أضف سؤال أو موضوع جديد          

نصب بترومين والا زيوت مغشوشه

up 1 down 0



مساء الخير ياوجوه الخير



في البداية وقبل كم يوم رحت لصيانة يوسف الناغي طبعا السيارة الي معي سوناتا ١٨ جديده وتوها ماوصلت الخمسه الاف المهم جيت عند الصيانه و قلت للعامل متى اول صيانه قالي حول الخمسه الاف كيلو تعال بعدين سألته قلتله وش نوع الزيت حق السوناتا قالي حنا فالوكالة نحط زيت هندي لزوجة ١٠w٣٠ مع تغيير سيفون قلتله تمام ومشيت



وبعد كم يوم فكرت قلت ليه مااسحب على الوكالة واعود سيارتي على لزوجة وزيت مناسب واخذ من الموزع كرتون و اشتري سيفون من الوكالة وكل شي قدام عيني و باختياري فرحت اسعر كذا من الفضاوه هههههههه
رحت لبترومين النصابين يقول زيت A-1 مع السيفون نغيره لك ب٣٥٥ ريال يعني العلبه ب٦٠ ريال ( ياااالهوي )


وبعدين لفيت على الباشر حصلت بترومين A-1 ب ٣٠ ريال يعني نص القيييييمة


صراحة هنا انصدمت ماادري هل بترومين نصابين والا الزيوت الي عند البناشر مضروبه وتجاريه ؟؟؟؟!!!!!!


انا ماغيرت الى الان محتار اروح للوكالة والا اخذ من محلات الجمله ؟؟؟


وصراحة سمعت بترومين A-1 طيبه لزوجة ٥w٣٠ خصوصا للسوناتا واتغيير على ثمانيه الاف 


مشورتكم يالربع في نوع الزيت ومكان التغيير ؟؟؟؟!!!!



وكثرر الله خيركم،،،،،،،@-@







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تبغى نصيحتي ابعد عن بترومين وانت الكسبان
اما بخصوص السيارة
إذا سيارتك كويسة مافيها مشاكل ولا عيوب مصنعية سوي أول صيانة في الوكالة وبعدها اسحب عليهم
كفاية دافع في السيارة مبلغ وقدره واعشي عليها بمبالغ الصيانة المبالغ فيها


up 6 down 2
فورد530 1289
قبل 11 شهر



زي ما قال اخونا فورد
والواحد يشتري سيارة جديده عشان يرتاح و مايدفع فيها
ولكن يتعب من كثر مايدفع فلوس في الصيانه حق الوكالة


up 2 down 1
fowad 127
قبل 11 شهر



بترومين حراااااامية وزيوتهم ماهي مثل اول
وزيت الناغي هندي اسمه سيرفو سيء جداً حسب كلام المجربين وسعره غالي عالفاضي


افضل زيت اشوفه حتى الآن هو فوكس D1 عليه شعار ديكسوس لزوجة 5w30 ، وغيره كل ١٠ الآف مع السيفون
وصيانة الوكاله روح لهم كل ٢٠ الف سوي صيانه بدون تغيير زيت ،، بحيث مايلغى ضمانك وبنفس الوقت تقل تكلفة الصيانه وتفتك من زيتهم الهندي



up 2 down 0
abo9aly7 478
قبل 11 شهر



راجع الكتلوج وشوف عيار الزيت بالضبط
اشتر كرتون ...وغير في بنشر او انت بنفسك
لكن اذا تخاف على الضمان وكذا على الاقل اول 20000 او 30000 كيلو
خليك عل الوكاله او بترومين او اي محل معتمد


