سوناتا وصرفها للبنزين

ممتازه تقريباَ 60 لتر تمشيك 400 كيلو

اشوا الحمدلله يعني كويسه

وش اللي ممتاز الله يهديك ٦٠ لتر ويمشيك ٤٠٠ صراحه تصرف 
بزياده موقصدي اني اخوفك ولا شي لاكن مو معقوله صرفيتها 

غير البواجي وفلاتر الهواء بتلاحظ تحسن في الصرفيه
كل السيارات داخل الديره تصرف عكس الخطوط الطويله ماتصررف

صحيح والله يبيلها بواجي وفلاتر
وباذن الله راع تقل

هذي سوناتا مو اكسنت عشان نقول تصرف !
والتانكي حقها يشيل 60 لتر مو 70 مثل باقي السيارات في فئتها
ممكن مع تنظيف البوابه وتغيير البواجي تفرق معه لكن الفرق راح يكون بسيط جداً

^^^ التانكي حقها سعته ٦٨ لتر بالضبط وهي نفس الامريكية وتساوي ١٧ جالون. 

القديمة تختلف التانكي اصغر
معي 2016 الفل 90 ريال تقريبا صحيح التانكي 68 او 70 لتر

بالنسبة لسوناتا 2006 وتمشيك 400 كيلو كويس جدا بالنسبه لسياره موديل 2006
اغلب السيارات بعد مرور سنوات يقل الصرفيه وتحتاج قطع وهذا شي طبيعي

400 كيلو لسياره فل 75 ريال موديل 2006 الرقم جدا كويس

سيارتك صرفيتها عالية للبنزين على العموم السيارات الكورية لاتدور فيه شيء اسمه صرفية بنزين

غير بواجي وغير حساس الاكسجين او اللي هو حساس الشكمان في القزوز ولا نظفه وغير فلتر الهواء بجديد سعره 40 ريال مع الخصم بدون خصم يمكن 50 ريال اصلي طبعا

ونظف الثروتل ونظف البخاخات وراح تلاحظ فرق ملحوووظ يمكن تزود 50 كم او تزيد اكثر

والفل عندي 70 ريال كيف تعبي ب 75 ؟؟ شكلك تخلي التانكي فاضي مرره موديل اللي معي 2008 نفس الشي

غريبه 400 كيلو

اللي معي 2007 دايم من اعبي فل اصفر العداد وعلى الربع احصلها ماشيه من 430 الى 470 كيلو

ومقياس الصرفيه في العداد يتراوح بين 8 لتر الى 9 ونص كل 100 كيلو

واذا عبيت فل في العداد يطلع لي تمشي 690 كيلو او 670 تختلف حسب قراءه الدعسه المسجله في العداد

اكيد ظلمت احد او ضحكت عليه رح تصدق وتسامح منه هذا اذا سامحك ؟؟؟؟

معاي فكتوريا 2011 اعبيها ب 97 ريال اخضر في الشاشة يظهر عندي 720 كم يمشيني ويجلسله في السيارة حول اسبوع ماشالله مغيرله بواجي وفلتر الهواء ومنظفله بخخات البنزين بالمنظف من نوع ميتسوبيشي ومغير فلتر البنزين

الظاهر اللتر يمشيك 6.6 كيلو وهذي صرفية عالية على 4 سلندر ، المفروض يمشيك اللتر على الاقل 9 كم