أضف سؤال أو موضوع جديد          

كذا سؤال على الزنون وموضوع اشارات الليد

up 7 down 1
azee3z 245
قبل سنه



السلام عليكم

رحت ابي اركب زينون 55واط ع الواطي وقلت اشوف المعلمين حقين الزينه بكم يركبونه سيارتي ازيرا 16
طبعا دورت على 6000 كلفن عشان اطابقه مع لون الليد الي حول العدسه بس ما لقيت كل الي لقيته 4200 او 8000 وهذي مهي مشكلتي
شفت اسعارهم اقل واحد قال لي ب400 ريال وبدون تركيب ب350 وقلت مهي مشكله الفلوس تتدبر
والى الآن وضعي ممتاز في السليم بس على كلام المعلمين اني لازم اركب كتاوت وظفيره والشغله مكلفه بس فيه كذا واحد في اليوتيوب لهم مقاطع يركبون الزينون على نفس افياش الوكاله من المحول دايركت هل فعلاً كلام المعلمين صحيح ولا نظامهم قديم؟
طبعا غير ان الي بالسوق صيني وانا كنت متردد خلقه اني اركب عندهم وواحد منهم قال لي اركب لك ليد 55واط وتايواني بس ب650 وانا مجرب الليد قبل صراحه سيء بس ممكن تحسن عن قبل وقلت اشوفه برا بامازون فرق السعر ثلاث اضعاف (:
وابشركم الي عنده طلع صيني وما لقيته بامازون بس لقيت انواع ممتازه بس انا مني مرتاح للد بشكل عام لانه مهما كان قوي يتشتت
وبالنسبه للزينون حصلت لي من امازون ب55 واط
https://www.amazon.com/gp/product/B00NFA8NRE/ref=ox_sc_act_title_4?smid=A1ZFD0AC6LULG4&th=1
وش رايكم فيه ؟ بالنسبه للسعر ومقارنه بجودة المحلي

والموضوع الثاني موضوع الاشارات
حبيت اركب اشارات ليد بس كل ما جيت اركب شغله الاقي شغله ثانيه مخربه علي (:
والسبب الاساسي لتركيبها لان لمبات الهالوجين ضعيفه بشكل فضيع بالذات في النهار ما تنشاف

واذا صملت الخيارات كالتالي :
1_ اركب ليد واولف فيش ثاني احط فيه لمبه هالوجين عاديه والفها بقصدير (يسبب حريق لمجرد استمرار اللمبه لدقيقه شغاله)
2_ اركب ليد واحط منظم او مقاومة (resistor) بس مشكلته يحر وفيه تجربه لمقطع في اليوتيوب بعد ثلاث دقايق تشغيل وصلت حرارته ل170 بالعربي لو لمس بلاستك او سلك بيحرقه
3_ اركب قطعة حقت الفلشر خاصه باللد واشوفه الحل الانسب بس ما لقيته عندنا بالسوق الا صيني
4_ اركب لمبات ليد مصممه انها ما تستعمل اي منظمات او توليف او تغيير باي قطعه وتركب مكان لمبة الوكاله بس مشكلتها قويه بزياده الي وراي بيجيه عمى مؤقت لو شغلتها بوجهه وقيمتها 40 دولار (150 ريال) للحبتين يعني لو باخذ 4 ب300 ريال والشحن 70 تصير ب370 (:

وبالنسبه لمصطلحات اللمبات الي اعرفه ان كلفن هو اللون وواط هي قوة الاضاءه بس لومنز ؟ حسب ما سمعته انها كمية الكهرباء الي تسحبها اللمبه اذا صحيح هذا الكلام كيف احسب اللومنز الي تحتاجه لمبة الليد عشان ما تفلش بدون توليف او محولات؟

واسف طولت بالكلام بس ابي اجوبه اكيده كل مارحت محل كيس لي من عنده







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ي ساتر من اولها دسلايك ليش زعلان اخونا


up 4 down 0
azee3z 245
قبل سنه



راح ارد عليك في اللي اعرفه

بخصوص الزنون او الليد
الزنون افضل لان ماراح تلقى مقاس لليد نفس
مقاس سيارتك


الليد اذا جاء وكالة فهو ممتاز
اما اذا تركيب ماينفع لان العواكس او العدسة
مو مهيئة لليد لان تختلف انت شفت شكل الليد
تجي جهتين او اربع جهات
اما الزنون و الهالوجين اللمبة تجي كاملة
طبعا صعبها شرحها كتابيا

