أضف سؤال أو موضوع جديد          

واخرتها مع الاكسنت وصرفية البنزين هههههههه

up 14 down 10
aboahmed2014 571
قبل 8 شهر و أسبوع



السلام عليكم

صباح / مساء

الخيــــــــــــــــر


ارحبوا ياقوم وكلن باسمه فديت روسكم


السالفه ومافيها طلعت اكسنت 2016 وياليت ماطلعتها ولاجيت للكوري مدري من دعاء علي هههههه

طبعا انا ضد التعصب لوكاله معينه ضد الوكالات الثانيه بالعكس

المهم مالكم بالطويله في مشاكل تخص التكيف وهي من تشغل المكيف السياره تطفي

وطلع لابد من برمجه من الوكاله وسحبت عليهم لان يوم اسوي موعد عن طريق النت او التلفون يتم السحب
علي من قبلهمَ!

الشئ الثاني العزل مااااش اعطيه 3.5/10 ارفع المسجل عشان لا اسمع صوت الزفلت وعيون القطط

الشئ الثالث الهوى يلعب فيها لعب مو مثل الياريس ثبات ورساوه وطارتها ثقيله

والشئ الرابع مقاعدها ماهي مريحه كاني راكب ونيت
وانواع النقزه قلت يمكن من مقاس الكفر وانزل من الهوى الا وكانك يابو زيد ماغزيت

طبعاً كل هذه المشاكل ماتهمني لان خلاص تدبستاا على قولة اخواننا السودانين


ياطويلين العمر اعبيها بنزين اخضر 91 وقلت علشان اهي اقتصاديه وبتكفي وتوفي

طلعت ابو كلب تصرف صرفيه


متخيلين كل بعد ثلاث ايام اعبي فل وانا والله العظيم مريحها واستخدمها دوام فقط
مسافة 30 كيلو رايح و30 جاي وبعد الدوام استخدم الالتيما حقتي 2009

وقلت اوكي بمشيها يمكن مع اختلاف الدعسه وخاصه اذا عند اشاره واجيب اعذار وابرد على قلبي


لكن الكارثه قبل امس عبيتها فل اخضر وكان فيها 3 شرطات يعني المجموع حول 23 ريال او اقل

بشارع جابر عند كبري الفحص وقلت ابي البيك الخرج

وقلت بيوصلني مافيها كلام وارجع فيها ضامن < على بالي التيما ياقطع الله قلبي ههههههههه

مع ان المسافه بين الرياض والخرج ماتجي ساعه

بالحرام ياشباب يمكن مامشيت نص ساعه الا والتانكي نقص اربع شرطات ويالله لقيت محطه كويسه
لاني ما اعبي من اي محطه اهم شئ محطه موثوقه

والسرعه ماتعديت 100 لان الخط هذا ماعمري جيته وطبعاً حدث ولاحرج انواع الحفر

وتريلات تسقط عليك بدون سابق انذار

واعبي بعشره وامسك خط لي وصلت الخرج

وبالرجعه قسسم ماسك خط 80 ههههههههههه قلت يا انا ياهي وماقصرت يوم وصلت البيت
الا فيها النص وامس واليوم داومت فيها عيا ينزل تحت النص << قسسم جننت عقلي


فيا شباب وش الدبره

لايكون عشان تانكيها صغير كل شوي تشرب بنزين

ولا وش العلم

علماً ان الالتيما كنت اعبيها فل اخضر حول 43 ريال وامسك خط الرياض الشرقيه
ابتداء من الدخل المحدود مخرج 29 واوصل الدمام وماينقص الا اكثر من الربع بحاجه بسيطه منها والله يشهد علي

وسرعتي هي هي 100 او 110

شفتوا الفرق ياقوم وتلوموني يوم احب الالتيما ^_^







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


سيارتك فيها بلا رح افحصها
انا معي اكسنت ١٥ وماشي عليها ١٢٠ الف
السيارة اقتصادية بشكل فوق التوقعات بس يعيبها ضعف الامان والراحه


up 0 down 0
عزيز330 21
قبل 8 شهر



معاي 2014 زي الحلاوة والحمدلله


up 0 down 0
mhmd alshehry
قبل 7 شهر و أسبوع