أضف سؤال أو موضوع جديد          

أهم التشييكات بعد شراء سيارة مستعملة

up 3 down 1
yousefooo 11
قبل 10 شهر و 3 أسبوع



السلام عليكم

يا أخوان أنا اشتريت النترا 2016 الشكل القديم ماشية تقريبا 79 الف وارد الوعلان

طبعاً فحصتها فحص شراء للشاصيه والبودي والمكينة وما طلع فيها شي
لكن وش أهم الأمور الاستهلاكية اللي لازم أفحصها أو أبدلها؟
اللي أعرفه زيت المكينة والفرامل وفلتر الهواء والزيت
هل يكفي أوديها عند شل فاست لوب او بترومين وتشييكاتهم تغطي الأمور الاستهلاكية أم في نقاط بالسيارة ما يفحصونها
أم أوديها للوعلان يسوي فحص الوكالة حق 80 ألف وخلاص بس مدري نظام الوكالة هل السيارة لسى في الضمان أم لا وهل يقبلون أحد يسوي الصيانة عندهم أم لازم تكون في الضمان
مدري اللي قبلي هل كان يسوي التشييكات في الوكالة أم المراكز المعتمدة لأني سألت المعرض وما عنده فكره بس غالباً ايه لانها مسحوبة من شركة تاجير موظفين احتمال يكون لها صيانة دورية ؟
اعتذر على الاطالة بس أخوكم غشيم شوي كل ما دورت باليوتيوب تطلع لي نقاط صيانة كثير مدري وش الدوري ووش اللي يتغير اذا صارت مشكلة فقط مثل البواجي والشمعات والسيور دايم اسمعها









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


قبل لا تسوي اي شي راجع جدول الصيانه وشف الاشياء اللي بذكرها على اي ممشى مطلوب تغييرها
ابد بسير التيمن وقبل لا تخسر وتغيره خل المكانيكي يشوف مسامير فكه اذا عليها اثار فك قديم فمعناه ان راعيها الاول ركب جديد
الشي الثاني زيت القير ونفس طريقة السير خله يشيك على مسامير كارتير القير اذا عليها اثار فك ووجه جديد ف اكيد انه تم تغييره فلا تغيره
والثالث صفاية البنزين وفلتر الهواء والزيوت وفلتر الزيت وشيك على الاقمشه
اما زيت الفرامل ما ضن تحتاج تغييره اذا ناقص زده


up 1 down 0
ساقي العين 303
قبل 10 شهر و 3 أسبوع



اذا ممشى الموتر حقيقي معناته سيارة جديدة ما يحتاج صيانه
الا اللي يحتاج تغيير ممكن فلتر المكيف و القماشات
بدري على الباقي


up 0 down 0
1405-1985 1416
قبل 10 شهر و 3 أسبوع



يعطيكم العافية
رحت اليوم الوكالة اسوي صيانة 80 الف مجانين يبون 1623 ريال
يوم سألته ليش يقول الصيانة 788 ويغيرون بواجي وسير وصفاية بنزين
سحبت عليهم شريت زيت تخليقي 10 والفلتر من الوكالة وغيرته عند بنشر شيك عالفلاتر والسير يقول كل شي تمام لا تغير الا اذا خرب
وش رايكم اظل اغير زيت وفلتر هواء وزيت وبقية الامور لو خربت او سمعت صوت او شي غير طبيعي اسويها ؟


up 0 down 0
yousefooo 11
قبل 10 شهر و 2 أسبوع



السيارة جديدة ما شاء الله لا تروح الوكالة

أهم شيء شيك على مستوى ماء الرديتر في القربة الخارجية لو ناقصة ضيف ماء مقطر أو ماء رديتر مخلوط جاهز

غير الزيت والفلتر بشكل دوري

تأكد من فلتر المكيف وفلتر المكينة لو مهترئة ومنتهية غيرها
فلتر المكيف وكالة 60 وفلتر المكينة 30 وكالة وتختلف الأسعار

شيك عالكفرات

إذا السيارة مكينتها 2.0 غير زيت القير ب 4 علب زيت قير هيونداي من وكيل هيونداي ATF SP IV

قد تكون بعض اللمبات محترقة وخصوصا الفرامل سعرها ريالين إلى 3 ريالات ألماني

البواجي وفلتر البنزين برأيي بعد ال 120 ألف كم

إذا تسمع صوت صرير عند ضغط الفرامل غير أقمشة للفرامل

ما أظن باقي غير كذا شيء


up 0 down 0
anosi 1179
قبل 10 شهر و 2 أسبوع