استفسار بخصوص مروحة الرديتر

اول ماتدق سلف وهي باردة افتح الكبوت اذا شغاله كنترول المروحة خربان

موية الحنفية تعدم وجيه الراس والرديتر بدلها بموية اصلية وماء مقطرقبل لا يفوت الاوان 

وعليكم السلام ورحمة الله 

اول شي شغل السيارة وخلك عند المراوح وشف هل تشتغل على اعلى سرعة دايما ،،،ثاني شي  ممكن حساس المراوح خربان واحتمال خرابة من موية الحنفية ،،وانتبه غير الموية الان واشتر موية اصلية من الوكيل مخلوطة وجاهزة ترتاح بعدين من التهريبات ومشاكل الحرارة والصدا في دورة التبريد 

هذا المفروض لكن ما باليد حيله

ممكن السبب حساس الحراره يعطي اشاره للكمبيوتر ان حراره السياره مرتفعه وكذا تشتغل المروحه اعلى سرعه 
او ممكن. كتاوت المروحه فيه اثنين واحد للسرعه البطيئه والثاني للسرعه العاليه. للمروحه 
اذا كان خربان حق السرعه البطيئه فتكون شغاله دايم على السرعه الثانيه العاليه. هذا اذا فيها نظام السرعتين اتوقع فيها كذا مثل السيارات الثانيه 
والكتاوت تحصله في علبه الفيوزات داخل الكبوت. انا صارت معي بس في سياره اكسنت كانت المروحه تشتغل اعلى سرعه وقالو لي الشباب هنا بالمنتدى ممكن الكتاوت حق سرعه المروحه وطلع فعلن هو وغيرته 

وسعره اتوقع 20 او25ريال. بس ممكن عندك هو المشكله او حساس الحراره. لانك تعبي مويه عاديه وهي تظر السياره بعد فتره. طويله. غير المويه اصلي. وغير الحساس  اذا كان هو السبب لان المويه العاديه ماتبرد السياره وتضل المروح شغاله على اعلى سرعه 
والمويه الاصلي. فيها مواد تبريد للرديتر والمكينه. هي الافضل. تخفض الحراره للمكينه. 
ودام لمبة الحراره مااشتغلت عندك. فما فيه حراره. بس غير المويه. والحساس اذا كان هو السبب وبتنحل. ان شاء الله. 
والحراره. مابترتفع الا اذا كان فيه تهريب او الحساس تعطل مره وحده او الطرمبه. وهذي الي يخربها المويه العاديه لانها تصدي. ويتقفل البلف والحساس يخرب. 

شي طبيعي تشتغل باعلى سرعه الماء العادي مايتحمل حراره المكينه مثل الماء المخصص للرديتر اعني المخصص الاصلي موو الملون فقط اللي ف البناشر

ونصيحه مر ميتسوبيشي عندهم مويه مخلوطه وجاهزه وسعرها 35 ريال

الماء الاصلي مهمته سحب الحراره العالية في المكينة وتززيت الاجزاء المختلفة من الرديتر الى الطرمبة الى الليات الى ممرات السلندرات وكوع الحرارة وغير كذا اطاله عمر المكينة واجزائها المختلفة لانه مخفض للحرارة بالمعنى الحقيقي

أخوي النقص كان من المفترض تعويضه بماء مقطر أو ماء مخلوط جاهز بإيثيلين جليكول
والنقص إذا كان تقريبا كوب واحد في الشهر ، فهذا النقص طبيعي في سيارات النترا ، لكن إذا كان شهريا ينقص نصف لتر أو لتر فهنا يجب التحقق من وجود مشكلة

وبخصوص الحرارة ، فحرارة الإلنترا عادة من 92 إلى 97 ، ويمكن معرفة الحرارة من جهاز obd 2