صوت طقطقة طاره النترا 2013

الصوت قوي ومختلف بالفعل عن الجلدة المسماه بالنجمة ، أتمنى لو أستطيع إفادتك ، لكن ما راح يحل مشكلتك إلا ميكانيكي ، وأتمنى إفادتنا بالحل لتعم الفائدة

من موديل 2007 النترا والمشكله الطقطقه بلطاره متكرره كل سنه  طبعا ماتأثر ابدا استخدام بس صوتها قروشه وفيه ناس تحلها الي بلحام او يغير ربله بس لازم فك وحوسه وللتنبيه اكثر الالنترا الكمبروسر يخرب بعد كعيب مصنعي 

اكتب في اليوتيوب علاج مشكله طقطقه الدركسون تشوف بنفسك العله والحل 

يعطيك العافيه عزيزي

اليوتيوب يطلع لك حق ربله النجمه

مشكككوور

الصوت لاهو من الربله اللي داخل العلبه ولا من دينمو الطاره الكهرب
الصوت قد يكون من العمود اللي يطلع من العلبه الكهربائيه ويمتد الى ارضية السياره قريب دواسة الفرامل ومن الارضيه الى العبلة السفليه
خل شخص يلف الطاره وانت فك الغطاء البلاستيك اللي اسفل الطاره فكه بسيط كلبسات وانزل براسك الله يكرمك اسفل عند الرجول
بعد ما تشيل الدواسه ويظهر لك العمود كامل راقب العمود والشخص الثاني يلف الطاره وشوف من وين مصدر الصوت انا متأكد ان ذا صوت
العمود يدقر في شي وقت ما تلف واضن الشي ذا في نهاية العمود الارضيه يرتبط بذراع يوصل للعلبه السفليه له مسمار ربط واسنان تدخل في بعض
يمكن مرتخي وفيه فضاوه مع اللف تخليه يطق اذا كان العمود ما حوله شي وسليم ما فيه فضاوه اسفل
حول على العلبه السفليه اذا خربت تسبب طقطقه قويه بسبب الفراغ في اذرعتها واذا نشفت من الشحم لكن برضه ما يوصل صوتها للدرجه ذي
والله يعينك على الالنترا صراحه من تجربة لثلاث أجيال للالنترا 2008 . 2014 . 2016 الشكل الجديد
تقدر تقول اسوء نظام توجيه عرفته فالحياه كله عيوب مصنعيه وحساس

تسلم ياساقي

العامود كنت شاك في مفصلاته لان تقريبا اذا مو ناسي مفصلين

رشيت w40 وحطيت شحم بس الصوت نفسه ماتغير

والصوت يطلع اذا لفيت يمين وبرجع الطاره بس اذا يسار اووك

ومشككور يالغالي

اذكر العيب هذا من النترا 2007

وولد خالي غيره على الضمان

وبعدها خرب ولا صلحه لان قيمتها وقتها غاليه ما ادري عن وقتها الحين كم تكلف
على العموم اهو بس صوت يقروش بس ماله تاثير

يبيلك مركز مختص هيدروليك موب ميكانيكي عادي 

شيك على الاذرعه

يعطيكم العافيه

الاذرعه سليمه

بالنسبه لمختص هيدروليكي اذا في احد خابر لي في الاحساء اكون له من الشاكرين

هذا عيب موجود في الالنترا من زمان ، كان معي النترا 2011 ما مشت إلا 34 ألف وأنواع الأصوات ، تلف الدركسون يمين
تسمع صوت تلف يسار تسمع صوت ، وقالوا لي هذا من علبة الدركسون تغيرها كاملة ، سعرها غالي جداً أكثر من أربعة آلاف ريال
وما طولت معي السيارة وبعتها والصوت لا زال فيها .

حتى انا معايا نفس المشكلة النترا 2014
شيكتها عند الوكالة قالو انها علبة دركسون كاملة قيمتها بعد التخفيض 1200 والتركيب 300 ريال وبعدها وزن اذرعة
وديتها ورشة ثانية واحد تركي قال لي عضلات الدرسون امامية وخلفية قيمتها الجهتين ب 350 ريال
والتركيب ب 250
أشيرو عليا اعطوني رايكم ايش اغير افضل ؟

السلام عليكم 
نفس المشكله عندي الطقطقه النترا٢٠١٣ سويتلها تربيط كامل من تحت ولا زالت نفس المشكله واخر محل رحت له وشغله ثقة قال هذي علبة الدركسون تحت اللي هي الدوده