أضف سؤال أو موضوع جديد          

واقع الي يشتغلون بالغرابي ونصيحه للي بيشتري من هناك

up 25 down 4
azee3z 243
قبل 6 شهر و 3 أسبوع



صباح الخير

حصلت لي تجربه بشارع الغرابي امس الخميس (آخر مره رحت له كانت قبل عشر سنين او اكثر مع الوالد وكنت صغير وحالياً رحت له بعد مدح الناس على اساس ان الي هناك عندهم خبره وشغلهم توب وكل شي تبيه بتلاقيه باقرب محل)

انا عندي مشروع ع الشمعه (عدسات كيوفايف) كنت بطلب الاغراض من برا بس ما لقيت اغراضي الا بموقع علي اكسبرس والشحن بياخذ له من شهر الى 45 يوم
+ التكلفة وصلت الى 700 مع الشحن
انا اخذت العدسات هنا ب250 + 200 محولات اوزوم + 250 شمعات ياكي +50 وصلات تحويل (H7 الى D2S ) يعني الفرق كان عباره عن 50 ريال بس اني وفرت وقت الشحن

نرجع لموضوعنا (:
امس رحت الغرابي وفريته فر من بعد صلاة المغرب الى الساعه 10 عشان اخذ الاغراض الي فوق (الا العدسات)
بس فيه مشكلة واجهتني وهي جهل الي يشتغلون بالبضاعه حرفيا جاهلين بشغلهم بمعنى الكلمه وطبعا التعميم لغة الجهلاء وكلامي لا يعني عدم وجود خبراء ولكنهم قلة للاسف
انا ما رحت المكان الا وانا فاهم وش ابي بالضبط وكم بتكلفني الاغراض وفي حال ما لقيت الاغراض الي ابيها اكون عارف البدايل ووش الي يناسب سيارتي وما اضرها

من اشكال الجهل الي واجهتها
- ما يعرفون اسامي مقاسات الشمعات (واحد اقول له شمعاتي H7 يقول لي نشوف المحول يركب ولا لا واذا ما ركب بجرح لك سلك الفيش واركبه لك !
- ما يعرفون اسلاك الوكاله كم واط رحت عند عشر محلات اسالهم عن المحول واوريهم صورته يقوم يطلع لي محول 70 واط ! المشكله يحلف لي انه ما يسبب مشاكل للازيرا ههههههههههههههههههههههههههههههههه ؟!
- ما يعرفون اسامي المحولات غير الدينسو والهيلا ولا كلهم يعرفونها بعد مثل محول الاوزوم الي كنت ابيه دورت له بكل مكان بالشارع ما لقيته الا عند واحد بالصدفه معلق يوم سالته هذا محول اوزوم يقول لي ما اعرف وش اسمه بس صيني

المشكله الثانيه ان الفاهمين بشغلهم مستغلين الوضع بشكل كبير ورافعين السعر

كل الي ابي اوصله من ذا المقال
افهم وش تبي تاخذ وتشتري قبل لا تتورط وحط ذي الاساسيات ببالك
1_ اعرف اذا كان الغرض الي بتشتريه يضر سيارتك او لا (والافضل انك تختار منتج معين وتروح على اساس انك تلاقيه)
2_ اعرف متوسط سعر الاغراض الي بتشتريها
3_ لا تعتمد على كلام البائع بتاتاً
4_ حدد بدايل للقطع الي بتاخذها (على سبيل المثال انا كنت مخطط على محول اوزوم بس في حال ما لقيته كنت باخذ نوع ثاني معروف)
5_ شوف مقارنات بالنت للقطع الي بتاخذها قبل تروح تشتريها

هذا كان تقرير بسيط وتقرير العدسات مع شرح مفصل قادم ان شاء الله







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كلام جميل من رجال فاهم ليت اللي يروح السوق يكون زيك عنده خبره.. للأسف الأكثرية يروح السوق وهو مو محدد له هدف مما يجعله عرضه للأشكال هذي ينصبون عليه.. بارك الله فيك


up 3 down 1
inside 35
قبل 6 شهر و 3 أسبوع



مو كل محل في الغرابي يعرف للشغلات ذي
فيه محل في الغرابي يمدحونه اسمه تمران 2 فيها هندي اسمه البرنس او انه ملقب نفسه كذا


up 0 down 1
سلطان4040 1247
قبل 6 شهر و 3 أسبوع



شكرا لك ومعلومات طيبه


up 0 down 1
باترول 2020 2363
قبل 6 شهر و 3 أسبوع



انا مثلك مركب زينون ومحولات دينسو معدله تركب ع فيش الوكالة ع طول من دون توصيله وأموري تمام بس ابي اغير العدسة للتورس ومعروفه صعوبتها شوي والى الان ما وثقت بأي محل ابدا !!


up 0 down 0
088mansour 773
قبل 6 شهر و 3 أسبوع



عشان كذا مااطلب الا من النت واريح راسي او موقع حراج
تزيد١٠٠ريال اوالشحن ياخذ شهر
واهم شيء تحت المكيف واختار الي احتاجه
اما الغرابي ومحلات الزينه يبيلك يوم كامل عشان تحصل
الي تبيه بيغثونك العمال هذا غير بعد المكان والزحمه والشمس
غير المشي الي بتمشيه لانك بتوقف بعييييد عن الزحمه
بالاخير كل قطعه لها كرتون يفرق لونها من محل لاخر!!
ماتدري وين الاصلي
وكل محل توريه الصوره وتقوله عطني نفسه
يقولك عندي ويطق الصدر اخرتها يجيبلك شكل وماركه مختلفه!!


up 1 down 1
d7ooom777 443
قبل 6 شهر و 3 أسبوع



شوف هذا الموقع .. فيه شمعات و انوار و محولات كثيره و يشحن لسعودية

https://www.carid.com


up 2 down 1
المستشار توتو 25
قبل 6 شهر و 3 أسبوع



موضوع مميز وصباح النور


up 0 down 1
صاحب الاوريون 2017 111
قبل 6 شهر و 3 أسبوع



العدسات كانك ماشريتهم كلمني عندي q5 شركة nhk كنت بركبهم وكنسلتها ب٢٥٠


up 0 down 2
yazeed990055 47
قبل 6 شهر و 3 أسبوع



اما انا اشتريت العدسات والمحولات وركبتها بنفسي الحمد لله

رهمتها على التيما 2010

صحيح متعبه شوي لاكن الحمد لله نجحت فيها والنور ولا اروع و الوزنيه ممتازه


up 0 down 0
تعبت ادور راحتى 155
قبل 6 شهر و 3 أسبوع



الادهى والامر يوم يقولك انا اعرف ويجيب اوم العيد بالسياره

وكم مره يجي يسوي ويولف على كيفه وانهره وقفل الكبوت واسحب عليه واعطيه كلمتين تبرد قلبي

اذا مو فاهم لاتسوي فيها هههههههه





up 0 down 0
aboahmed2014 613
قبل 6 شهر و 3 أسبوع



اخوي كم مقاس العدسة 2.5 او 3

للازيرا


up 0 down 0
خالد البيتي -2
قبل 6 شهر و 2 أسبوع