أضف سؤال أو موضوع جديد          

رايكم ف هيونداي سوناتا 2018 ؟

up 5 down 2
mahmoud.h.a 25
قبل سنه و شهر



السلام عليكم

ابي رايكم في سوناتا ٢٠١٨ 
لاني مقبل عليها ان شا الله

هل تتحمل ؟
وكيف صياناتها وقطع غيرها غالية او رخيصة

تكفون اللي جرب فقط 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عليكم السلام
انت كيف سواقتك وكيف تحافظ ع السياره ؟
لو هي هايلكس تعلنها لعن تبي تخرب
لو هي أردى سياره تحافظ عليها وتبي تمشي معك مثل الحلاوه
طبعا يبي يجي كم واحد يقول ولد عمي وولد خالي خبطت وخرب عليه كذا لا تصدقه
انت ماتدري كيف استخدامه
معي حاليا 2015 الدفعه الثانيه
ماشيه 140 الف السياره بسم الله عليها وكاله كل شي وباقي متماسكه والقطع أسعارها ارخص من تويوتا



up 6 down 5
شيخ المعارض 2012 349
قبل سنه و شهر



معي 17 

نهائيا مانصحك فيها

خذ اكوووووورد وقطعها موذاك الغلا

بالخط جنوط 18 راسيه 

لكن صوت الزفلت داخل راسك ويقولون عزلها تحسن 
والله عزلها خايس

عيوبها المصنعيه كثيرة

قفل شنطة
رجه بالعكوس
طقه بالدركسون

المكيف تبريده يقولون صار احسن من اول 

لاوالله انه مثل ماهو
بعز الصيف التبريد عادي واقل من عادي
والعرق يصب وانتم بكرامه 

انصحك تاخذ جوووودة يابانيه 

انا اخذتها لاني سمعت ناس امتلكوها ومدحوها لي

وايضا الشكل عجبني وجذبني وكرهته الان


up 23 down 13
coco13 835
قبل سنه و شهر



و صرفية البنزين متوسطة و المكينة من عام ٢٠٠٦ نفسها
الفل كامل مكينة GDI لكن غاليه ما يسوى عليك


up 5 down 3
1405-1985 1233
قبل سنه و شهر



صحيح نسيت شي

البنزين صرفيتها عاليه مقارنه بمثيلاتها بنفس الفئة
حتى لو تحط وضعية ايكو توفير الوقود 


وياصاحب الدسلايك دوس بيدينك ورجولك هنا 

وفي ردودي ومواضيعي السابقه ايضا 

عشان قلت الصحيح في السوناتا هههههههههههههه


up 12 down 7
coco13 835
قبل سنه و شهر



كل واحد لة انطباع وراي وكل سيارة لها عشاق فية ناس تمدح وعندها تعصب
السيارة حسب استخدامك. معنا 2017 لها سنة ماشية 70الف
عيب الكوري عامة المكيف تبريدة متوسط داخل البلد اما مع الخط ممتاز
صرف البنزين متوسط حسب دعستك وانا اشوف انها زينة
وسيعة من الداخل ديكورات حلوة
اسعار قطع الغيار بعد الحادث الحمدلله على كل حال مع ولد اخوي
عكس امامي يمين 950ريال اصلي من المحلات وليس الوكالة
رفرف امامي340اصلي
صدام امامي400 اصلي
شمعة يمين 1300 اصلي
البطانة حقت الرفرف 100اصلي
مقص امامي 580
فلنجة الهوب350
ديمنو كهرب1600اصلي
مكيف 1600اصلي .طبعا انسرقت وهي واقفة





up 4 down 3
ابومزعل 358
قبل سنه و شهر



حرف الالف والله انك صادق
المشكله توها نازله بالمعارض ويمدحونها ويمدحون عزلها ومكيفها وهو الي مجربينها قليل لان توها نازله بالسوق
والمضحك يسبون الشكل الي قبلها الشكل القديم وعلى وقته الشكل القديم نفس الشيء مدح فيه وبعدين يسبونه بعد مانزل الشكل الجديد

واكلنا المقلب مثلك لكن بالاكسبلورر عام2005مافي منتدى الا ومدح قيره خصوصا منتدى مكشات
وان الموديلات الي قبل كانت تخبط والموديل هذا حسنوا قيره وطلعوا كذابين نصابين
وبعام 2006تغير شكل الاكسبلورر ونفس الشيء بالمنتديات
مدح بذا الموديل وان قير مايخبط مثل موديل2005الي كانوا يمدحونه

واخر موديل بالاكسبلورر دفع خلفي موديل2010ونفس الشيء مدحوا قيره
وانه اخر شكل وحلوا جميع العيوب المصنعيه واقولك
مره ثانيه كذابين نصابين تحكهم يدهم لازم يتفلسفون
ويسون نفسهم فاهمين على حساب المشاهدين

والي يضحك قبل4سنوات استكشفت ان الاكسبلورر
من عام2003الى عام2010نفس المحركاااات
بس الرديتر تغير فقط
وهم فلسفه كل مانزل موديل قالوا حسنوا جميع العيوب المصنعيه وقيره ماصار يخبط
كيف تحكمون وهو توه نازل مامشى حتى50الف عند المجربين ويمدحونه!!

