هل يصير شي اذا حطينا زيت دكسيون في زيت الفرامل

مستحيل ماهو غبي لذي الدرجة تلقى العلبة لونها احمر وابيض وانت حسبته دركسيون 

ممنوع تحط زيت دركسيون بالفرامل ينعدم النظام كليا دامك غيرته امريكي خلاص الامور طيبة باذن الله

السؤال كيف أخرج سائل الدركسيون .. هل فقط من علبة الفرامل ؟! 
اذا نعم .. فالطريقة غلط في غلط .. لازم يفضي سائل الدركسيون كامل عن طريق التنسيم من بلوف الكليبرات 
علشان يطلع سائل الفرامل كامل 

@benz lover
ايه فضيته وحطيت زيت ثاني الحمدلله

Nasser1430
ايه هو فك الكفرات كلها ونسم الزيت كامل
وحط زيت جديد ونسمه مرة ثانية وحط زيت جديد
بس دعسة الفرامل صارت اخف بشوي من قبل

شوف طريقته صحيحة في إفراغ نظام الفرامل كاملاً من زيت الدركسيون .. لكن من باب الحرص خله يعبيء علبة كاملة ويدبل 
دعسة الفرامل علشان تنظف تماماً من زيت الدركسيون .

^هذا باب وسوسه موب باب حرص الله يجزاك خير
خلاص الرجال غير الزيت مرتين وطلع كامل الزيت
من النظام مرتين وانت الله يهديك تقوله يعبي علبتين
ويدبل الفرامل!!
الخلاصه ياصاحب الموضوع
الزيت عندك جديد وسيارتك مافيها الا العافيه
والنظام غسلته كامل مرتين مع التنسيم
واذا لو قدر الله تضرر النظام عندك
مايمديك تلحق عليه يعني لو تنظف النظام ٢٠مره
ماراح يفيد لو جاه ضرر
انت حاليا سويت الي عليك وان شاءالله ماجاه شيء
والزين انه اضاف لك زيت الدركسون مع الزيت الموجود قديم
يعني الضرر خفيف المشكله لو غيره كامل بزيت الدركسون
المهم ان شاءالله ماهو جايها شيء

للعلم احذروا من زيت فرامل تقليد للاصلي 21 اشتريته ظنا انه الاصلي دمر علي علبة الفرامل وعلبة الكلتش مما اضطرني لتغييرهما حيث تسبب 21 التقليد في خراب جلد العلبتين!! للعلم الأصلي مكتوب عليه MADE IN USA

يا دحوووووم ٣ سبعات .. اي باب ما ادري نافذة وسوسة اللي تقول .. ترا هاذي فرامل مو اصطب او صدام  تجاري علشان 
نقول وسوسة قهرية .. انا اقول من باب حرص لان الفرامل ما فيها لعب حتى لو فقاعة هواء بسيطة تستحقر وجودها 
فما بالك وجود زيت فرامل قد يسبب خلل في الفرامل  .. ولا سمح الله ممكن تصير حادث لا يحمد عقباه .
الوسوسة في امور اما فضاوه او بعزقت فلوس او لعب او تعديل ماله داعي وآخر شيء يحرص عليه الواحد بدون فايدة .

** فما بالك وجود زيت دركسون قد يسبب خلل ... 

تفريغ الزيت كامل يحتاج صبر و تنسيم طويل كمية الهواء كبيره الله يعينك تنسم وتزود زيت الين تضبط معك الدعسه
خفة الدعسه مالها علاقة بالزيت اللي غلط فيه تكفي مرتين غيرته اعتقد الدايرة نظفت من زيت الدركسون لكن تحتاج تنسم برواقه لكل الكليبرات

يا ناصر
الرجال غير الزيت مرتين يعني دورة الفرامل صارت نظيفه
وانت تقوله غير الزيت على اي اساس تقوله غيره
وهو اساسا غيره مرتين يعني تبيه يغيره مره ثالثه!!
صح الفرامل ماينلعب فيها بس ماتوصل اغير زيتها ٣مرات
وراء بعض عشان اني زودت النقص بزيت دركسون
هذا المقصد من الرد

الان تجي تدق فرامل تلاقي الدركسون يلف

^^ الحين يبيع سيارته تشليح ههههه تراه يمزح ياصاحب الموضوع

عارف يا دحوووم القصد من ردك .. لكن نظام الفرامل هو الجزء الوحيد اللي ما ودك الواحد يتساهل فيه في حال 
الغلط مثل ما سوا الميكانيكي لسيارة صاحب الموضوع .. وحرصي على انه يكرر إضافة علبة ثالثة وتفريغ النظام 
كامل لان سائل الدركسون ما يتحمل درجة غليان مثل سائل الفرامل واذا باقي لو شيء بسيط منه يسبب خلل 
لا يحمد عقباه ( نسأل الله السلامة ) . 
وان شاء الله عدت سلامات .. وما تشوفون شر .