زيت اسيدلكو للإلنترا؟

إذا إنت من جدة أو منطقة أخرى اي زيت تخليقي تباه سعر الكرتون جوته 12 علبة بي حدود 255-260 من ضمنهم بترومين 30*5

بمحل الجملة كيلو 3

بمحلات الجملة تحصله ارخص كمان وفيه زيوت برضو ممتازة ورخيصة مثل موتركرافت 5w30 ابو غطى ذهبي ب١٨ ريال يمشي ١٠ الاف كيلو

مشكورين على الردود..أنا من سكان الرياض..السؤال الأهم هل زيت اسيدلكو ممتاز أم سيء؟؟

من افضل الزيوت اي سي دلكو
وخلك مع صيانة اي سي ديلكو
بخصوص الضمان

وفالك التوفيق

انا اخذت كرتون اي سي ديلكو 5w30 ديكسوس ب230 تطلع العلبة ب19 بصراحة ممتاز انا استخدمة علة اكسنت لان بترومين خفيف واسمع صوت طقطقة علية

اي ممتاز اي سي ديلكو طالما نفس اللزوجة وخدمة مراكزهم ممتازة

اذا انت من سكان الرياض روح محل الجملة على شارع المدينة تقاطع علي بن ابي طالب
اشتري شل هيلكس 30 دبل 5 كرتون 12 حبة
نصيحتي لك
غير زيت شل هليكس 30 دبل 10 اللي يمشي 5 الف وغيرة افضل لك
سالفة انك تغير زيت على 10 الف ما اقتنعت به

اما ب نسبة لسوالك اسي ديلكو ما قد جربته
ب دام لزوجة 30دبل 5
و خاصية sn
ركبة وجرب

هو حسب دليل المالك مكتوب التغيير كل 10 آلاف للاستعمال العادي و5 آلاف للشاق
حنا بالرياض استعمالنا شاق لأن الشوارع مطبات وزحمات فأتفق معك يا محمد قاسم 1410 حتى لو حطيت تخليقي
لازم أغيره كل 5 آلاف

زيت ممتاز انا استخدمه لجمس 96 و الثاني استخدم له بترومين نفس اللزوجه اسمع فيه طقطقه غيرته للاي سي دلكو و ضبط

اي سي دلكو ديكسوس

ولا اخفي عليك انا كنت استخدم زيت موتر كرفت 30 دبل 5 اشتريةمن قطع غيار ب 17 ريال زيت تخليقي يمشي 10 الف
على سياري النترا و ازيرا
لاحظت انه بعد 5 الف اقوم بفحص زيت اشوفةاسود جدا ف ما ارتحت نفسين
غيرت الى زيت شل هيلكس 30 دبل 10 راعي بنشر يبيعه ب 25 ريال
بس انا اشتري بكرتون في محلات جملة اخذ لي ثلاث كراتين تكفيني سنة كرتون ب كان ب 135 وارتفع سعره الى 150
واغير زيت في بيت
صراحة ممتاز جدا امشي بة 5 الف ولمن ااغيرة اشوف بني غامق
موب زي موتر كرفت اشوفه اسود
عموما
انت جرب اسي ديلكووعطنى نتيجة تجربة
الله يوفقك

ياشباب مافية زيت يمشيك عشرة الاف المسالة انواع الزيوت معدني ونصف تخليقي وتخليقي بالكامل
والشركة المصنعة للزيوت ماكتبت كم يمشيك الزيت والبناشر يكذبون يقولك زيت ابو عشرة وابوخمسة الاف والله جربتها كلها مجرد ماتعدي الخمسة الاف الا وهو اسود محترق وفاقد لزوجتة
والسيارت الجديدة تعمل على الزيت الخفيف التخليقي والنصف تخليقي فنصيحة لاتخلي الزيت يطول فوق خمسةالاف كيلو