محتاج معلومات تفصيليه عن عدسات الهيلا فايف
4
1
إضغط هنا للإخفاء
السلام عليكم
ادري ان كلامي كثير بس يا ليت تقراه كامل عشان تعرف انا وش احتاج بالضبط
تكلمت عن موضوع الزنون قبل فتره وعن ضعف النور وبعد اسئله كثير واستفسارات من اصحاب محلات اتفقو على انه محولات 35 واط مع مانع ذبذبه م راح يسبب اي مشاكل على سيارتي باذن الله
مع العلم شفت له تجارب في النت كنت بالبدايه اشوفه فاشل
الى ان تعمقت بالموضوع واكتشفت اني لو اغير عدسة الوكاله لQ5 او Hella5 وابقى على النور الاصفر بيكون احسن من زنون 55 واط بعدسة الوكاله وشفت نتايج ال35 واط على ذي العدسات صراحه نتايج جباره(:!
عموما اجزمت اني اغير العدسات عندي بالبيت بحكم ان اسعار المحلات رخيصه (+1500بدون محولات زنون)
وبدت رحلة البحث عن معلومات واكتشفت ان العدسه المناسبه لسيارتي هي الهيلا فايف
الى الآن الي عرفته ان موضوع تبديل العدسات عباره عن فك وتركيب ولا فيه اسهل منه
والشي الوحيد الي يعيق الشغله هو فك القزازه وامرها من ابسط ما يكون وتركيبها برضو سهل
بس فيه مشكله الشمعات الي تركيب على عدسات الهيلا فايف هي d1s d2s الخ...
يعني لو اشتري شمعات H7 م راح تركب على قواعد العدسه فسؤالي هنا محولات ال d2s الخ.. افياشها نفس ال H7 تركب على نفس افياش الوكاله ولا تحتاج ظفيره خاصه
وثاني شي حسب الي فهمته من حقين المحلات ان شمعة الd2s خط واحد بس الكت اوف حق العدسه يخليها زي الشمعه الي تجي بخطين
ومشكلتي هنا الى الآن اني ما اعرف كيف اشبك سلك الكت اوف الي يطلع من العدسه (: وكل شروحات اليوتيوب لتركيب العدسه في الشمعه
واخر سؤال عدسة الهيلا فايف 3 انش تركب على قواعد الازيرا ولا تحتاج تعديل ؟
إبلاغ
سيارات للبيع
الردود
تحتاج اولا فك الشمعات وقص عدسات الوكاله ثم تركيب عدسات Q5 (( وابعد عن عدسات هيلا فايف لان حجمها كبير ولاتركب اصلا وراح تعرف كلامي وقتها اذا تورطت وفكيت الشمعه )) طبعا عدسات Q5 طلبتها من الموقع وتجي نوعين مطور وعادي واحرص على اللي تجيك من مصنع AES تراها افضل من NHK وسعرها 300 وتركيبها بنفس السعر
نجي لموضوع الشمعات او اللمبات حسب نوع موترك اذا هو نص فل شمعات H7 هنا تحتاج لمبات خاصه تسمها D2H (( وليست d2s ولاحتى d2r انتبه )) وهي اساسا d2s معدله ومفكوكه شفرتها ومضاف عليها اسلاك بحيث انها تقبل التشغيل على المحولات الصينيه بدون اي مشاكل سعرها من 120 - 150 واحرص على شمعات ياكي هي الافضل بذي الفئة خصوصا لا صارت 5500 كلفن هنا اقولك معك زينون محترم واترك اللي يقولك 4300 افضل وهو ماجرب هالنوع ذا وعرف الفرق
اخر شي موضوع المحولات .. والله لو ركبت 35 او 75 بيطفي الليد الدائري اللي حوالين العدسه يعني بيطفي الا بشرط واحد اذا كانت البطاريه قويه ؟؟؟ اما بتركب اخس مافي السوق زي هانكوك او اي سي ديلكو لاتستغرب ان المحول مايجلس 6 شهور الا وهو محروق او الليد يطفي باستمرار ويطفش اهلك حتى لو حطيت 10 موانع ذبذبه و 4 كتاوت مب وحده ؟؟؟ قبل ماتسوي اي شي تأكد انك مركب بطاريه CCA فيها يعادل 620 فما فوق ثم ركب الزينون .. انصحك بمحولات الاوزوم 55 واط هي اكثر من مناسبه وتجي معها كتاوت ومانع ذبذبه مدمج مع المحولات ولاتخاف منها حتى لو كانت 55 واط تراها امنه على الموتر لكن لاتنسى كلامي عن البطاريه