بخصوص اللمبات كانت معي لكزس وكان قوته ٣٥ واط





up 1 down 0
كورولا111 153
قبل سنه



بخصوص الزينون ولا الليد
عندي تجربة مع الليد كان مضروب
مع العلم طالبها من الصين كانت قوة اللمبة الوحدة 4000 لومن
ومن المفترض انه قوي لكن تبين ان الهالوجين اقوى منه
الزينون في شركات بالنت يبيعون زينون بسعر كويس وجودة عالية
بخصوص الاشارة في واحد بالانستقرام يبيع ليد اشارة قوي ماشاء الله
يركب بدون مقاومة اسمه hisham_led
ويكون مثل اليخت بقوة الاشارة واللي من بعيد بيكون واضح مرة


up 0 down 1
ali-911 3027
قبل سنه



لان حسبت ماقرأت ان المقاومة يضبط سرعة الاشارة لكن ترتفع حرارتها بشكل مرعب
وبخصوص توليف لمبة هالوجين نفس الفكرة


up 0 down 0
ali-911 3027
قبل سنه



الليد جميل في الشمعات الأمامية لكنه ضعيف ونصيحة لا تضيع وقتك وفلوسك في تجربة رح تنتهي بالفشل

الزينون أفضل بكثير ونصيحتي لك تركب محول 35W ديجيتال وما رح تحتاج الكتاوت أو الظفيرة وركب لمبات أصلية 6000 كالفن ورح تطلع النتيجة ممتازة

بالنسب للإشارة الليد ركب مقاومة إذا ما كنت تشغل الإشارة أو الرباعي لفترة طويلة أو كنسل فكرة الليد وخلها شد بلد أحسن لك


up 2 down 0
مفقود 763
قبل سنه



الاشارات موجود بدون مقاوم او كتاوت

الزنون يركب سلام سلام اذا مطابق لكهرب السيارة

الليد للواطي بشكل عام هونداي وكيا مقاس h7 يحتاج غرا عكس الزنون يركب اسهل

ارسل لي رقمك خاص

ونقطة اخيرة مهمة جدا


كل لمبات الليد صناعة وشركات صينية


up 0 down 0
almuhands 199
قبل سنه



جزاكم الله خير وفعلا لي تجربه سابقه مع الليد بس قلت انه صيني ويمكن لو اخذه من برا بيكون افضل بس فعلا شفت تقارير لاجانب على الليد فيه نسبة تشتت عاليه ولا يفرش الطريق مثل الزينون والهالوجين افضل منه
وشفت مقاطع للزينون الي ارسلته في ردي الاول صراحه اضاءته جباره
بس بقي سؤالي الي ما فهمت عليه وش هو اللومن (: ؟
والاخ almuhands فعلا الليد الي بالسوق كله مضروب والزينون برضو اغلبه مضروب وسعره غالي مبالغ فيه وهذا هو السبب الي خلاني اتوجه لامازون


up 0 down 0
azee3z 245
قبل سنه



اولا اتوقع ماراح احد يفيدك اكثر مني بالموضوع (( فيه ناس افهم مني بالمنتدى لكن موتري نفس موترك واستخدامي له فتره طويله خلاني اعرف كل خافي فيه ))

بالنسبه للزينون جربت اربع انواع الاول دينسو الفضي الجيل الثاني مع ظفيره اصليه 40 امبير وشغل يدي يعني شغل عدل مب زي تلفيق ابو يمن .. بالنهايه طفى الليد اللي هي الحلقه الدائريه حوالين العدسه بالشمعه اليسار بشكل مؤقت .. ركبت مانع ذبذبه اثنين ولا نفع واضفت ثالث ع الظفيره وصار يتأخر بالتكشيح لين وصل لاحتراق الليد باكمله بالشمعه اليمين بعد سنه

فكيت الشمعات وطلبت شمعات الفل بالزينون حقها قالي راعيها ماراح تشتغل عندك ولك تجربه يومين وجربت وطلع كلامه صحيح .. رجعت لشمعاتي وغيرت الشريحه الخضراء ب 100 ريال وركبت عدسات Q5 مع محولات X55 ولمبات ياكي 5500 كلفن وكلفني البكج كامل ب 600 ريال من غير قيمه التركيب

زانت الامور لمده 6 شهور بالضبط لين احترق واحد من المحولات وكلمت راعيه قالي مافيه بديل من نفس الشركه كونها قفلت وافلس المصنع ومعروفه سالفته المهم بحثت عن بديل له لقيت محولات F5 ورهمت لها ظفيره X55 السابقه (( يجي معه ظفيره خاصه فيه تختلف عن باقي الظفاير )) ونفس الشي 6 شهور ويخرب

جربت النوع الرابع والاخير اللي اسمه اوزوم ويجي معه مانع ذبذبه مدمج مع محول الزينون المهم لاحظت انه بطي بالتحميه + يطفي الليد >>> بالاخير بعد كل هالمعاناه اكتشفت ان البلاء مش ف الليد والزينون ولا الدينمو ولا الكمبيوتر ؟؟؟ البلاء من البطاريات المخيسه مثل هانكوك وايسديلكو اللي يكون فيها طاقه التدوير البارد CCA اقل من 600