up 0 down 0
لا للغلاء 585
قبل 11 شهر



الصيانه الاولى مجانيه الي اعرفه رح غير عندهم عشان يكون لها ملف بالوكاله بعدها براحتك تبي تكمل او تسحب واذا تبي غير بترومين عندك فرع ون استوب زيت فوكس تيتان ٥w٣٠ سعره ٤٥ريال يمكن مع بداية السنه زاد مدري عنهم لكن ارخص من بترومين٦٠ريال !! ويعطونك فاتوره مطبوعه والفلتر ياتستخدم الي عندهم نفس حق الوكاله طبعا عندهم اغلب فلاتر السيارات واذا ماعندهم فلتر سيارتك بيقولك احطلك الفلتر العادي الي يركب على كل السيارات(فلتر صيني مثل حق بترومين) تقدر ترفض وتقوله ابجيبه من برا ماراح يقول شيء بس بياخذ زود5ريال على تركيبه لكن انت تأكد فلترك موجود عندهم ومختم عليه شعار هونداي او لا بدل ماتجيبه من برا بس في ملاحظه بالفاتوره يكتب تغيير الزيت والفلتر مايوضحون التشيكات الي سوها لان لو صار شيء للسياره وتبي يصلحونها على الضمان بيقولون لك الوكاله انت بس غيرت زيت وفلتر ماشيكت على النقاط الي احنا نشيك عليه


up 0 down 1
d7ooom777 426
قبل 11 شهر



اشتري زيت فوكس تيتان 5w30 من محلات الجملة وخذلك فلتر من الوكالة وغير عند اقرب بنشري


up 0 down 0
ahmad akk 554
قبل 11 شهر



خذ زيت من الجملة يكون مناسب لموترك لزوجة اما 5W30   أو  10W30 نصف تخليقي او تخليقي كامل
وخذ فلتر زيت المكينة وكالة ( الاصلي فقط ) .. وانتبه من اللي عند بترومين والمشاحم اغلبه ( تجاري او مضروب مغشووووش ) 
وبعدها رح لمركز معتمد وموثوق مثل ( ون ستوب ) أو غيرهم .. يغيرون زيت وفلتر ويطبعون لك فاتورة كمبيوتر .
واحتفظ بجميع الفواتير ( الزيت + الفلتر + تغيير الزيت ) بملف عندك .. علشان لو احتجت حاجة من الوكالة ( لا سمح الله )
يكون عندك دليل أكيد ومضمون بالتزامك بصيانة موترك بقطع و مواد اصلية ... والله يوفق الجميع .


up 0 down 0
nasser1430 859
قبل 11 شهر



تعديل ***
علشان لو احتجت شيء من الوكالة ...


up 0 down 0
nasser1430 859
قبل 11 شهر



^
ون ستوب مايقبلون زيت من برا
بعدين هم وكلاء زيت فوكس يعني الي عندهم مضمون
الا اذا بيغير عند بنشر عادي افضل ياخذه جمله


up 0 down 1
d7ooom777 426
قبل 11 شهر



خذها نصيحه اشتري الزيت من محلات زيوت الجمله تكون اللزوجه حسب الكاتلوج عندك
وغير عند اي بنشري وانت واقف معه
اما بترومين انا تعاملت معهم سيئن جداً واسعارهم نااااار


up 1 down 0
ابوليان1431 360
قبل 11 شهر



اشتري السيفون من الوكالة وغير عند اي بنشر وحاول تتعامل معاه دايما وخذ فاتورة كل تغييره زيت افضل واضمن


up 0 down 0
zax_makkah 119
قبل 11 شهر



^^^ 
مو لازم مركز ون ستوب .. يشوف غيره 
اهم شيء يطبع له فواتير ويكون الزيت اللي يبغاه وفلتر اصلي 



up 0 down 0
nasser1430 859
قبل 11 شهر



كرتون بترومين A1 ب250 12 علبة


up 0 down 0
mfh2009 210
قبل 11 شهر



راعي بنشري سعودي يقول زيت بترومين a1 اللي نشترية من الموزع نبيعه ب55 هذا نوع واللي في المحلات ب25 ريال هذا نوع ثاني واللي تبيعة بترومين في براميل نوع ثالث وقيمته 60 ريال وهو الاجود فيها كلها واقنعني فتح علبة من عنده والعلبة اللي معي الاستكر يختلف بين الاثنين وكلها بترومين


up 0 down 0
بريق الرياض 262
قبل 11 شهر



هيونداي لها زيوت مخصصة وهي شيل هيلكس ، احرص على عدم اخذ غير الشركة ذي

ناس كثيرة خبطت مكاينهم بسبب عدم الالتزام بهذا الزيت ،
راجع فيديوهات في اليوتيوب بنفس الموضوع


up 0 down 0
tlvsss 17
قبل 11 شهر