2
0
والهيلا ٥ ممتازه جدا. و بالنسبة للمباتها اذا بتركب محولات صينيه ٣٥ واط
يكون لمباتها d2h. و يجي معاها وصلات لو اختلف فيش الوكاله و ماتركب في المحل تركب الوصله و خلاص
وبالنسبة للعالي تبع العدسات تجي سلكين تشبكهم مع السلكين تبع العالي حق الوكاله
اما فكرة انك تركبه بنفسك ف ما انصحك بحكم اني ابيع عدسات و افهم في الشغلات ذي
تواصل معي و ابشر بارخص و افضل القطع و افضل و ارخص مكان للتركيب و شغل نظيف ومضمون ٠٥٧١٠٥٣٠٩٨
0
1
0
1
الهيلا 5 اذا ماعندك نور عالي اصفر تركبه لانه متميز بالعالي
0
0
تجمع بين ميزتين... فرش الq5 بالقصير وقوه العالي انا اقولك ماتحتاج العالي اغلب الوقت لان القصير ماشاء الله تبارك الله فارش ١٨٠ درجه..
طبعا يبغالها ترهيم شوي عشان تركبها لان قاعدتها كبيره شوي
ركبتها عند محل متخصص اعرفه اول شي قال ماتركب وعيا يركبها وبعد مناوشات واخذ وعطى ركبها ماقصر لاكن اخذت منه ٧ ساعات شغل ..
انصحك بالهيلا ٥ بكل امانه اذا تبي نور عليه العلم لاكن ماتاذي خلق الله بالخط..
0
0
0
0
بس فيه كلمه لابو هيثم البطاريه عندي بطارية الوكاله وانت قد تكلمت عن البطاريه بموضوع على الزينون وقلت لي نفس الكلام وان مشاكل الرمش واحتراق الليد من البطاريه
في حالة حبيت اغيرها يروح الضمان على البطاريه نفسها ولا على كهربة السياره كامل؟
1
1
لاكن بكل الاحوال اذا كانت البطاريه فيها اقل من نص عمرها راح تواجهه مشاكل ..
اذا تبي تقطع الشك رح لاقرب محل بطاريات وخله يفحص البطاريه راح يعلمك اذا ممتازه او منتهيه
0
0
وفي حال غيرتها وش الي يطلع برا الضمان
0
0
خذلك بطاريه اكسايد من وكيلها بيرلي للاطارات وتجي نوعين اماراتي لونها ابيض ذي ماتنفع بريال .. النوع الثاني تجيك كحلي واسود هذي تركيه وامريكيه ممتازة جدا و اهم شي ان CCA فيها عالي ويوصل 680
اذا مافهمت بعض الرموز هذا موضوعي شرحت فيه كل شي https://montada.haraj.com.sa/76653/مهم-جدا-..-قبل-ماتشتري-بطارية-تعال-شيك-على-الموضوع-/
0
0
0
0
ثانيا اشتريت كيو 5 ركبتها بنفسي وطبقت الشمعات وركبتها بالسيارة
ثالثا رحت على كهربائي وشبك عالي العدسة مع عالي الشمعة الاساسية بالسيارة
ومرتاح الحمدلله على الطريق
الكيو 5 جات معها قواعد منها قلويز ربط ومنها كلبس انا ركبت قلويز اللي تناسبك ركبها انت قبل لاتحط الشمعه بالسيارة
d2s وغيرها صراحة ماافهمها لكن محولين صينيه كانت عندي
واشتريت شمعات 4300 كلفن وركبتها واشتغلت تمام
بخصوص مقاس العدسات عالشمعه شوف اليوتيوب مساحة فتحة العدسة كم قطرها وغالبا تكون 3 انش بالسيارات الجديدة
لكن تاكد كم قطرها واشتري العدسات بنفس مساحة قطرها اتمنى افدتك
قبل 6 سنه و 11 شهر