المهم اكلنا المقلب وخبط القير وسلامتكم(:



up 5 down 3
d7ooom777 412
قبل سنه و شهر



هههههه اقصد العضو كوكو موب حرف الالف


up 1 down 1
d7ooom777 412
قبل سنه و شهر



كنصيحة افظل لك أكورد او ألتيما والكامري الجديد واصل المخازن  وابعد عن الكوري شكل يجذبك لكن بعد الاستخدام بفترة بسيطة تتمنى ماشريتها تقنية قديمة خاصة المكائن والبودي مجرد كرتون مقوى  


up 6 down 7
sam7srt 185
قبل سنه و شهر



هي سيارة عملياً جيدة وتكرف معك مثل غيرها ولكن سعرها مبالغ فيه جداً خصوصاً الفل والنص فل
وفيها مشكلة المكيف مدري تم اصلاحها او لا
والمشكلة ماهي بس في البروده حتى في قوة دفع الهواء تحطه على اقوى درجة ويالله يوصل وجهك مدري هي مروحة سيارة من جدهم والا مركبين مروحة لابتوب



up 2 down 1
chevrolet zr1 585
قبل سنه و شهر



السيارة حلوة.
لكن تحتاج لعناية ومحافظة عليها أكثر من منافسيها اليابانيين.
اذا كنت مش محافظ مرة على السيارة ف السيارات اليابانية افضل لك


up 1 down 0
caprice-ss 174
قبل سنه و شهر



ما انصحك فيها ،،

الاكورد افضل ولا في مقارنة .



up 4 down 0
كن بسيطآ تكن أجمل 7881
قبل سنه و شهر



الفئة هذي عادة اللي يقتنيها يبغى سيارة عملية واقتصادية..
لذلك أرشح الاتيما الارخص بها الفئة و الاقل استهلاكا للوقود وتقريبا الاريح في القيادة
مواصفتها وشكلها مقبولة نوعا ما..
هذا في حال تبي تستخدم السيارة لفترة طويلة اما اذا تبي تبيع بعد اربع سنوات واقل فما تناسبك
وتوجه للاكورد اولا ثم الكامري.. بالنسبة للهونداي ما نصحك ولا يغرك الشكل بتمله بعد فترة..



up 1 down 1
qefari2 41
قبل سنه و شهر



ياخي ماعليك منهم روح مكتب اجار وخذ وحده جربها

مكيفها بارد للامانه

اذا نفسك في شي.لاتسأل يكفيك انتشارها يعني كل الناس اللي مشترينها مايفهمون واللي بالمنتدى الفاهمين

ككل سياره بتخررب من النهاية يعني تويوتا يقولك زيت وفلتر وامش وشف مشاكلها قير خبط مكينه صلبت مكيفي خرب

نيسان نفس الشي

هونداي نفس الشي على فكره كلهم مكيف بلف كهربائي


up 3 down 4
7amood1930 279
قبل سنه و شهر



انا معي سوناتا 2017 ماشيه يمكن 110 الاف استخدام سنه ونص
النتيجه النهائيه م انصح فيها والخيارات البديله اكورد و كامري


up 6 down 2
its_o_o 349
قبل سنه و شهر



انت وفلوسك وقبل كل شي استخر وترا البدائل كثيره " اكورد - كامري - مازدا - التيما - اوبتما " وانا معي سوناتا ولو يرجع الزمن بي اخذت مازدا .


up 1 down 0
فهد ابن حسين 52
قبل سنه و شهر



ابعد عنها قدر الامكان من اسوا السيارات ، معاي وحده 2016 ماشيه 50 الف فيه نتعه فالقير وكل ما اوديها للصيانه يقولون برمجه ويبرمجونها وترجع بعد شهر نفس المشكله وفيها مشكله مع المنعطفات تحس ان الطاره بتقفل ووديتها الشركه وصلحوها والله يستر لا ترجع ، والحين لها يومين واقفه عند البيت فيها صوت طقطقه فالمكيينه قويه مرره وللحين ما فضيت اوديها للصيانه ، وانا محافظ على السياره اكثر من نفسي والسياره لو تشوفها تقول هذه وكالة ، حتى اكياس وكالتها موجوده للحين ، الله يعوضنا 


up 2 down 0
عجاج 44 27
قبل سنه و شهر



شفت كيف ياصاحب الموضوع !!

احنا اصحاب السوناتا ننصحك تبعد عنها

يعني ماعاد يبي لها شي

شوف الاكورد
المازدا الفل

الكامري خدومة لابعد درجة


up 1 down 0
coco13 835
قبل سنه



كنت افكر فيها بس بطلت
خلاص


up 0 down 0
عبدالله09990
قبل 12 شهر



من بعد كلامكم
توووووووبه


up 0 down 0
عبدالله09990
قبل 12 شهر



الكوري صدق مخيسس معاي النترا ٢٠٠٧ وكانت مطفشتني اصوات بكل مكان مع ان استخدامي جدا نظيف وسواقتي سواقت شيبان وشريت ٢٠١٥ ومكيفها اسواء من ٢٠٠٧ واصوات ديكورات وغير الهواء تحس نفسك فاتح الدريشه  عن نفسي ممكن ابيعها واشتري سيفيك


up 0 down 0
alromih6
قبل 5 شهر و 2 أسبوع