أضف سؤال أو موضوع جديد          

سيارتك جديده؟ عالبركه لكن ضمانك تم الغاءه

up 13 down 3
abo9aly7 440
قبل 9 شهر و 4 أسبوع



السلام عليكم ورحمة الله وبركاته..

كتبت موضوع طويل وممتع ولكن خلل في الانترنت انحذف وماقدرت استرجع الكلام
عاد الحين بعطيكم الزبده..

كلامي هذا عن وكيل هيونداي الوعلان.. وكيف جالس يلغي ضمان العملاء. عن طريق استغلاله لثغره لا يعرفها الكثير

كلنا نعرف المانشت هذا:
الوزارة تؤكد عدم حق وكالات السيارات إلزام المستهلكين بالصيانة لديها!!

فرحنا للخبر هذا وانه انتهى زمن الزام الوكيل للمستهلكين عمل الصيانة ذو الاسعار الفلكيه عنده
ولكن كل مارحت للوكاله اسمع الموظف حق الاستقبال يقول لكل واحد عنده مشكله في سيارته ضمانك ملغي ضمانك ملغي

طيب ليه؟وش السبب؟

اكثر الناس يعتقدون ان صيانة عباره عن زيت وسيفون فقط.. اروح لأقرب مركز زيوت مثل (بترومين الحرامي) بيمشي ضماني ووزارة التجارة معي
ثم ننصدم في الوكاله ان الضمان انتهى والسبب ((ان تغيير زيت وسيفون خارج او داخل الوكاله لايعتبر صيانه)) ووزارة التجاره بعد توفيق الربيعه صارت ضعيفه!

ماهي الصيانه اجل؟
الصيانه هي فحص شامل للسيارة بالاضافه الى فحص الكمبيوتر وتغيير جميع القطع المطلوبه منك في جدول الصيانة..

عاد اذا حصلت ورشه تسوي هالاشياء وتطبع لك فاتوره كمبيوتر مكتوب فيها مثلاً( تم عمل صيانة 30 الف وتم فحص السياره كامل بالاضافه الى فحص كمبيوتر وتم تغيير القطع الفلانيه بالاضافه الى الزيت والسيفون).. هنا ضمانك باذن الله ساري..

شي محزن تشوف عملاء سياراتهم 2017 و2018 ضمانهم يلغى بسبب تحايل الوكيل على النظام وعدم توضيح آلية الصيانة خارج الوكاله..

فنصيحتي لك هي.. اذا انت مقتدر تدفع مبلغ وقدره للوكاله كل ممشى 10 الآف.. التزم بصيانتك في الوكاله وريح بالك

اما اذا تبي توفر وبنفس الوقت ماتبي تخسر ضمانك.. سوي اول صيانه في الوكاله عشان فتح الملف.. ثم خذ منهم الجدول المخصص للسيارتك وسوي الصيانه خارج الوكاله بس امشي على الجدول واحتفظ بالفواتير

اما اذا انت ماتبي الضمان وتحس انه مضيعه للوقت والمال فهذا شي راجع لك..

حبيت انبهكم.. وهذا وصلى الله وسلم على نبينا محمد وعلى آله وصحبه أجمعين..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كلام ممتاز جدا لا غبار عليه 


up 3 down 1
benz lover -74
قبل 9 شهر و 4 أسبوع



الان بعد صيانة الاف يفتحلك ملف صيانه صحيح؟




up 1 down 1
الوافي الساخر 587
قبل 9 شهر و 4 أسبوع



والله اللي يحصل في البلد غير مقبول
كل الأنظمة واللوائح والتشريعات توضع لحماية التاجر أما المستهلك فله الله
أقرب مثال وثيقة التأمين اقرأها وتحس إنك مجرم بدون جريمة
حتى جمعية حماية المستهلك عند تقديم شكوى لديهم يحاولون إيجاد ثغرة أو منفذ لحماية التاجر أو الوكيل



up 7 down 1
فورد530 1289
قبل 9 شهر و 3 أسبوع



طيب وتويوتا
وش وضعهم
توي شاري موتر جديد



up 2 down 2
meshal alharbi 179
قبل 9 شهر و 3 أسبوع



الضمان أكبر ضحكة ومهزلة أكلها الناس

حرام وإهانة أدفع للوكيل مبالغ طائلة علشان الضمان

تخيل تغير السير على 30 الف وتغير المساحات على 40 الف وتغير فحمات وهوبات وهي جديدة تلمع مثل اللي بكرتونها وتسوي تربيط وفحص كمبيوتر والسيارة جديدة وكل صيانة مابين 400 الى 1000 ريال وبالاخير يقولك اشتريت جديد علشان افتك من الورش

ترى الفلوس ماتجي الا بتعب وجهد ماهي بهالسهولة تدفعها بدون حق للوكيل او بترومين وبترومين بعد اسعارهم خرافية تقريبا 3 اضعاف اسعار البناشر فما بالك اذا اشتريت الزيت من موزعين الجملة!!!!! 


