اعطوني رايكم سوناتا من 2006-2010

والله اكيد السوناتا ماعليها كلام قطعها متوفرة الرساوة واصوات الديكور مادري عنها لاني مااستخدمتها لكن كانت منتشرة ايامها والى الان منتشرة ، شوف مادامك تدور في هذي الموديلات دور النظيف لان موديلها قديم

مع زميلي ٢٠٠٩ فل كامل ماشيه اكثر من ٣٥٠ الف
التكييف مهو بذاك الزود اللي متعود على الياباني
لكن كان معه ماركيز ٩٧ قبلها و افضل منه
سبق ان ضبط قيرها اوتوماتك بس مهو بتوظيب كامل
و المكينه خلطت ماء و زيت و هو مسرع و وضبها ب٥ الاف
و ماشيه معه بس هو راعي سرعه و رجله حاره

الافضل قير عادي و لو تشوف التيما قير عادي ٢٠٠٨ الى ٢٠١٠
افضل تحمل و تكييف هذي معي و ماشيه ما احتاجت شي مع ان الممشى اكثر من ٢٨٠ الف

احد اقربائي يمتلك 2006 من وكالتها عن طريق معرض
وماشية معه للحين خرب عليه مكيف على مااذكر وصلحه
سيارة تكد وتجمل
انت احرص عالنظيف بعد فحصها خصوصا كهربا ومكانيكيا
والبودي اذا مرشوش مو مشكلة اهم شي شاصها لايكون مضروب

موديل قديم بتطلب صيانة

كان معي وحده 2009 كوريه مكينه 2000 سي سي روعه بكل ماتعنيه الكلمه مكيف ثلج على رقم واحد تتحمل وصبوره سياره اعتماديه دور النظيف وخذه

سيارة ممتازة وعملية طبعا الأفضل 2009-2010 لأن قيرها 5 نسب. او انك تأخذ ال6 سلندر مكيفها عن تجربة قوي لأن كلها كلتش, الصعب في الموضوع انك تلاقي شيء في عمر لان أكثرها ماشية فوق ال300 الف

قير الخمس نمر نزل على الست V6 سلندر مكينة 3.3

كل من يجي يقول المكيف ي رجال ابرد منه مافيه وثاني شي مافيه شي يدوم يعني تجي بعد مدري كم سنه تقول المكيف ضعف تبريده كل مكيفات الدنيا ف السيارات تضعف بعد مرور وقت من الزمن

ع العموم ي الغالي معي وحده فل اوبشن 2007 ماشيهه 370 الف ماشاء الله وللامانه تكد وتتحمل بس يابسه ومكيفها بارد اذا كان مافيه مشاكل طبعا

وعلى حسب استخدام اللي بتشتري منه

لا قير ال 5 نمر نزل على موديل 2009 و 2010 بس من 2008 وتحت 4 نمر لل 4 سلندر وو 5 لل 6 سلندر

كانت معي 2009 قير تماتيك وعادي 4 نمر وبس مو 5

ي السفير اذا سعودي والفيس لفت حق 2008 ومكينه 2.4 اتحداك بكررت سياره جديده

سيارتي كوريه و2009 و4 تعاشيق وقير عادي وتماتيك 2000 سي سي مانبي تحدي ولاشي الحمد لله نعم الله واجده علي وماجلست عندي سياره اكثر من سنه ونص ياربي لك الحمد