هل الاهلي يعطي قرض شخصي للي عليه سياره؟

كم راتبك؟
وكم قسط السيارة؟

بصراحه انت على وضعك هذا محشور وبتحشر عمرك زيادة ... قسط السيارة مو قادر تسدده في وقته وتبي قرض ثاني بعد تزود الطين بله

الراتب 12 الف 
القسط 1200 

اخوي العامري عندي التزامات هي سبب تأخر تسديدي وكنت اقول نفس 
كلامك لكن وانا اخوك الظروف تحكم. واخذ قرض علشاناخلص هالالتزامات
وقتها يكون التسديد بوقته. اسأل الله ان لايجعلكم بيوم من الايام في 
نفس اللي صاير لي 

اذكر الاهلي قسطت عن طريقه ينزل راتبي عليه
يخصم القسط مباشرة
اللي تسدد يدوي اذا طلعت سيارة عن طريق بنك
غير اللي راتبك عليه
و ما يعطيك قرض شخصي الا بعد تحويل الراتب عليهم

المهم مجموع قسط القرض و قسط السيارة ما يتجاوز مع بعض
مبلغ نص الراتب اللي ينزل بالصرافه
هذي تعليمات مؤسسة النقد

الله يوفقك اخوي ويجزاك كل خير الف شكر لك ولاهنت ودي اقيم ردك لكن مااقدر

الله يسهل عليك جميع امورك
الحمدلله وضع النقاط طيب الله يجزاك خير على نيتك

طيب اذا اخذت قرض بدال ماتدفع قسط سيارة وقسط قرض 
خذ من فلوس القرض اللي تحتاجه والباقي سدد فيه 
الباقي من اقساط السيارة تكيشها ويبقى عليك 
قصد القرض بس بكل الحالتين بتجلس ٥ سنوات تسدد 
القرض والسيارة سنتين تفتك من اقصاد السيارة ويبقى 
القرض لانك بكل الحالتين بتسدد لخمس سنوات 
من غير اقساط السيارة 

اخوي نظام مؤسسة النقد اهم شيء مايتجاوز مجموع اقساطك اكثر من ٣٣% من الراتب
يعني اذا على راتبك ١٢٠٠٠ ريال وقسطك ١٢٠٠ فيمديك تطلع قرض

القرض مايتعدى قسطه من راتبك الشهري 60% فيمديك ان شاء الله والله يعينك على القروض

بيعطونك قسط
الى 3700 و 3800 ريال

يعني بيعطونك حدود 190 الى 205
كاااش

والله يعينك واحسن ماسويت انك طلعت موترك تاجير
ولا كان الان متوهق توهيقه كبيره

نعم يعطوك احسب 12/3 = 4000 ريال
4000-1200=2800 ريال
يعطونك مبلغ ممتاز ماشاء الله يصل حوالي 170 الف ريال

راااعي الموضوع اتمنى منك اذا رحت ترجع تنزل موضوع اخد بالحسبه
هههههههه

ربي يفرجها عليك وعلى كل مسلم

اعرف واحد عليه 2 سيارة إيجار تمليك اعطوه 40

يعطونك قرض وسيارة بشرط الاستقطاع للاثنين ما يتجاوز 45%

اللي قال 33% هذا حد الاستقطاع للقرض الشخصي فقط

واللي قال 60% هذا حد الاستقطاع للقرض العقاري