الصيانة الشاملة وجشع الوكالات

كل الوكالات حراميه وايش يضمن لك أنهم بيعملوا الصيانه كويس
انا من يوم استلمت سيارتي والصيانة علي يدي في البناشر والقطع تشتريها اصليه تلاقي التكلفه الربع بالضبط واللي يقول ضمان اقوله السيارات بعد المئه الف ك أو خمس سنوات اللي هيا فترة الضمان بتفتح باب الصيانات باستمرار وحسب استخدامك يعني من الاخر الصيانه في الوكاله عشان الضمان نصب وسرقة من جيب العميل

اول ماشريت سيارتي حسبت التكلفه حقت جميع الصيانات

الي باللوحه الي بالوكاله من الصفر الى 100الف كيلو

التكلفه 9او10الف ناسي كم

عشان وشو عشان ضمان

الخلاصه اصينها برا برخص تراب

ويطلعونها برا الضمان بالطقاق هم وضمانهم

وذا خرب شيء اصلحه على حسابي

وانا متاكد الي ابدفعه على عيب مصنعي
بالكثير الف الى 3االاف
يعني ربع قيمة ال10الاف

وانا متاكد مافي شيء بيخرب قبل ال100الف كم
اذا سلمنا من عيوب التصنيع


اما القطع الاستهلاكيه بتغيرها من حسابك

لان الضمان مايشملها بالغالب بعدال30 اوال50الف

كل وكاله ولها قوانينها

اقصد بعد ال30او ال50الضمان فقط قير مكينه
ماتشمل القطع الاستهلاكيه
ومن باب الاحتياط صينها الى ال20الف كم
بعدها لاتشوفهم ولا يشفونك
واهم نقطه سيارتك تكون من السيارات الي مافيها عيوب مصنعيه كثير
لان في بعض السيارات ياكثر عيوبها المصنعيه

من الي باقي يشك وكاله بذا الزمن ماعندهم سالفه عندي لكزس ارنوب اشيك عليها بمراكز خارج الوكاله اسرع وارخص واجود وكاله لكزس عندنا نظامه غير الجهاز او القطعه  ماعنده اصلاح وعلى جيبك ياعميل 

الوكاله وبترومين.  لاقين صيداتهم.  مهما نفهمهم. معاندين. الا اذا عشان الضمان معذورين
اقنعت خويي. تاهو ٢٠١٧ وسحبنا عليهم. وعلى الجمله زيوت وفلاتر. وانبسط

^
انت كذا جبت العيد بخويك!!
الجميح عنده صيانه سريعه
ايسي ديلكو
اغلب الناس تغيره زيتها
عندهم زيوت موثوقه وامريكيه
ويقدر يغير زيت وفلتر مع فحص النقاط
ماهو شرط يلتزم بالصيانات الثقيله
الي تاخذ مبلغ وقدره
والسياره تحت الضمان ولا يشيل هم
وحتى لو سيارتك من شركه ثانيه يمديك تغير الزيت عندهم
والجمس من الصدام الى الصدام كله حساسات
غلطت عمره طلعها برا الضمان على مبلغ200ريال تغير باسي ديلكو
في وكالات ماعندهم خدمة الصيانه السريعه
هنا ماالومهم يسحبون على الوكاله

انا جربت الصيانة في الوكالة وعرفت انه مافي سبب اني اكمل معاهم
1- مافي امانة ولا مصداقية, يعني ممكن يسلمك السيارة بدون تغير زيت او تغير فلتر و تحصل القيمة موجودة في الفاتورة. مره رحت والسيارة جديدة وقلتلهم على 3 مشاكل و تركت السيارة عندهم يومين ورحت البيت ودوامي بتكاسي. لما رجعت استلمها الموظف يبغى يوقعني على اوراق ان كل شئ تصلح, قلت خليني اشوفها اول, لما رحت السيارة حصلتها في نفس الموقف و مغبرة ولا تحركت كيلو واحد.
2- مافي مهندسين مدربين ومحترفين, الا قليل من الجنسية الفلبينية, ومالهم اي سلطة.
3- اسعار خيالية.
لو سيارتك مافيها شئ بعد 5000كم, حافظ عليها واعمل صياناتها بنفسك, لان الوكالة لو جيتها بتغير بطارية على الضمان والسيارة ماسية 21 الف, بيقولك خارج الضمان لأن هذه قطعه ضمانها 20 الف...الخ

معقولة الأزيرا صيانة شامل تكلف ٥الف ريال الأكورد 13صيانة شامل١٠٠ريال عندنا في عمان 
تقريبآ ١٠٠٠ريال بالسعودي تطلع

يا اخوان انا قصدي بالصيانة الشاملة المحافظة على السيارة
وليس المحافظة على الضمان 

سلام عليكم ،،،، 
اللي شدني للموضوع فيه لخبطة صاحب الموضوع يقصد بالصيانة الشاملة اللي هي تغيير سيور وبواجي وزيت جربكس مثلا والخ.....
لكن بخصوص فين تسويها انا معاك ان الوكالات اسعارهم مرتفعة في بعض الحاجات لكن من باب تجربة صيانات الوكالة مضمونة بعد الله لان اذا غيرت قطعة من القطع الغير استهلاكية يعني ماتخرب بسرعة راجع فاتورة قطع الغيار من الخلف في كلام كثير محد جا فبالو يقراها وهي ان اكثر القطع الغير استهلاكية اذا ركبتها عندهم عليها ضمان 30 الف او اكثر ،،، وثاني شي اذا غيرت قطع ف الوكالة اهم شي تقلهم يحطو القطع القديمة ف الشنطه حتى لو ماحتشوفها ،،، وبخصوص لو تبا تغير زيت ودخلتها عندهم وخبطت السيارة تقدر ترجعلهم وبتاخذ حقك ولازم طبعا شوية دعوجة وطوالة بال وتكون عارف ايش حقوقك من اي تصرف غلط او تلاعب بالعميل وبكذا تكون بإذن الله ف السليم.
'هذي وجهة نظري ف الموضوع وكل شخص له رأي'

ودمتمممممممممممم

كمثال رحت لهم بسيارتي النترا 2017 لصيانة 20 الف قالوا لي اجور الصيانة 520 غير سعر القطع وقالي الاجمالي مع القطع 740 ريال
سحبت عليهم ورحت شريت القطع من موزع معتمد بنصف السعر وسويت الصيانة بنفسي وكلفني 270 ريال

لو الله بيعطينا عمر.  بثبت لكم.  كم وفر خويي.  موتر اصفار وحافظ عليه
وش بيجيه.   بالعكس لو حسبتوها غير العطله والتأخر  بيخسر الاف
يارجل غير زيتك. وماقدامك الا العافيه