ف انت قبل كل شي دور البطاريه الممتازة بعدين فكر ف الزينون والليد .. حتى صرت ادري الحين ان البطاريه على ايامها الاخيره اذا شفت الليد حوالين العدسه يطفي وفعلا كلها اسبوعين الى شهر وهي خربانه .. اما بالنسبه لليد انا مركبه بالعالي قوه 4200 لومن و 40 واط و 4 اتجاهات 360 درجه .. والصراحه افضل من عالي الوكاله بمراااااااااحل



up 4 down 0



اخر حاجه نسيت اذكرها هي فلشرات الليد

اولا يركب بموتري وموترك لكن نوعيه خاصه انتاج شركه سامسونج الكوريه سعرها 140 ريال للطقم وقوتها 2600 كلفن والمقاوم حقها يجي مدمج مع اللمبه

طبعا تعتبر افضل الموجود حاليا ولا راح يسبب لك مشاكل الا انه مكتوب عليه لا تشغله اكثر من 15 دقيقه متواصله <<< عادي طفه شوي يبرد ثم شغله

لعلمك الصيني لو تشغله دقيقتين سخن عليك ف هذا جلس 15 دقيقه كثر خيره .. وزي ماقلت لك هو افضل الموجود ومايجي الا فلشرات خلفيه فقططط


up 2 down 1



محل في الدمام.   جمله. اسمه سابقا. العوبثاني. حاليا اسم انقليزي.  المهم بعد شواية الجزيره مباشره.  عنده زينون فيلبس. الماني
وعنده محولات.  وشغلات حلوه     


أبو هيثم7

فين نلاقي ليد الاشارة - سامسونج؟

هل في له وكيل؟

وهل موجود في الدمام؟؟


up 0 down 1



^^^^
كل لمبات الليد صناعة وشركات صينية


up 0 down 0
almuhands 199
قبل سنه



^^^^
كل لمبات الليد صناعة وشركات صينية
ماحد يقولك الماني ولا امريكي ولا كوري ولا سامسونج
ولا اي اختراع كلها بدون استثناء صناعة صينية بحت ابا عن جد
بكل مكان سواء

او امازون او ايباي او اي مكان كلها صيني وعلى تحدي للان مافي
اي شركة نزلت ليد للسيارات خارجي غير الصيني

الفيلبس مستحيل تحصل مقاس الاصفر زنون لان كل الشركات
الاصلية تجي مقاس D فقط

مستحيل اصلي مقاس H


انا ابيع واشتري وعارف الشغلة

امازون وايباي يغلفوها لك كرتون نظيف ويسلخ بالسعر على اساس انها شركة امريكية
وينصب عليك

اللي عندنا للاسف بعض البائعين عشان يسلخك بالسعر يقولك الماني وامريكي سامسونج وايطالي وهولندي ويبدا يفتي عليك

على تحدي خلال شهر اي واحد يجيب لي ليد حق سيارات نفس اللي ينباع مهو صيني له 500 ريال


up 0 down 0
almuhands 199
قبل سنه



خذ لك محولات لكزس وتويتا الفضي الجيل الثاني الرخيصه
مستعمل حدود 200 والشمعات خذ الي ضمانها سنه سعرها من 20 بدون ضمان الى 800


قاعدة الهالوجين تختلف عن قاعدة الليد فما راح تنفع
ركب زنون واوزنه افضل


مشكلة المعلمين يكيسون على قولتك خليك على اليوتيب ويفضل فديوات الاجنانب


up 0 down 0
298
قبل سنه



صبحكم الله بالخير جميعا
من تجربة وخبرة الليد أصبح أفضل ألف مرة من الزنون
أساساً يسمى الليد بديل الزنون
الزنون صحيح قوي وينتشر ويكشف الطريق لكن مشكلته سحب الكهرباء والحرارة العالية
خصوصا الكيا والهونداي كهربهم ضعيفة ولا تتحمل الزنون
والآن فيه أنواع من الليد تنافس الزنون والقوة تبدأ من ٧٢٠٠، ٨٠٠٠, ٩٦٠٠, ١٠٠٠٠, ١٢٠٠٠, ١٣٢٠٠ طبعا لومنز اللي هي درجة سطوع أو شدة الإضاءة
وجي نوعين مروحة وفتيل نحاس وتكون ضد الماء والغبار
مركبها على كامري ٢٠٠١ لها ما شاءالله سنة ونص لا تغير اللون ولا تغيرت القوة وما تحتاج تحمية على طول تشتغل
شافها جاري طلب مني وطلبت له من برا وركبها على جراند ماركيز والحين نوره شمس ما شاءالله