up 8 down 2
دكتوراه في الحب 165
قبل 9 شهر و 3 أسبوع



هو بعد ماراح اللي كان خازمهم. رجع التلاعب رحمة الله عليه.   حتى الاحوال المدنيه رحت باخذ برنت. قالوا عن طريق ابشر. وضروري البرنت
عشان عندي اخ من اب.  وبينقل فقالوا.  عشان تثبت انك وحيد امك لازم اخوانك يطبعون برنت.   
اشوفه ينافخ على شايب. الرجل مهوب صاحي ولاهو كفو المنصب.   طبعا انا محتاجه والا كان والله ما اسكت
نرجع لموضوعنا.      الصيانه. تلغى عند معظم الشركات اذا صلحت اي شي كهربيا او مكيانيكيا
خارج الوكاله  حتى لو تركب شاشه.    اما الزيت فهم معترفين ببترومين  وما اطقع من المربوط الا المنفلت لكن بترومين ع الاقل انت تشوف سيارتك
وتعرف وش يسوون فيها واقل سعرهم حبتين.      مسألة انك اذا وديتها يغيرون الزيت يسوون صيانه شامله
والله انهم يعقبون ويخسسون من الزحمه يغير ويوذيها يغسلونها وتاخذها
كنت اعرف ميكانيكي في تويوتا قال من الزحمه غير وسفط.  مافيه وقت اذا فيه خلل يصلحونه اذا بلغتهم انت
لكن للامانه.    انا قبل كم يوم وديت الكرلا. ماشية ١٠ غيروا زيت ابو ١٠٠٠٠. وقالوا شدينا لك الجلنط
فممكن وهو يسفط.  حس ان الجلنط خفيف.   
عموما.  يبي لهم من يدق خشومهم.   والله اني قد شريت سيارات.  اصفار وحده كرلا ٢٠٠٧
يوم جيت ابيع قالوا بابها مرشوش.   رشه خفيفه لكر.      طيب ليه مابلغتوني ياعيال ال شسمه. هو هو
عندما شريت كورلاي الحاليه قلت اكتب ضمان ٢٤ ساعه على خلوها من الرش وانا بفحص واشوف
قال لا دا كان زمان.   هلحين خلاص.  قلت يعني تعترفون انكم زمان ضحكتوا على العالم
ياخي عب لطيف جميل. عنده مليارات جعله للفلس.      ليش مايخصم ٢٠٠٠ ويبلغ المشتري ان فيها لكر
من سبب خدش.   ليش التحايل والنصب. تبعني سياره على انها سليمه انها مرشوشه
والجميح وغيرهم.    وش هالغش.     الان بيرجعون لما كانوا عليه.   ماحولهم احد 


up 5 down 2
عبدالله الشفيعي 1427
قبل 9 شهر و 3 أسبوع



اي سيارة جديدة ماتحتاج للوكيل اذا سالمة من خلل الصناعة الى 100 الف بعدها تغير الاستهلاكيات لايلعبون عليكم


up 3 down 0
بريق الرياض 260
قبل 9 شهر و 3 أسبوع



ي كثر سواليف يا ابو شفيعي
تسب الو جميل وانت بيدينك ورجلينك
شاري منه كورولا قنتين٢٠٠٧وراشين بابها ساقوها عليك
اللحين مطلع منهم٢٠١٦ مدري١٧ هههههههه


up 5 down 5
d7ooom777 426
قبل 9 شهر و 3 أسبوع



ابو جميل
قنتين =ثنتين


up 0 down 4
d7ooom777 426
قبل 9 شهر و 3 أسبوع



ضمان وما ادراك ما ضمان
ي عمي وكالة حرامية يلهفون لهف
اني اغير عند اقرب بنشري والله ضامن االله


up 1 down 0
محمد قاسم 1410 -34
قبل 9 شهر و 3 أسبوع



مثل ماقال اخوي برييق الرياض..
السيارة اذا خالية من الأخطاء التصنيعية توكل على الله وسو الصيانات من تغيير زيوت وفحمات ومساحات...الخ الامور الاستهلاكية في اي ورشة أو بنشر توفر كثير كثير من الفلوس وترتاح نفسيا
لأنك تشوف سيارتك قدامك وهم يسون لها الصيانة المطلوبة وتختصر كثير من الوقت والجهد


up 0 down 0
caprice-ss 179
قبل 9 شهر و 3 أسبوع



مسوين زحمه والشارع فاضي

مشتري سياره ب 120 الف على اساس افتك من الورش وكل 5 الاف وانا محضر في الوكاله ومبالغ

انا ولله الحمد مشتري كامري 2005 مخبطه وضبت مكينتها على يدي اصلي شريتها ماشيه 425 الف

