أضف سؤال أو موضوع جديد          

صرفية غير طبيعية في السيارة وهي وكالة

up 4 down 1
moathqaisiyah 167
قبل 2 شهر و أسبوع



السلام عليكم
يا اخوتي شريت سيارة هونداي صغيرة اسمها i10 جراند تيجي اصغر من الأكسنت وكالة موديل 2015 يعني واقفة في المعرض لها قرابة السنتين السيارة الحمدلله طيبة بس عندي صرفية البنزين مو طبيعية يعني تمشي ١٠٠ كيلو تصرف ١٥ لتر بنزين شي مو طبيعي!!! وامس ضوء check engine اشتغل بشكل متقطع وبعدها طفى ايش السبب جزاكم الله خير







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


غير فلتر الهواء يمكن متسخ من الوقفة
لو الصرفيه باقية ممكن يكون الخراطيم حول الثروتل خربانه


up 3 down 1
عمده33 1350
قبل 2 شهر و أسبوع



شكرا اخي على الرد السريع ان شاء الله اشيك على فيلتر الهواء
ولكن هل يمكن انه المشكلة من زيت المكينة والفلتر لأنه صارله سنتين فأتوقع يحتاج تغيير


up 2 down 1
moathqaisiyah 167
قبل 2 شهر و أسبوع



كيف يعني اخذتها من المعرض وطوالي استخدمتها
ولها سنتين واققة ماشيكت على فلاترها وامورها وحتى الكفرات
زيت المكينة وفلتر طوالي تغيير شيك على كل شي
سنتين وقفة ماهي بسيطة


up 3 down 0
الرفاعي33 13464
قبل 2 شهر و أسبوع



اخوي اول ما طلعتها غيرت الكفرات على طول بس الفلاتر وزيوت ما اتوقع انه لها تاريخ صلاحية وهي واقفة عشان تخرب السيارة اصفار


up 2 down 4
moathqaisiyah 167
قبل 2 شهر و أسبوع



من منظورك , حتى الكفر ماله تاريخ صلاحية ليش غيرته
الزيوت لها تاريخ انتاج مثلها مثل الكفرات واذا تعدت سنتين فلا ينصح باستخدامها .
فما بالك باللي داخل المكينة يكون تغييره اولى وهي واقفة سنتين .
والفلاتر نفس الشي ماهي مصنوعه من استيل حتى تدوم سنين .
بالتوفيق


up 11 down 1
ahmad m.a.a 30
قبل 2 شهر و أسبوع



لا طبعا الكفر معروف له صلاحية لأنه اكيد انشمس ويبس مع الوقفة ويحتاج تغيير اما الفلاتر والله عمري ما سمعت انه لها فترة صلاحية !
على كلن جل من لا يسهو والإنسان خطاء اشكركم على الردود الحلوة والسريعة وانشاء الله بكرا اشيك على جميع الفلاتر والزيوت وخراطيم تبخير الزيت والرديتر اذا انحلت المشكلة ارد لكم خبر


up 9 down 0
moathqaisiyah 167
قبل 2 شهر و أسبوع



زيت المحرك له صلاحية 6 شهور من تاريخ وضعها في المحرك المفروض اي شخص يشتري سيارة يغير زيت وفلتر مباشرة
الله يسهلها عليك و وقفة سنتين شيء طبيعي يصير كذا واشياء بسيطة ان شاء الله


up 5 down 2
its_o_o 233
قبل 2 شهر و أسبوع



لو فتحت الكتلوج ي غالي كان حصلت ملاحظه (( فلتر الهواء والمكيف يفضل تغييره كل 15 الف كيلو او 6 شهور أيهما اسبق ))

هذي الملاحظه موجوده ف جميع كتلوجات الكوري بالموديلات الحديثه .. ثاني حاجه ي مسلم ترى سعره بسيط كانك خايف من السعر ؟ انا معي ازيرا 2015 والفلتر حقها اخذه من منيف النهدي اصلي وكاله ب 40 ريال حق المكينه و 60 حق المكيف وانت طبيعي بتكون ارخص


up 1 down 2
ابو هيثم 7 1897
قبل 2 شهر و أسبوع



كويس انها ماخبطت

عزيزي . لزوجة الزيت فقدت .الزيت لو تقلب العلبه وتقرى تاريخه يعطيك تاريخ الانتاج+تاريخ انتهاء اللزوجة
المفروض لها سنتين . اول ماتطلعه تغير الزيت والفلتر . وزيت القير ايضآ . كل هالاشياء مراح تكلفك اكثر من 500ريال


up 2 down 1
كحيلان طال عمره 258
قبل 2 شهر و أسبوع



مباشره غير الزيت الان



up 0 down 0
alharbi2221 1
قبل 2 شهر و أسبوع



حنا بندخل سنة 2018 يعني تستخدم سيارة مخزنة ماهي وكالة والمخزنة ولو انها صغيرة يبغالها تغيير كل شي يعني تغير الزيوت والفلاتر والكفرات والقطع مثل المساعدات والاذرعة لانها جالسة فوق سنتين بدون تشغيل او تحريك


up 0 down 2
temo2016 -3
قبل 2 شهر و أسبوع



لا مشكلة أخوي لا يوسوسون بك
زيت الطبخ يبقى في رف البقالة سنتين وثلاث ويكون صالح للاستهلاك الآدمي
صحيح الأفضل التغير في أسرع وقت لكن هذا لا يعني ان الزيت منتهي ، والبعض يقول كويس ما خبطت هههه



up 0 down 0
anosi 1089
قبل 2 شهر و أسبوع



غير من شاشه المعلومات في الطبلون حط ع الممشي لا تحط ع كم باقيلك من البنزين عرفت
هذي سر من اسرار الاكسنت مجربه


up 0 down 0
الدرول 19
قبل 2 شهر



ابشركم شباب المشكلة من صفاية البنزين والبواجي غيرتهم واسيارة صارت ممتازة


up 0 down 0
moathqaisiyah 167
قبل 2 شهر