أضف سؤال أو موضوع جديد          

اسحب على الضمان ولا وش الحل

up 1 down 1
tlvsss 18
قبل شهر



بسم الله الرحمن الرحيم

يا شباب قربت سيارتي صيانة 20,000 سوناتا 2017

ومحتار والله استمر على الضمان ولا لا
لان اسعار الوكالة خياليه ويبطون يشدون ريال هههه

بتقولي طيب سوها بمراكز معتمده
بقولك وين بتلقى مركز يسوي لك صيانة دورية كامله زي ما تبغى هيونداي

اغلب اللي زي بترومين وون ستوب زيت وفلتر واذا مره تشييك وهذي مو صيانة دورية بس المشكلة ما بيعطيك فاتورة مفصله تثبت للوكالة

دقيت مره على وزارة التجارة قال اذا بتسوي برا لازم فاتورة مفصله بلي يطلبه كتيب المالك

شوركم طال عمركم ونصايحكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ي الغالي الوكيل عنده تخفيض اتاكد مليون مره وشوف كل الوكالات فيها تخفيض اقل شيء ١٠٠ 


up 0 down 2
king 191919 9
قبل شهر



صيانة ال20,000 ب900 ريال حتى لو خفض بتصير 800 مثلا ههههه لو فيه شي يبرر غلا الوكاله كان ممكن اقتنع


up 3 down 1
tlvsss 18
قبل شهر



ليش تعمل صيانات في الوكيل وسيارتك جديدة

أنا أعتبر هذا غباء

يدفع 13000 صيانات في الوكيل لسيارة جديدة مستحيل تتعطل في ظروف القيادة العادية

وأكبر عطل ممكن تتعرض له الكمبروسر ب 700 ريال وعادة يتعطل بعد إنتهاء الضمان

المفترض صيانات أول 100 ألف مجانية لأنها دخول من الباب وخروج من الباب الآخر وضحك على العملاء

وإذا فيه مشكلة فعلا يذلونك بالمراجعات والشكاوى وأنت دافع صيانات ب 13000 ريال ، احتفظ بقروشك سيارتك جديدة

كان عندي آكسنت 2012 لم تزور الوكيل نهائيا ولم أحتاجه وبعتها من صديق وهي ماشية 120 ألف والحين 300 ألف ولم تدخل الوكيل

وعندي النترا 2015 قربت من 170 ألف ولم أزور الوكيل نهائيا فقط أشتري منه فلتر زيت ب 15 ريال وأغير برى الوكالة ب 70 ريال

وكان عندي كورولا 2008 ولم أزر الوكيل نهائيا ، وتعطل الكمبروسر وزرته ودفعت قيمة صيانتين ، ولو عملت الصيانة خارج الوكالة كان أرخص وكمبروسرهم فترة وتعطل ، وكانت مشكلة في كورولات 2008 ، وكذلك هذه المشكلة في بعض سيارات هيونداي لكن عادة يتعطل الكمبروسر بعد إنتهاء الضمان ، والحين سيارتي حول 170 ألف بلا مشكلة

الضمان يسرقون فيه العملاء ويعوضون خسائرهم


up 8 down 1
anosi 1098
قبل شهر



افضل لك وارخص سوي صياناتك برا الوكالة وتاخذ الجدول من الكتالوج يوضح لك وش اللي يبيلها
بالنسبة لزيت القير تغيره عند الوكيل علشان يضمنون شغلهم واي شي يصير فيه يصلحونها لك
هذا والله اعلم


up 0 down 0
ali-911 2951
قبل شهر



اكبر ظلم من الوكالات انهم يخلون الناس تدفع صيانات للسيارات
الجديدة وهي صيانة دورية مافيها اي اصلاح
المفروض الصيانات مجانا كلها شوفة عين عالسيارة بالكمبيوتر
وخذ سيارتك وروح ليش ادفع على شي مافي تغيير فيه الا اذا قيمة
زيوت وفلاتر بس اما اني ادفع على فحص السيارة او مجرد دخولها
ورش الوكالة حرام كذا
حتى لو فيه اتفاقية بين الوكالة والعميل شي غير منطقي
واسعارهم لهيب رغم انهم مثل اي ورشة اشياء استهلاكية
ويشرطون عليك اذا ماحافظت على صيانة السيارة عندهم تخرج من الضكان
الوكيل مجرد موزع للشركة الصانعه وعنده صيانات دورية ماياخذ فلوس فيها
الا للقطع اللي تتغير فقط السيارة شاريها بفلوس وتدفعني فوقها فلوس اجباري
والله ظلم


صدقت يبو عبدالله ..وهي كذبه ومشت علينا سنين لزياده الدخل فقط...المضحك في الموضوع انهم مايسوون شي للسياره بشهاده كثير من فنيين الوكاله فقط يعمل فحص لانظر ويشوف الاجزاء ويوقع على التقرير ويسلمك الموتر ...وبكذا يجيهم مصدر دخل اضافي غير الالاف اللي خذوها من بيعه السياره واذا صارت مشكله للسياره...الوكيل مايخسر شي في الواقع لان الشركه الام تتكفل بالاصلاح (للعيب المصنعي) مثلا ....والصحيح هو اتباع نفس دفتر الصيانه بالخارج مع الفواتير ...(خلهم يسوون نفس الوكاله يشيكون بالنظر واذا في شي مخترب تغيره برا ارخص لك وحمايه لك)...وجهه نظر


up 1 down 1
midnight_963 438
قبل شهر






انا معي النترا ١٧ 
صينت واحدة ب حقت ٥٠٠٠ 
وسحبت عليهم 
وقد سيارتي ماشية ٢٠ الف
اغير زيت برا وبس


up 0 down 0
حرف الالف 932
قبل شهر



شف ايسي ديلكو يمكن يفصلون الفاتوره مثل الوكاله تابع للجميح ويصين اي سياره
وشف صيانة كويك لين صاروا يقبلون اي سياره مو بس فورد
يمكن يفصلون الفاتوره بالتفاصيل
والاحسن منهم اذا انت بالرياض عندك صيانة الوعلان السريعه
مضمونه وتابع لوكيل هونداي تحصلهم ارخص من فرع الوكاله نفسه
وذا نفس الاسعار قلهم زيت وفلتر وفحص بالنقاط الي يبونها فقط فقط

كذا ماراح يسون شيء ولا يقدرون يطلعونها خارج الضمان لانك مصينها
بالخدمه السريعه حقتهم بتكون حشرتهم ولا يقدرون يردون عليك:)


up 1 down 1
d7ooom777 807
قبل شهر



اسحب عليهم اغلب الوكالات الظمان ١٠٠الف او ٥سنوات ايهم يأتي اولا وسيارتك ماشية٢٠الف يعني تعدت التجربة والعيوب المصنعية 


up 1 down 0
sam7srt 124
قبل شهر



ماتوقع يلغى الضمان انا ولا صيانه سويتها بالوكاله وتعطلت سيارتي ووقتها تحت الضمان وصلحوها واعطوني سياره بديله وبدون مايسال عن التشييكات اتكلم عن توكيلات الجزيرة فورد


up 0 down 1



هونداي صارت تخوف معي النترا ١٧ وماعجبني نظام صيانتهم الاجباري لو دريت ماخذت هونداي وصيانتهم البايخه 


up 0 down 1
فهد بن عون 14
قبل شهر