الحين ماشيه 480 الف ماطبيت ورشه ولله الحمد غير فحمات ومروحه على مدى سنتين

الغبنه انك تشتري مواتر جديده بمبلغ وقدره مكيفها في عز الحر صحراوي ويوقف جنبك موتر ب عشره الاف مكيفه ثلج ومبسوط
مااراح اذكر الانواع عشان الديسلايك
على العموم اذا ماعندك قدره على الجديد وصيانه الوكاله والاقساط والفوائد اشتر راسك وخذ موتر نظيف مستخدم وكان الله بالسر عليما




up 4 down 1
العداد الرقمي 75
قبل 9 شهر و 3 أسبوع



قد يختلف معي الكثير فيما ساقوله والقليل قد يؤيد ذلك 
نحن مفهموم الصيانة لدينا مقتصر على الزيوت والفلاتر وعندنا مقوله شائعه (الجديدة تخدمك عشر سنوات ماتطلبك غير زيت ومويه) وهذا واضح من كثرة البناشر ومراكز تغيير الزيوت التي اصبحت تنافس الصيدليات وحتى تغييرنا لزيت المحرك فهو غير الموصى من الشركة بالعادة والكثير يغير الزيت على خمس الاف والبعض على ٣ الاف وهدر على الفاضي والكلام يطول حول تغيير زيوت المحرك والجيربوكس
لذلك الناس تبتعد عن السيارات الالمانية لان صيانتها ملزمه وتظهر احيانا على شاشة معلومات السيارة وتحذيرات لا تنتهي 
اما الياباني والكوري فالعطل احيانا يكون موجود ولا كان لا يظهر على شاشة معلومات السيارة 
في نهاية الامر 
السيارات الجديدة من الافضل ان تكون صيانتها مستمرة لدى الشركة فالمراكز الخارجية نادر ما نجد الكفاءة ولو وجد يكون مكلف وقريب من اسعار وكالات السيارات ولو ترك الامر للمالك قد يتهاون في تغيير بعض القطع حسب جدول الصيانة 


up 0 down 1
سيمافرو 49
قبل 9 شهر و 3 أسبوع



لو حسبت قيمة تغير الزيت والسيفون الى80 الف بتكلفك اذا الزيت العلبه با 30 و السيفون و وتاخذ 5علب (لسيارات تويوتا )
والسيفون با 50 ريال مابتكلفك 2000 اما لو صيانتها بالوكاله اقل تقدير با 4500وزياده كمان اوفر 2500 واحطها ميزانيه للاعطال افضل بلا ضمان بلاخرابيط



up 0 down 1
الطبيقي 198
قبل 9 شهر و 3 أسبوع



الرد هذا لدحوم.  اللي مبلشنا.      وينطبق عليه المقوله. // نحن شعب لايقرأ وان قرأنا لانفهم //
شركة تويوتا.   لامجال لإنكار جودتها هذا اولا.  اعتراضي وإعتراض الكثير على الوكيل
ثانيا انا محصل عرض حلو.  ولارحت للصيانه الا لأنها مجانا الي ٥٠ الف
انا ماشريتها كشخه شريت بسوق واوفر بنزين
لو بكشخ النترا.  حساسات ورى وقدام وووو.   لكن  خفت من المكيف  كثير يسبونه
الكوريلا المرشوش بابها.   الاف. مؤلفه من الجميح ومن تويوتا حصل لهم ماحصلي
اخيرا.  المنتدى هادي له فتره.   وانت لك فتره تتليقف ولاتفهم.    وتدور مشاكل
اترك اللقافه. وافهم مانكتبه.  لانك لاحظت في كم رد.  الفهم والاستيعاب عندك صفر


up 3 down 3
عبدالله الشفيعي 1427
قبل 9 شهر و 3 أسبوع



هههههههه
ابو شفيعي مريض انت
كيف شعب لايقرأ
وانت ماكاتب بردك ان عندك عرض صيانه...الخ


up 0 down 1
d7ooom777 426
قبل 9 شهر و 3 أسبوع



ماكاتب. آي.  لاتخرب موضوع الرجل.  بعدم فهمك بقعد اشرح لك سنه
انت تقول. انت شاري سيارتين وانت تسبه.    ياخي شاري تويوتا.    
وبعد ٤ سيارات شاري.  وحده مع اخوي هلحين.   بس ماعمونا وديناها للوكيل الخايس
اشتر تويوتا وانسى.        اعتراضي انك ماتفرق بين الوكيل وبين شركة تويوتا
انا شريت منتجات تويوتا.        خلصنا.      نسحب على ابو جميل.  الا اذا زي حالتي مجانا
شي بلاش ربحه بين.   فهمت.  والا وش اسوي بك 


up 0 down 0
عبدالله الشفيعي 1427
قبل 9 شهر و 3 أسبوع



السيارة على فحص الخمس الاف الاولى بعدها اسحب عليهم


up 0 down 0
ابومزعل 338
قبل 9 شهر و 3 أسبوع



كلامك صحيح
لاكن وين بحصل مركز يعمل لي صيانة دورية حسب النقاط المذكورة في كتيب المالك مع طباعتها بلفاتورة لاثباتها للوكالة

ما اتوقع بتحصل


up 0 down 0
tlvsss 17
قبل 9 شهر و أسبوع