السيارات الصغيره مثل الاكسنت والريو وطقتها

الريو انا اخذت وحده مستخدمة 2014 نظيفة جداً
 ولكن اشوف انها تصرف بنزين بنزينها فل حول 28 ريال 
ولكن بالكثير 5 ايام مابين دوام ومدارس ولاهي ذيك المسافة 
وكذا واحد يشتكي من صرفيتها 

الاكسنت يفيدونك الناس اللي مجربينها 
غير كذا ارشح لك الاكسنت من ناحية الداخليه لونها بيج كاملة 
عكس الريو نصها اسود طبلون وابواب ويسحب حرارة الشمس

وعشان تريح راسك ولا تحتار بينهم افضل حل 
تمر مكاتب التأجير وتستأجر كل وحده منهم يوم كامل ايجارها رخيص مايتجاوز 100 ريال
وتجربهم وتشوف وش الانسب لك 

الاكسنت مشاكلها كثيره والريو من النوادر تلقي مشكله فيها

الربو افضل من جميع النواحي و اثقل وزن و أرسى بالخطوط.
قير الربو ٤ نمر توبترونيك نادر الخراب و قوي و عملي.
بالاحصنة الربو ١,٤ ١٠٧ حصان و الاكسنت ١,٤ ٩٧ حصان.