أضف سؤال أو موضوع جديد          

سيارتي جديده ومابسوي صيانه بالوكاله

up 4 down 3
ibo3276 442
قبل 11 شهر و أسبوع



السلام عليكم كيفكم ، سيارتي سوناتا 2018 افكر اصينها برا الوكاله 
في مراكز زي بترومين ولا ون ستوب عشان الفواتير لاسمح الله صار شي ولاشي
وش اسوي امشي ع جدول الصيانه ولا مو شرط بس زيت ومكينه
اخاف لا صار شي يقولون جيب فاتوره ولا ورقه انك عبيت موية المساحات ههههههه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


غير زيت الالف كيلو بالوكالة
وسو صيانة الخمس الاف بالوكالة حتى لو في السيارة عيب مصنعي يكون بين معك

وبعدها أسحب على الوكالة وأسحب على بترومين واشتر الزيت من موزع الجملة وغير عند اقرب بنشري

والشي اللي يخرب صلحه واللي مايخرب أتركه ولاتفكر تحل فيها مسمار واحد الا شي خربان

والا اصلا انت ليش مشتري موتر اصفار اذا كل فترة بتدفع مبلغ وقدره على سيارة جديدة لتغيير أشياء جديدة كان اشتريت موديل قديم ب ١٥ الف وسوي لها صيانة شهرية 

وأخيرا أنت لست مسؤول عن تخضيم ثروات الوكالك أو بترومين


up 11 down 3
دكتوراه في الحب 160
قبل 11 شهر و أسبوع



مع أني ما أغير زيت سيارتي إلا في الوكالة إلا أن ردك مقنع


up 3 down 1
أبوخـالد 4
قبل 11 شهر و أسبوع



في باقه في بترومين ب 64 ريال 4 لتر زيت 10w30 والفلتر جيبه من عندك أو خذ فلتر مجاني يوم الثلاثاء

وفي باقة تانية ب 90 تشمل يمكن 15 خدمة وتشييك اضافي انصحك بيها اسمها الباقة الذهبية (تشمل تعبية موية المساحات) بشرط تروح يوم الثلاثاء عشان تاخذ الفلتر المجاني


up 1 down 4
rashidy 434
قبل 11 شهر و أسبوع



^
يفرق اليوم الي فيه فلتر مجاني
كل فرع يفرق عن الفرع الثاني
يعني فرع السبت مجاني
وفرع الاحد مجاني
عشان كذا يسأل الفرع الي جنبه متى يوم الفلتر المجاني
مع اني ماانصح بفلاترهم الصينيه
السؤال الاهم انت متأكد انك تقدر تجيب الفلتر من عندك؟
واذا جبته ياخذون علي زياده على تركيبه مثل ون ستوب
يركبونه ب٥ريال اذا جبته من برا


up 1 down 2
d7ooom777 426
قبل 11 شهر و أسبوع



نصيحتي ابعد عن بترمين الفلاتر صينيه ابو كلب وغالي نصيحتي. غير بون ستوب زيت 30w5 وجيب السيفون أو فلتر المكينه من الوكاله

َوكل 30 الف غير فلتر الهواء وفلتر المكيف


up 2 down 0
صاحب الاوريون 2017 112
قبل 11 شهر و أسبوع



d7ooom777

انا على الباقة الذهبية واجيبلهم فلاتر هوا ومكيف يركبونها عالباقة... أو بنضفونها لو ما حبيت اغير...

ويشيكون على هوا الكفرات وزيوت الجير والباور والفرامل وموية الرادياتر واالمساحات وقوة البطارية وكنس السيارة ومسح الزجاج ومعطر ومناديل , بس يبغالك تكون صاحي معاهم.


up 1 down 0
rashidy 434
قبل 11 شهر و أسبوع



شكرا لك
لكن كنت اقصد فلتر الزيت
اجيبه من عندي بدل فلاترهم الصينيه


up 0 down 0
d7ooom777 426
قبل 11 شهر و أسبوع



الصراحة ما جربت ولكن ما اظن يرفض أو ياخذ اي زياده.

أنا عن نفسي اخذ الفلتر المجاني حجهم يوم الثلاثاء ويتغير كل 5 الاف وان شاء الله ما تشوف شر.


up 0 down 0
rashidy 434
قبل 11 شهر و أسبوع



لاتروح لهم ولا توريهم وجهك ماعندهم الا صلخ معي جيب ٢٠١٤ اخذته جديد والله مايعرف درب الوكالة مره غيرت زيت القير عند وكيل ابوجميل ومره اقمشة فرامل في مركز خارجي ولا فيه الا العافيه ماشاءالله اللي يسمعنا يقول اللي في الوكالة من اليابان عماله مثل اللي برا حالهم واحد
وللعلم الان شركات السيارات جميعها ومع موجة ركود سوق السيارات اعتمادهم الكلي على قطع الغيار والصيانة فقط


up 1 down 1
محب السنه 221
قبل 11 شهر و أسبوع



غير زيوتك عند مكان مضمون ومعتمد مثل بترومين او ون ستوب مع فواتير وامورك طيبه

احد الزملاء من شهر خبطت مكينه سيارته بدون مقدمات اوبتيما 2016 وهو يغير في بترومين الزيوت

وضبطوا المكينه على الضمان وفوقها كم شغله مثل مساعدات تغيرت على الضمان..الوكاله قالوا السبب المحتمل هو فلتر زيت بترومين.

اهم شي اذا بتمشي على بترومين اشتري فلتر الزيت من الوكاله وامورك في السليم


up 1 down 0
abdullah.ags 364
قبل 11 شهر