نوع الزيت ووين اغيره

خلك على لزوجه 10w30 او 5w30 عندك انواع كثير

انا من زمان استخدم موتر كرافت طبعا اخذه من وكيل فورد كويك لاين

وفيه انواع كثير اهم شي اذا بتغير بنفسك اشترلكك فلاتر من الوكاله اضمن من البناشر

معي سوناتا اغير فوكس تيتان 30w5
عند أقرب بنشري تأخذ السيارة 5 علب الا ربع مع الفلتر
ولا قد مريت الوكالة نهائي
اهم شي الفلاتر خذها اصلي فلتر الزيت والهواء والمكيف
وامورك تمام ان شاء الله
ممشئ سيارتي 58 الف

اذا مهتم بموضوع الضمان حافظ على الصيانات الكبيرة ٢٠ -٤٠-٦٠ الف بالوكالة امازتغيير الزيت لابد من فاتور مطبوعة
علشان تستمر بالضمان طبعا المراكز اللي فيها طباعة محدودة يفيدوك الشباب فيها وانا اعرف منها ( بترومين - اي سي دلكو - كويك سيرف )

خذلك زيت بترومين A1 5W30 من محلات قطع غيار هونداي وكيا

العلبه 21.5 ريال يعني سعر 5 علب حوالي 108 ريال

والسيفون خذه من الوكاله سعره حول 20 ريال

وغيره عند بنشري نظيف ياخذ شغل يد من 30-40 مايتعداها بالمره بالمره

والسياره تاخذ 4 علب ونص

والزيت يكفيك 10 الاف كيلو

وهو افضل زيت للسوناتا والاوبتيما تقريبا

ابعد عن مراكز بترومين في زيوت ابو 10 الاف

لان يبيعون العلبه A1 ب60 ريال واذا بتغير عندهم يطلع عليك 300 ريال زيت بدون سيفون , مع السيفون يطلع 322 ريال وهذا قبل الضرايب

وانا وضحت لك فوق انك تقدر تاخذ لك 5علب ب 108 ريال والسيفون وكاله 20 وتغيره عند بنشري ب 30 وبكذا ماتكلفك 158

وخذلك كرتونين زيت بترومين كل كرتون فيه 12 علبه لك وللعمر وخذلك 5 سيفون من الوكاله وتكفيك 5 تغيرات يعني 50 الف كيلو

والكرتون قيمته 260 ريال يعني كرتونين 520 مع 5 سيفون من الوكاله تسير التكلفه 620 ريال

وتكفيك 5 تغيرات او 50 الف كيلو , يبقى لك شغل اليد للي يغير لك الزيت

وهم طالبين في تغيره وحده 700 ريال

ونصيحه

ابعد عن الزيت الثقيل اللي هو 20W50 لانه سبب في تخبيط المكينه للسوناتا والاوبتيما

لاني كنت اول اصين سيارتي في بترومين وخيروني بين زيت 10 الاف كيلو اللي هو A1 او الزيت ابو 5 الاف كيلو

فقلت ابغا الزيت ابو 5 الاف لانه رخيص ( لانهم يغيرون الزيت ابو 10 الاف كيلو ب322 وانت تقدر تشتريه مع سيفون اصلي وتغيره برا ب 158 بنص السعر )

فقلت ابغا الزيت العادي لانهم ارخص من غيرهم بكثير
وهذا شهاده حق اقولها لهم في الزيت ابو 5 لاف كيلو

وكان فيه خفيف وثقيل

الخفيف 10W30 والثقيل 20W50

وحطولي الزيت الثقيل 20W50 ويقول ان وكاله كيا هذا الزيت اللي تستخدمه حق ابو 5 الاف

فانتبهه تغلط وتحطه

وسعر الحين الزيت ابو 5 الاف سار رخيص وعليه عروض

اتوقع مايكلفك في بترومين 80 ريال والسيفون يحسبونه ب22 ريال يعني 102ريال زيت ابو 5 الاف كيلو 10W30

السلام عليكم ورحمة الله ,,,
عندي سوناتا 2017

اغير زيت فوكس تيتان 5w30 واشوفه ممتاز جدا

من واقع تجربة ابعد عن الوكالة لان يجيب ارخص زيت اسمة سيرفو صناعة هندية لان همة المكسب
وزيت شل هيلكس موصىىفية من المصنع لكن تصنيفة قديمSL والشركة الام تحسب الي عندنا sm اوsn وبالنسبة للضمان لازم تلتزم عندهم كل 5000كيلو لومرة تغير برى تطلع من الضمان وبترومين ماهي معتمدة عندهم يعني لوصار عطل يقولك بترومين ماتفحص كل النقاط زينا
وزيت بترومين تعبان تسمع صوت طقطة بالمكينة. افضل شي كاسترول ماجنتك او اي سي دلكو او فوكس تيتان. علامة ديكسوس

ابو خالد وش 30 و 40 ريال عشان بس يفك الصره ويحط الزيت انا اغيره ب 20 وان طار 25 ريال مايتعداها

اللهمّ احفِظ كل من رد بحفظك اللهم إنهم في ذمتك أينما كانوا...اللهم لا تَردّ لَهم طلبا ولا تُحزِن لَهم قلبا. بيض الله وجيههكم من كلامكم اقتنعت في فوكس تيتان 5w30 وبشتريه من الموزع المعتمد وفلتر من الوكالة ولكم جزيل الشكر والتقدير

انا مثلك موتري 2016 وماشي 30 ألف ومره اغير 20w50 فوكس تيتان ومره 10w30 شل هيلكس تصنيف sl ومره 10w30 شل هيلكس تصنيف sn وكلها نفس الشي تقريبا ومالره الجايه احتمال اغييرفوكس تيتان 5w30 او بترومين a1 وترا موضوع الزيت احترت فيه من قبلك وحتى الان محتار فيه ناس يقولون الثقيل اقل احتكاك وناس يقولون الخفيف للمكاين الجديدة وانا كنت استخدم فوكس جيتي ثقيل بس على مكاين حديد وكان ممتاز ومامنه عيب بس الحين مكاين المنيوم ويقولون ما يصلح لها .