صرفية غير طبيعية في السيارة وهي وكالة

غير فلتر الهواء يمكن متسخ من الوقفة
لو الصرفيه باقية ممكن يكون الخراطيم حول الثروتل خربانه

شكرا اخي على الرد السريع ان شاء الله اشيك على فيلتر الهواء
ولكن هل يمكن انه المشكلة من زيت المكينة والفلتر لأنه صارله سنتين فأتوقع يحتاج تغيير

كيف يعني اخذتها من المعرض وطوالي استخدمتها
ولها سنتين واققة ماشيكت على فلاترها وامورها وحتى الكفرات
زيت المكينة وفلتر طوالي تغيير شيك على كل شي
سنتين وقفة ماهي بسيطة

اخوي اول ما طلعتها غيرت الكفرات على طول بس الفلاتر وزيوت ما اتوقع انه لها تاريخ صلاحية وهي واقفة عشان تخرب السيارة اصفار

من منظورك , حتى الكفر ماله تاريخ صلاحية ليش غيرته
الزيوت لها تاريخ انتاج مثلها مثل الكفرات واذا تعدت سنتين فلا ينصح باستخدامها .
فما بالك باللي داخل المكينة يكون تغييره اولى وهي واقفة سنتين .
والفلاتر نفس الشي ماهي مصنوعه من استيل حتى تدوم سنين .
بالتوفيق

لا طبعا الكفر معروف له صلاحية لأنه اكيد انشمس ويبس مع الوقفة ويحتاج تغيير اما الفلاتر والله عمري ما سمعت انه لها فترة صلاحية !
على كلن جل من لا يسهو والإنسان خطاء اشكركم على الردود الحلوة والسريعة وانشاء الله بكرا اشيك على جميع الفلاتر والزيوت وخراطيم تبخير الزيت والرديتر اذا انحلت المشكلة ارد لكم خبر

زيت المحرك له صلاحية 6 شهور من تاريخ وضعها في المحرك المفروض اي شخص يشتري سيارة يغير زيت وفلتر مباشرة
الله يسهلها عليك و وقفة سنتين شيء طبيعي يصير كذا واشياء بسيطة ان شاء الله

لو فتحت الكتلوج ي غالي كان حصلت ملاحظه (( فلتر الهواء والمكيف يفضل تغييره كل 15 الف كيلو او 6 شهور أيهما اسبق ))

هذي الملاحظه موجوده ف جميع كتلوجات الكوري بالموديلات الحديثه .. ثاني حاجه ي مسلم ترى سعره بسيط كانك خايف من السعر ؟ انا معي ازيرا 2015 والفلتر حقها اخذه من منيف النهدي اصلي وكاله ب 40 ريال حق المكينه و 60 حق المكيف وانت طبيعي بتكون ارخص

كويس انها ماخبطت

عزيزي . لزوجة الزيت فقدت .الزيت لو تقلب العلبه وتقرى تاريخه يعطيك تاريخ الانتاج+تاريخ انتهاء اللزوجة
المفروض لها سنتين . اول ماتطلعه تغير الزيت والفلتر . وزيت القير ايضآ . كل هالاشياء مراح تكلفك اكثر من 500ريال

مباشره غير الزيت الان

حنا بندخل سنة 2018 يعني تستخدم سيارة مخزنة ماهي وكالة والمخزنة ولو انها صغيرة يبغالها تغيير كل شي يعني تغير الزيوت والفلاتر والكفرات والقطع مثل المساعدات والاذرعة لانها جالسة فوق سنتين بدون تشغيل او تحريك

لا مشكلة أخوي لا يوسوسون بك
زيت الطبخ يبقى في رف البقالة سنتين وثلاث ويكون صالح للاستهلاك الآدمي
صحيح الأفضل التغير في أسرع وقت لكن هذا لا يعني ان الزيت منتهي ، والبعض يقول كويس ما خبطت هههه

غير من شاشه المعلومات في الطبلون حط ع الممشي لا تحط ع كم باقيلك من البنزين عرفت
هذي سر من اسرار الاكسنت مجربه

ابشركم شباب المشكلة من صفاية البنزين والبواجي غيرتهم واسيارة صارت ممتازة

حساس الشكمان اسأل مجرب