وش حل النفضه والسياره واقفه في الالنترا علما موتري2014

نفس مشكلتي النترا ٢٠١٥ مالقيت حل الى الان وسويت يرمجه

احتمال كويلات او كراسي مكينة 

كرس مكينه او كويل او بوابة الهواء تحتاج تنضيف .

كراسي المكينه مالها دخل إذا كانت فيه رجه وانت ماشي بالخط بيكون كذا كراسي مكينه

عندي النترا وعندي نفس المشكلة

نظفت بوابة الهواء وغيرت البواجي ولا راحت
وقلت يمكن انها من كراسي المكينة
وذلحين عرفت انها منتشرة

السيارة صغيرة طبيعي يكون فيها رجة بسيطة ، لكن إذا فيه صوت صرصرة مع الرجة السبب عادة من جلد الكبود حاول ترخيها شوي وتمسك الكبوت ، والرجة البسيطة مقبولة في السيارات الصغيرة بعد ممشى 100 ألف ، تكون كراسي المكينة نقص عمرها وجلد السيارة عموما نقص عمرها الإفتراضي ، فلا تتعب نفسك كثير وجرب ترخي جلد الكبوت مسمارين تلفها تقريبا عكس عقارب الساعة ، أغلب الصرصرة من الكبوت

صارت مع ولد عمي وسيارته كامري وطلع معاه زيت القير محترق ويلخبط القير وغير الزيت وضبط .. امكن سيارتك لايضرب عليك القير

الرجه من القير يلخبط مايمسك لان الزيت محروق 

نفس المشكله عندي اكسنت ٢٠١٥ ونظفت بوابه الهواء ولا راحت الي عنده حل يفيدنا الله يجزاكم خير 
لكن اتوقع كراسي قير لكن ما ودي اصلح واخسر وانا مو متاكد 

البراجي مالها شغل
عندك احتمال اول 
كويلات 
الاحتمال الثاني 
الثروتل يبيله تنضيف 

الاحتمال الثالث وهو الي اتوقعه سبب المشكله 
احتمال حساسات المكينة مايوصل الكهرب لها يعني مليانه رمل من داخل 
انصحك تشتري بخاخ تنضيف الكترونيات موجود بساكو اسمه crc
وفكك الحساسات ونضفها وجرب بدال ماتخسر من نصب الورش

كان عندي نفس المشكله بالظبط النترا 2016 وغيرت كرسي الجير سعره وكاله تقريبا 230 ريال وشغل 100 ريال واختفت المشكله ولله الحمد.
تروح الورشه وهو تقريبا يحط مفك تحت كرسي الجير وتشوف الرجه اختفت ولا لا وما دام الرجه تختفي على N يكون الاحتمال الاكبر هو كرسي الجير وليس بواجي ولا بوابه وخلافه