أضف سؤال أو موضوع جديد          

مشكله بقير الجنسس 2014

up 3 down 0
تركي09001 9
قبل 6 شهر و 3 أسبوع



السلام عليكم 

ما ادري من وين ابدا ووين انتهي ..

المهم الموضوع الاول قير السياره عندي كنت امشي بسرعه تقريبًا 120 وطق طقه قويه وصار وعلق ب النمره الخامسه ، طفيت شغبت ما نفع
صار لما احطه ب دي ،، ع النمره الخامسه ولما اغير من نمره ل نمره طقه قويه بالقير 
مع العلم لقيت ثلاث مواضيع نفس سالفتي بالموقع هنا ولها فتره الموضوع ولما زين سيارته ما كتب وش الخلل منه عشان الناس تستفيد ..


الموضوع الثاني ( اشتغلت لمبه المكينه ولمبه esp و abs والجلنط ) طبعًا معلقه و الانبيرات طايحه كني فاصل العداد و قلب المكيف حار ..
المهم السياره شاريها وكاله و كاش و دفعت دبل سعرها من ناحيه الصيانه اكلتني اكل حتى الورش اذا رحت لها صاروا يخافون منها محد يصلحها ..


افيدوني موقعي الرياض ..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


4 شهور اتمشى ع الموتر ب النمره الخامسه حاليًا وخلال هالاربع شهور ما لقيت حل مع العلم كل يوم ب ورشه يعني مو اهمال لكن ما حصلت اي حل ..


up 1 down 1
تركي09001 9
قبل 6 شهر و 3 أسبوع



أنظمة ABS+ESP+BRAKE اعتقد هذه يبغالها فحص كمبيوتر وبرمجة لان كل نظام يعمل لوحده لكن كلهم مشتركين في الفرامل. ايش ما توديها الضمان هو 5 سنين مفتوح؟ اما القير اكشف عليه في اكثر من مكان وافحص الزيت يمكن ناقص ولا انتهت صلاحيته! وشوف منتديات و ورش دودج هي نفس القيور مشتركة


up 1 down 0
dell2012 688
قبل 6 شهر و 3 أسبوع



شريحة قير ١٠٠٪‏  مشكلة لما هونداي تتفلسف وتركب قير ٨ سرعات من شركات ثانية 

قير ٨ سرعات باي سيارة سواء بي ام او لكزس او دودج ابو كلب عن تجربة حساس جدا


up 5 down 2
benz lover -65
قبل 6 شهر و 3 أسبوع



صارت معي لكن ب اكسنت 2017 طق طقه قويه بعدها علق على الرابع السياره تقوم ع الرابع وتمشي ع الرابع ماتبدل
ونفس سالفتك فصلت بطاريه شبكت سويت كل شي مافاد
وديتها الوكاله وهي ماشيه فوق 60 الف وماقد سويت صيانه بالوكاله وبالمهاوشات والشكاوي قبلوها والمشكله
كانت حساسين خربانه بمخ القير او البدي فالف وغيرو القير كامل على حسابهم مالك الا الوكاله ع الضمان
واذا هي خارج الضمان افحص كمبيوتر وبتعرف مشكلتك


up 5 down 0
qqq1 59
قبل 6 شهر و 3 أسبوع



دفعت دبل قيمتها صيانه ؟

هي عليها صيانه 5 سنوات اجباري من الشركة الام في كوريا

اجباري يعني اجباري مافيها فلسفه ولا هي كرم من الوكيل


up 2 down 1
7amood1930 287
قبل 6 شهر و 3 أسبوع



الكهرباء فيها لخبطة عندك 

وديها فرع مخرج ١٨ و قولها طلعت فجاء و ادخل ع المدير اسمه اسامة و ارفع صوتك و غصب عنه يدخلها 

حتى لو ماشية اكثر من ١٠٠ الف او ما دخلت السيارة عندهم سويت صيانات 

جرب مو خسران شي و يمكن تزبط

لان موديل ٢٠١٥ الدفعه الاولى فيها عيب مصنعي ب نظام الفرامل و الاوتو هولد و الاي بي اس و سوا لها استدعاء


up 0 down 0
saif48 55
قبل 6 شهر و 3 أسبوع



السلام عليكم
عزيزي انا معاي نفس الموديل مكينه 3.8 من الناغي
الى الآن ماشيه قريب 140 الف 
السؤال : ليش ماوديتها الوكاله لأن عندك ضمان 5 سنين مفتوح الكيلو!!

انا عن نفسي بعد الصيانات المجانيه كملت معاهم بحسابي واي مشكله تواجهني ما ادفع فيها ريال
هم بنفسهم غيرولي جلد مقصات اماميه اظن وكاميرات كامله عشان الاماميه بس اتعطلت 
عن نفسي اذا انتهيت من ضمانهم ببيع السياره واشتري الجديده ان شاء الله لأنه شي مريح جداً جداً

راجع الوكاله عزيزي وجرب وربنا يسهل امرك


up 0 down 0
المدينه 300 768
قبل 6 شهر و 3 أسبوع



فيه كمية مبالغة في الكلام مهيب طبيعية

واضح انك كاره الموتر او تحسفت انك شريته لكن لا تبالغ في الكلام



يعني وش اللي دفعت دبل قيمتها في الورش


سؤال اولاً كم ماشي الموتر ؟ ماعندك صيانة الى 100 الف مجانية ؟ اذا ماعندك صيانة تلقاك ماخذها وارد الاردن ولا مدري وينهي جايه معه عاد هذي مشكلتك


ماعندك ضمان خمس سنوات ليش من ورشة لورشة والوكالة فاتحه بابها ؟


وبديهياً لمبات مولعة وطبلون متسدح وتمشي بالخامس ولك اربع شهور حتى لو ماخليت ورشة بالرياض مارحت لها ما يعطيك الحق تمشي بها اربع شهور ثمن تضر شي ثاني غير القير او ينهبل الموتر بكبره وتجي تشتكي منه بعدين مافيها خير


قد يكون الخراب بسيط ومايكلف شي وبسبب ممشاك هالاربع شهور تعدم شي اكبر يكلف الالف مؤلفة



عموماً الوكالة فاتحه بابها لا ورشة ولا غيرها يفحصونه ويقولك يبي لها كذا وكذا وفي الغالب بيصلحونها على الضمان اذا هي مشكلة من المصنع اما كانك محثبر في الموتر وعافس عاد تحملها انت


up 1 down 0
a.ibrahem 3054
قبل 6 شهر و 2 أسبوع