أضف سؤال أو موضوع جديد          

وش أفضل كفرات للازيرا

up 2 down 2
ابو نورة 75
قبل 4 شهر



السلام عليكم 
 بغير إن شاء الله كفرات للازيرا مقاس الجنط ١٩ ،،
رايكم افضل كفرات صيني والا تيلنديه او كوري .. او....

            وشكر لكم مقدماً 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الان عروض آخر السنة ركب برجستون ٣ كفرات والرابع مجانا
وشوف بقية الشركات يمكن عندهم عروض زي يوكوهاما و تويو
افضل من الصيني والتايلندي


up 1 down 2



شوف ي غالي موتري نفس موترك ونفس المقاس ولا اعتقد احد يفيدك اكثر مني بالموضوع لاني مجرب وعارف

اول حاجه لازم تزيد الارتفاع من 40 الى 45 والسبب ان اغلب الكفرات بذا المقاس سيييئه جدا ونسبه التحمل فيها من 94 الى 98 واحتمال يحبل مع اللي سواقته قشراء والطرق اللي يمشي معها محفرة

نجي للجانب المهم ارتفاع 45 تتوفر فيه نسبه تحمل اعلى وهي 102 وهذا لايمكن يحبل نهائي حتى لو تطلع فيه جبال والميزه الاهم نسبه الازعاج فيه من 70 الى 72 وهي اكثر من مناسبه

اما الانواع جربت هانكوك المخيس (( مقاس الوكاله ارتفاع 40 )) وجربت نانكينق التايواني ارتفاعين مختلفين .. وجربت ماكسيس سواء تايلندي او تايواني ونيكسن الكوري (( النيكسن دعستين الاولى فاشله بكل المقاييس واسمها N8000 والثانيه اسمها نافيرا SU1 وتجي تحت اسم ثاني اسمه ريدستون كوري برضه

بالاخير رسيت على ماكسيس 245/45/19/102W سعر الكفر الواحد 300 ريال واسم الدعسه PRO وهي الوحيدة اللي عليها ضمان سنتين بذا الشركه .. لاحظ ان السرعه W تتحمل حتى 270 وليست Y اللي تتحمل حتى 300 ويسمونها السرعه المفتوحه (( عن تجربه لاتركب للازيرا كفر سرعته Y اذا كان جنطك 19 لانه بيكسر الموتر )) اما لو كان جنطك 18 بقولك ركب ولاتشاور

اذا مافهمت بعض الامور عن نسبه الازعاج ونسبه التحمل اضغط على اسمي تحصل اول موضوع شرحت كل شي بالتفصييييل .. وان شاء الله يفيدك



up 3 down 0
ابو هيثم 7 1903
قبل 4 شهر



الله يبيض واجيهكم جميعاً ،، وبالاخص أبو هيثم ،، 

 وعلى فكرة ياأبو هيثم مركب حالياً دنلوب والتحمل ٩٨ والمقاس ٤٥
 وماشي معي تمام بس غالي ،، ودي بمقاس ٤٠

يعني رايك اركب ماكسيس مقاس ٤٥
طيب تعرف وكيله 

   
                الجميع ليك



up 0 down 0
ابو نورة 75
قبل 4 شهر



 والبعض يمدح جينو الصيني وش رايك


up 0 down 0
ابو نورة 75
قبل 4 شهر



جينيو ينطبق عليه الكلام اللي فوق (( لاتركب كفر سرعته Y لجنط مقاسه 19 ))

اما دانلوب للاسف 99% من اللي بالسوق اماراتي معاد تصنيعه بجبل علي ؟؟؟ للعلم كانت مشكله انفجار وانسلاخ كفرات الجنسس موديل 2015 الشكل الجديد الدفعه الاولى منه

طبعا كانت بسبب احد الوكلاء الثلاث مركب هالكفرات بميناء دبي قبل ماتدخل السعوديه مع ان اللي عليها من المصنع كانت هانكوك لكن المقاس غير متوفر عند وكيله ابن شيهون بالسعوديه .. هنا اجبرته هيئه المواصفات والمقاييس انه يغيرها ومنعته من دخول الجمرك بسبب هالمشكله .. جاك وركب كفرات دانلوب وطبعا زي منت عارف تجي عرضين ومقاسين مختلفين لانها دفع خلفي

بعد مادخلت السعوديه وحصلت مشاكل الانفجار المفاجئ للكفرات الخلفيه رفض يستقبل مشاكلها بحجة ان ضمان الجنسيس الذهبي شامل كل شي الا الكفرات ؟ وحول المشكله للوكيل ابن زقر (( وكيل دانلوب )) قال مالي دخل هذي الكفرات اماراتيه وانا استورد من اليابان مباشره ارجعو لوكيلها الاماراتي .. كبرت السالفه ووصلت وزاره التجاره وكثرت الشكاوي وانجبر وكيل هونداي انه يتواصل مع وكيل الكفرات الامارتيه قال برضه مالي دخل ضماني داخل حدود دوله الامارات فقطططط

وانتهت المشكله باستبدال الكفرات بنوع ثاني مدري هو كومهو او نيكسن المهم انهم جابوه بالجنسس بالدفعه الثانيه لموديلات 2015 .. دام ان وكيل هونداي (( وهو وكيل )) انضحك عليه بذا الكفرات فما بالك بعامه الشعب ؟؟؟ علشان كذا ارجع اقولك ناوي على دانلوب سواء لموترك او غيره رح خذه من وكيله ابن زقر مباشره .. غير كذا لاتورط عمرك مع اللي بالبناشر كل ابوه اماراتي



up 1 down 0
ابو هيثم 7 1903
قبل 4 شهر



وكيل ماكسيس اسمه ((خالد سعيد الهاجري)) اكتب اسمه بقوقل ماب وبعده اسم ديرتك

اذا اضطريت تاخذه من البناشر علمهم قبل ماتركبه ان ضمانه سنتين تراهم داجين هاجين مايدورن ان هالدعسه غير عن باقي الدعسات بماكسيس

واساسا لو يكتب بالفاتوره ضمان 10 سنوات ماله شغل الضمان ضمان وكيل مب ضمان محل واصلا تراجع الوكيل مستقبلا لو حصلت اي مشكله .. بس بعضهم عبيط ولا يفهم


up 0 down 0
ابو هيثم 7 1903
قبل 4 شهر



الهانكوك عندي مركبه بسيارتين قاسي حيل


up 0 down 0
سلطان 907 -5
قبل 3 شهر و 2 أسبوع



السلام عليكم ورحمة الله 


جزاك الله خير ابو هيثم كفيت وفيت
الله يجعلها في موازين حسناتك


بدال ما يجلس الوحد يجرب فيه هالكفرات على موتره وينكسر من قساوتها


up 0 down 0
awoooolf_z 100
قبل 2 شهر و 2 أسبوع



وش رايك بميشيلان
لان ما حصلت ماكسيس


up 0 down 0
awoooolf_z 100
قبل 2 شهر و 2 أسبوع



او كفرات قود يير


up 0 down 0
awoooolf_z 100
قبل 2 شهر و 2 أسبوع